Иоаннонди панчф няйфкс 1:9 - Од Соткс Новый Завет на мордовском-мокша языке 2016

⁹ Мон, Иоанн, тинь кемай ялганте, явса мархтонт Иисус Христосонь маятаманц, оцязорксшинц и кирдемшканц. Мон улень паньф Патмос усияв сяс, мес пачфнине Шкаень валть и азондонь Иисус Христосонь колга.

Иоаннонди панчф няйфкс 1:9 ပူးပေါင်းရင်းမြစ်များ

Матфей 20:23

Иисус корхтай тейст: «Монь ризфонь кядьгозень тинь симсасть, а озамс види али кержи кядь ширезон, тя аф Моньцтон ащи: тоза озайхть сят, кинди аноклазень ня васттнень Монь Алязе».

Марк 10:39

Синь мярьгсть каршезонза: «Тейнек тя тиеви». Эста Иисус азозе: «Ся кядьготь, конань Мон симса, симсасть, и ся кстиндамаса, конаса Мон улян кстиндаф, тиньге ульхтяда кстиндафтфт;

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Апостолхнень тевсна 1:15

И вов ся шитнень Пётр арась тонафнихнень инголе (а пуромфта ульсь сяда комозьшка ломань) и мярьгсь: «Кемай ялгат! Сёрматфксса Иняру Ваймопожфсь Давидонь вельде инголькиге азозе, мезе сатсы Иудань. Тянди эрявсь пяшкодевомс. Тя Иуда няфтезе кить сятненди, кит мольсть Иисусонь сявомонза,

Апостолхнень тевсна 14:22

Сембе вастова синь кемокснезь тонафнихнень ваймопожфснон, тонафтозь ванфтомс кемамаснон, корхтасть: «Лама маятама вельде тейнек сувама Шкаень Оцязорксшити».

Павелонь сёрмац Риму 8:17

А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

Павелонь сёрмац Риму 8:25

Но кда минь надиятама сянь лангс, мезе нинге аф няйхтяма, эста учсаськ тянь кирдемшка мархта.

Павелонь омбоце сёрмац Коринфу 1:7

Минь кемоста надиятама лангозонт: тинь кирттяда. Вдь минь содасаськ: кода тинь ули пяльксонте минь мархтонк маятамасонк, тяфта жа тинь ули пяльксонте минь мархтонк ваймафтомасонк-кемокстамасонк.

Павелонь сёрмац Филиппав 1:7

Монь ули цебярь туфталозе тяфта арьсемс сембонь тинь колгант, сяс мес тинь фалу монь седисонтада. Тинь ули пяльксонте монь мархтон пароказнеть эзда: пякстамгудса ащемасонга, стане и Пара кулять араламасонза и кемокстамасонза.

Павелонь сёрмац Филиппав 4:14

Тинь сякокс лац тиеде, мес явость мархтон монь сталмонень.

Павелонь омбоце сёрмац Фессалоникав 3:5

Катк ина Азорсь ладясыне тинь седиентень Шкаень кельгомати и Христость кирдемшканцты.

Павелонь омбоце сёрмац Тимофеенди 1:8

Сяс тят визде азонкшнемс Иисус Христос Азороньконь колга ломаттненди, тяфта жа тямак визде монь, Сонь валонц пачфнеманкса пякстафть. Меколанкт, кирдить мархтон сталмонень Христость Пара кулянц инкса, надиязь Шкайть виенц лангс.

Еврейхненди сёрмась 10:36

Тейнть эряви кирдемс сталмотнень пингста. Тянь вельде тейнть пяшкодеви Шкайть мялец и максови Сонь эздонза надияфтфсь:

Пёторонь васенце сёрмац 5:1

Тяни мон пшкядян кемаень пуромксонь оцюнянтенди: монга лацост кемаень пуромксонь оцюнян и эсь сельмосон няине Христость маятаманзон и Сонь мархтонза явса ся иневалдть, кона эвондай эсь пингстонза. Мон эняльдян тейнть:

Иоаннонди панчф няйфкс 1:1

Тя книгаса азондови ся няйфкснень колга, конатнень панжезень Иисус Христоссь. Тейнза ня няйфкснень максозень Шкайсь, конань мялецоль няфтемс Эсь покодиензонды, мезти курок эряви улемс. Христоссь кучезе ангелонц азомонза тянь Эсь покодиенцты Иоаннонди.

Иоаннонди панчф няйфкс 1:2

Иоанн семботь колга пачфти, мезе няйсь и кульсь: Шкаень валть и видешить колга, конань азондозе Иисус.

Иоаннонди панчф няйфкс 1:4

Иоанн сёрмады Римонь Асияса сисем кемаень пуромксненди: пароказне тейнть и сетьмоши Сянь эзда, кие фалу ули, ульсь и сай, и сисем ваймопожфнень эзда, конат Сонь озама вастонц инголет,

Иоаннонди панчф няйфкс 1:6

Сон тиемазь минь оцязоркс и Шкайти, Эсь Алянцты, озксвятикс. Тейнза шнама и азорксши сембе пинкнень! Аминь.

Иоаннонди панчф няйфкс 11:7

Мзярда синь аделасазь пачфнемс Шкайть эзда максф валть, потмаксфтома томбаста кеподи кяжи жувата; сон кармай тюрема мархтост, сяськсыне синь и шавсыне.

Иоаннонди панчф няйфкс 12:11

Синь сяськозь сонь Верозть верса и Шкаень валть пачфнемаса. Синь, нльне, эсь эряфснон аноктольхть максомс, аф пелемок куломать эзда.

Иоаннонди панчф няйфкс 12:17

Драконть кяжец лаказевсь авать лангс, и сон тусь тюрема авать лия идензон мархта, конат ванфнесазь Шкайть кошардомвалонзон и конат кирдихть Иисус Христосонь эзда азф валти.

Иоаннонди панчф няйфкс 13:10

Кинди повома полонц, ся пови полонц, кинди кулома тор эзда, ся кулы тор эзда. Тянь эса Шкаень ломаттненди эряви кирдемшка и кемама.

Иоаннонди панчф няйфкс 14:12

Тянь эса эряви кирдемшка Шкаень ломаттненди, лиякс мярьгомс, сятненди, кит ванфтсазь Шкаень кошардомвалхнень и ляткшнихть кемайкс Иисусонди».

Иоаннонди панчф няйфкс 19:10

Эста мон прань сонь пильгозонза тейнза сюконязь, но сон мярьгсь тейне: «Ватт, тяк тиенде тянь! Монга Шкаень покодиян, кодамат тон и тонь ялгатне, конат азондыхть Иисусонь колга. Шкайти сюконяк! И содак: Иисусонь колга азондомась – тя пророчендамань ваймопожф».

Иоаннонди панчф няйфкс 20:4

Мон няень оцязоронь озама вастт, конатнень лангс озасть сят, кинди максфоль азорксши судендамс. Тяфта жа мон няине сятнень ваймоснон, кинь пряснон керозь Иисусонь колга азондомать инкса и Шкаень валть инкса. Синь ашесть сюконякшне аф кяжи жуватати, аф сонь ликонцты, и ашезь путфта сонь тяштьфксонц аф конязост, аф кядезост. Синь вельмасть и азорондасть Христость мархта тёжянь киза.

Иоаннонди панчф няйфкс 3:10

Тон ванфтыть монь кошардомазень улемс кирдикс, сяс монга карман ванфтомот тонь варчсемань-маятамань пингста, кона шашты марнек масторть лангс и кармай варчсемост-маятафтомост модалангонь сембе эряйхнень.

Иоаннонди панчф няйфкс 6:9

Мзярда Верозсь валхтозе ветеце тяштьксть, мон няине алтарть ала сятнень ваймоснон, кит шавфтольхть Шкаень валть инкса и колганза няфтемать-азондомать инкса.

Иоаннонди панчф няйфкс 7:14

Мон мярьгонь тейнза: «Азор, тон тянь содасак». И сон азозе каршезон: «Нят сят, кит састь оцю маятамаста. Синь муськозь эсь щамснон и акшептозь синь Верозть верса.