Иоаннонди панчф няйфкс 11:13 - Од Соткс Новый Завет на мордовском-мокша языке 2016

¹³ Эстокиге тиевсь оцюдонга оцю модашерьхкома, и срафтфоль ошть кемонце пяльксоц. Модашерьхкомать эзда шавовсь сисем тёжятть ломань, а лядыхнень сявозень пелема и синь азсть шнама менелень Шкайти.

Иоаннонди панчф няйфкс 11:13 ပူးပေါင်းရင်းမြစ်များ

Иоанн 9:24

Эста омбоцеда тердезь ся ломанть, кона сокороль, и мярьгсть тейнза: «Макст Шкайть инголе вал корхтамс видеть. Минь содасаськ: Ся Ломанць пежес суваф».

Апостолхнень тевсна 1:15

И вов ся шитнень Пётр арась тонафнихнень инголе (а пуромфта ульсь сяда комозьшка ломань) и мярьгсь: «Кемай ялгат! Сёрматфксса Иняру Ваймопожфсь Давидонь вельде инголькиге азозе, мезе сатсы Иудань. Тянди эрявсь пяшкодевомс. Тя Иуда няфтезе кить сятненди, кит мольсть Иисусонь сявомонза,

Иоаннонди панчф няйфкс 11:11

Но колма пяле мархта шида меле сувась пророкнень потмозост эряфонь ваймопожфсь Шкайть эзда, и синь меки стясть пильге лангс. Оцюдонга оцю пелема сявозень сембонь сятнень, кит ванцть лангозост.

Иоаннонди панчф няйфкс 11:19

Менельса панжевсь Шкаень кудсь и тоста няевсь Шкаень сотксонь арзясь. И ёндолхне кфчиесть, кулевсть вайгяльхть, торасть атяпне, тиевсь модашерьхкома и прась оцю цяряхман.

Иоаннонди панчф няйфкс 14:7

Сон кайгиста корхтась: «Пеледа Шкайда и шнасть Сонь! Вдь сась пингсь, мзярда Сон судендасыне масторлангонь сембе ломаттнень! Сяс сюконяда менелень, модань, оцюведень и лихтибрянь Тиити!»

Иоаннонди панчф няйфкс 15:4

Кие аф кармай пелема эздот, Азор, и кие аф шнасы Тонь лемцень? Вдь Тон ськамот Инярусь! Сембе ломаньтналхне сайхть и сюконяйхть-комайхть Тонь инголет, сяс мес няевикст арасть Тонь виде тефне!»

Иоаннонди панчф няйфкс 19:7

Эрь кенярттяма оцю кенярдемаса и шнасаськ Шкаеньконь, сяс мес сась Верозть рьвяямань илац, рьвянясь аноклась пря ни.

Иоаннонди панчф няйфкс 3:4

Но Сардисса, тонь ширесот, улихть тяфтаптка, конат ашезь рдаскофта эсь щамснон, аньцек эздост аф лама. Синь кармайхть якама Монь мархтон акша щамса, сяс мес синь кондястихть тянди.

Иоаннонди панчф няйфкс 6:12

Мзярда Верозсь валхтозе котоце тяштьксть, мон варжакстонь и няень оцюдонга оцю модашерьхкома; шись равчкодсь, арась кода ризнамань щам, а ковсь тиевсь веронь тюсса.

Иоаннонди панчф няйфкс 8:5

Ангелсь сявозе качакофтомань кядьготь, пяшкодезе сонь алтарьста толда и ёрдазе модать лангс: и кайгозевсть вайгяльхне и атямонь торамась, кфчядсть ёндолхт и тиевсь модашерьхкома.