Иоанн 9:39 - Од Соткс Новый Завет на мордовском-мокша языке 2016

³⁹ Иисус мярьгсь: «Мон сань тя масторлангти ломаттнень пежеснон лангу лихтеманкса – аф няихне няельхть, а няихне сокоргодольхть».

Иоанн 9:39 ပူးပေါင်းရင်းမြစ်များ

Матфей 11:5

сокорхне няихть и шаморхне якайхть, наксафты урмаса сярядихне аруякшнихть и пяряфне кулихть, кулофнень вельмафнесазь и ашуфненди пачфневи Пара кулясь.

Матфей 15:14

Тяда пичеде фарисейхнень инкса, синь – сокоронь вяти сокорхт; а кда сокорсь вяти сокор, эста кафцьке прайхть лоткс».

Матфей 6:23

но кда сельмоце аф шумбра, эста сембе ронгце ули шобдаса. Тяфта, кда валдсь, кона эсот – шобдаши, эста конашкава шобда ули шобдашись!

Лука 1:79

кона валдоптсыне шобдаса и куломань цильфса ащихнень и кона ладясыне минь пильгоньконь сетьмошинь ки лангс».

Лука 13:30

Эста ламотне, конат тяни мекольцет, улихть васенцет, и ламотне, конат тяни васенцет, улихть мекольцет».

Лука 2:34

Симеон бславазень синь и мярьгсь Мариянди, Иднять тядянцты: «Тя Идсь арай туфталкс Израильса ламотнень прамаснонды и кеподемаснонды. И Сон арай Шкаень тяштьксокс, конань каршес стяйхть ламотне.

Лука 4:18

«Азорть Ваймопожфоц Монь лангсон, сяс мес Сон вадемань-кочкамань Монь пачфтемс Пара кулять ашуфненди. Сон кучемань Монь пчкафтомс кольф седихнень, азомс пякстафненди воляс нолдамаснон колга и сокорхненди сельмонь панжемаснон колга. Сон кучемань Монь нолдафтомост люпштафнень,

Лука 7:21

Тя ульсь ся пингть, мзярда Иисус пчкафтсь пяк лама ломань урмада и стака сярядемада, ламоста панць кяжи ваймопожфт, ламонц сокорхнень тиезень няикс.

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Иоанн 12:46

Мон сань масторлангти валдокс, Тейне фкявок кемайсь афоль ляда шобдашиса.

Иоанн 3:17

Шкайсь кучезе Эсь Цёранц масторлангти аф судендамс масторлангть, а Эсь Цёранц вельде идемс сонь.

Иоанн 3:19

Вов мезьса судендамась: валдсь сась масторть лангс; но ломаттненди сяда пяк кельговсь шобдась валдть коряс; сяс мес тевсна ульсть кяжихть.

Иоанн 8:12

Иисус тага корхтась ломаттненди и мярьгсь: «Мон валдсь масторлангти. Кие моли мельган, ся аф якай шобдашиса, но сянь ули эряфонь максы валдоц».

Иоанн 8:15

Тинь судендатада ланга ванозь; Мон киньге аф судендаса.

Иоанн 9:25

Сон мярьгсь каршезост: «Пежу али аф, сянь аф содаса. Фкя содан: сокоролень, а тяни няян».

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Павелонь омбоце сёрмац Коринфу 2:16

Финцненди – минь куломань шине, кона канды кулома, омбонцненди – эряфонь танцти шине, кона канды эряф. Ина кинди сафтови тяфтама оцю тевса покодемс?

Павелонь сёрмац Ефесу 5:14

Сяс и корхтави: «Сргость, уды! Вельмак кулофнень эзда, и тонь валдопттанза Христоссь!»

Павелонь омбоце сёрмац Фессалоникав 2:10

Сон кяжи васькафнематнень вельде саласыне юмайхнень мяльснон. Синь повихть аду, сяс мес ашезь кельге видешить, конань вельде идевольхть.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Иоаннонь васенце сёрмац 2:11

А кие прокс афолезе няе эсь кемай ялганц, ся повсь шобдашити и шобдашиса якай, и аф содасы ков моли, сяс мес шобдась сокоргофтозень сонь сельмонзон.