Иоаннонди панчф няйфкс 1:11 - Од Соткс Новый Завет на мордовском-мокша языке 2016

¹¹ Сянь, мезе няят, сёрматк книгас и кучк Асиянь сисем кемаень пуромксненди: Ефесу, Смирнав, Пергаму, Фиатирав, Сардису, Филадельфияв и Лаодикияв».

Иоаннонди панчф няйфкс 1:11 ပူးပေါင်းရင်းမြစ်များ

Апостолхнень тевсна 16:14

Кулхцондыхнень ёткса ульсь Фиатир ошста Шкайда пели ава, конац мишендсь шобда-якстерь котфт. Сонь лемоцоль Лидия. Шкайсь панжезе сонь седиенц сянди, мезе корхтась Павел.

Апостолхнень тевсна 18:24

Ефесу сась фкя еврей, лемоцоль Аполлос, шачемас коре Александрияста. Алясь мазыста корхтась и лац содазень Сёрматфкснень.

Апостолхнень тевсна 20:17

Милитста сон кучсь Ефесу тостонь кемаень пуромксонь оцюнятнень инкса.

Павелонь васенце сёрмац Коринфу 15:32

Кда мон арьселень тя масторлангонь ломаттнень лаца, эста мезенди Ефесса мон тюрень вирьбаксянь жувататнень мархта? Кодама тейне лезкс тянь эзда, кда кулофне аф вельмайхть? Эста «Эрьда карматама ярхцама-симома, вдь ванды кулотама!»

Павелонь васенце сёрмац Коринфу 16:8

А тяса, Ефесса, мон лядан Ведьгемонце шинь илать самс,

Павелонь сёрмац Ефесу 1:1

Павел, Шкайть мяленц коряс Иисус Христость апостолоц, кучи пара вал Ефесса эряй иняру ломаттненди, конат ванфнесазь эсь кемамаснон Иисус Христости.

Павелонь сёрмац Колоссав 2:1

Монь мялезе: содалесть тинь, кодама стака тюрема мон вятян тинь инксонт и Лаодикия ошень кемайхнень инкса, и сембонь сятнень инкса, конат вестеньге ашезь няенде монь шамазень.

Павелонь васенце сёрмац Тимофеенди 1:3

Македонияв тумстон мон мярьгонь тейть илядомс Ефесса и тоса кардамс кой-кона ломаттнень: катк аф пачфнихть лия тонафтомат,

Иоаннонди панчф няйфкс 1:17

Сонь няемстонза, мон прань пильгозонза, кода кулоф. Сон путозе монь лангозон види кяденц и мярьгсь тейне: «Тят пеле! Мон – Васенцесь и Мекольцесь,

Иоаннонди панчф няйфкс 1:19

Сёрматк ина, мезе няеть; и сянь, мезе тиендеви тяни, и сянь, мезти тиевома курок.

Иоаннонди панчф няйфкс 1:2

Иоанн семботь колга пачфти, мезе няйсь и кульсь: Шкаень валть и видешить колга, конань азондозе Иисус.

Иоаннонди панчф няйфкс 1:20

Тяни Мон панчса тейть салавашить, азса, кодама смузь няфтихть ся сисем тяшттне, конатнень тон няить Монь види кядьсон, и ся сисем валдоптомань кирдематне. Сисем тяшттне – тя сисем кемаень пуромкснень ангелсна, а сисем валдоптомань кирдематне, конатнень тон няить, тя сисем кемаень пуромксне».

Иоаннонди панчф няйфкс 1:4

Иоанн сёрмады Римонь Асияса сисем кемаень пуромксненди: пароказне тейнть и сетьмоши Сянь эзда, кие фалу ули, ульсь и сай, и сисем ваймопожфнень эзда, конат Сонь озама вастонц инголет,

Иоаннонди панчф няйфкс 1:8

«Мон – Альфась и Омегась, Ушеткссь и Песь» – корхтай Азорсь, – Ся, кие ули, ульсь и сай, Семботь Кирдиец.

Иоаннонди панчф няйфкс 10:4

И мзярда сисем атяпне аделазь корхтамаснон, мон срхкань сёрмадомс семботь, но кулень менельста вайгяль, кона корхтась тейне: «Пякстак пякстамань тяштькс алу сянь, мезе корхтасть сисем атяпне, и тяк сёрмада сянь».

Иоаннонди панчф няйфкс 14:13

И мон кулень менельста вайгяль, кона корхтась: «Сёрматт: Тя шиста сявомок павазуфт сят, кит кулыхть Азорти кемазь». «Афкукс тяфта, – корхтай Ваймопожфсь, – синь ваймяйхть эсь стака покодемаснон эзда, сяс мес синь пара тевсна молихть мельгаст».

Иоаннонди панчф няйфкс 19:9

Ангелсь мярьгсь тейне: «Сёрматт: павазуфт сят, кит тертьфт Верозть рьвяямань илань каванямас». И нинге сон мярьгсь: «Нят Шкаень виде валхне».

Иоаннонди панчф няйфкс 2:1

«Ефесонь кемаень пуромксть ангелонцты сёрматт: "Вов мезе корхтай Ся, кие кирди сисем тяштть види кядьсонза и якай зрнянь сисем валдоптомань кирдематнень ёткова:

Иоаннонди панчф няйфкс 2:12

«Пергамонь кемаень пуромксть ангелонцты сёрматт: "Вов мезе корхтай Ся, кинь ули кафцьке пяльде оржа тороц:

Иоаннонди панчф няйфкс 2:18

«Фиатиронь кемаень пуромксть ангелонцты сёрматт: "Вов мезе корхтай Шкайть Цёрац, конань сельмонза, кода палы тол, и пильгонза, кода пиндолды бронза:

Иоаннонди панчф няйфкс 2:24

Но тейнть, Фиатира ошста лиятненди, конат ашесть прафта тя тонафтомати и ашезь сода, кода корхтайхть, Сатанань крхкашить, Мон корхтан: аф путан лангозонт кодамовок од канкс.

Иоаннонди панчф няйфкс 2:8

«Смирнань кемаень пуромксть ангелонцты сёрматт: "Вов мезе корхтай Васенцесь и Мекольцесь, Ся, кона кулофоль, а тяни шиса.

Иоаннонди панчф няйфкс 21:5

Эста мярьгсь Ся, кона озадоль оцязоронь озама вастса: «Вов, Мон семботь тиса одкс». И поладозе: «Сёрматк, сяс мес ня валхне видет и синь лангозост ули кода надиямс».

Иоаннонди панчф няйфкс 22:10

Ангелсь мярьгсь тейне: «Тяйть пяксне пякстамань тяштькс алу тя книгать пророчествань валонзон, сяс мес синь пяшкодевомасна маласа ни!

Иоаннонди панчф няйфкс 22:16

Мон, Иисуссь, кучине тейнть Эсь ангелозень азондомонза семботь тянь кемаень пуромксова. Мон Давидонь юромонц Поладыец, сонь юрстонза Лисьфсь, шобдавань валда Тяштсь».

Иоаннонди панчф няйфкс 3:1

«Сардисонь кемаень пуромксть ангелонцты сёрматт: "Вов мезе корхтай Ся, кинь улихть Шкаень сисем ваймопожфонза и сисем тяштенза: Мон содасайне тонь тефнень. Тонь луфтядязь эряйкс, но афкукс тон кулофат.

Иоаннонди панчф няйфкс 3:14

«Лаодикиянь кемаень пуромксть ангелонцты сёрматт: "Вов мезе корхтай Аминь, валонь кирди и виде азондысь, конань вельде Шкайсь тиезе семботь:

Иоаннонди панчф няйфкс 3:4

Но Сардисса, тонь ширесот, улихть тяфтаптка, конат ашезь рдаскофта эсь щамснон, аньцек эздост аф лама. Синь кармайхть якама Монь мархтон акша щамса, сяс мес синь кондястихть тянди.

Иоаннонди панчф няйфкс 3:7

«Филадельфиянь кемаень пуромксть ангелонцты сёрматт: "Вов мезе корхтай Инярусь и Видесь, конань кядьса Давидонь панжемац; Сон ся, кие панчсы кенкшть – и киндинге аф пякстави; Ся, кие пякстасы кенкшть – и киндинге аф панжеви: