Иоаннонди панчф няйфкс 10:6 - Од Соткс Новый Завет на мордовском-мокша языке 2016

⁶ и варась пефтома пингс Эряйть лемса, Сянь лемса, кие тиезе менельть, модать, оцюведть и семботь, мезе синь эсост. Ангелсь мярьгсь: «Пингсь аделавсь.

Иоаннонди панчф няйфкс 10:6 ပူးပေါင်းရင်းမြစ်များ

Иоаннонди панчф няйфкс 1:18

Мон – эряфонь канды лихтибрян. Мон улень кулоф, и тяни шисан и карман эряма пефтома пингс. Монь кядьсон адонь и куломань панжематне.

Иоаннонди панчф няйфкс 12:12

Кенярдеда ина, менельхть и эсонза сембе эряйхне! Но кальдяв мода лангса и оцюведьса эряйхненди, сяс мес идемэвозсь валгсь тейнть, оцюдонга оцю кяжса палозь, вдь содасы, кржа лядсь сонь пингтонза».

Иоаннонди панчф няйфкс 16:17

Сисемце ангелсь валозе эсь кядьгонц кожфти – и менелень Шкаень кудста, оцязоронь озама вастть эзда, кайгозевсь вайгяль, кона мярьгсь: «Тиф!»

Иоаннонди панчф няйфкс 21:6

Сон тага мярьгсь тейне: «Ня валхне пяшкодсть! Мон Альфась и Омегась, Ушеткссь и Песь. Сянь, кинь сась симомац, Мон питнефтома симдьса эряфонь максы лихтибряста.

Иоаннонди панчф няйфкс 4:10

сембе комсь нилие атятне прашендыхть оцязоронь вастса Озадоть инголе и сюконякшнихть пефтома пингс Эряйти. Синь валхнесазь прястост эсь оцязоронь каштазснон и путнесазь оцязоронь озама вастть инголи, корхтайхть:

Иоаннонди панчф няйфкс 4:11

«Азороньке, Шкаеньке! Тонь оцюшицень коряс Тейть максови сюконяма, шнама и азорксши; вдь Тон тиить семботь, и Тонь мяльцень коряс синь эряйхть и тифт».

Иоаннонди панчф няйфкс 4:9

Эрь мезне, мзярда синь азондыхть шнамань, оцюлгофтомань и сюконямань валхт оцязоронь озама вастса Озадоти – пефтома пингс Эряйти,

Иоаннонди панчф няйфкс 6:11

Эста эрти синь эздост макссть акша щам и мярьгсть тейст нинге аф ламос учемс. Тейст эрявсь учемс ся пингс, мзярс аф кочкави сатомшка кемай ялгадост, синь мархтост Шкайти покодида, конат синь лацост улихть шавфт.