Иоанн 8:6 - Од Соткс Новый Завет на мордовском-мокша языке 2016

⁶ Тяфта синь корхтасть, сяс мес ёрасть кундамс Иисусть валса и мумс кодамовок туфтал Сонь муворгофтомс. Но Иисус комась и сурсонза сёрмадсь модать лангс.

Иоанн 8:6 ပူးပေါင်းရင်းမြစ်များ

Матфей 10:16

Вага, Мон кучтядязь тинь, кода учатнень врьгаснень ёткс: уледа куй лаца смузюкс и гуляня лаца сятявкс.

Матфей 15:23

Но Иисус каршезонза валга ашезь аза. Сонь тонафниенза маладсть и мярьгсть Тейнза: «Тик авати, мезе веши, сяс мес сон моли мельганк и юватькшни».

Матфей 16:1

Иисусонь малас састь фарисейхть и саддукейхть, и варчсезь Сонь виенц – вешсть кядьстонза тяштькс менельста.

Матфей 19:3

Нажядсть Тейнза фарисейхне. Синь ёразь кундамс Сонь кизефкс вельде, мярьгсть: «Мярьгондеви-аф аляти койть коряс кодамовок туфталонкса явомс эсь рьванц мархта?»

Матфей 22:18

Иисус шарьхкодезень синь кальдяв мяльснон и мярьгсь: «Шамафксонь каннихть! Мезенди варчсесамасть Монь кизефксонтень вельде?

Матфей 22:35

Эздост койти фкя тонафтысь арьсесь кундамс Иисусонь валса и кизефтезе:

Матфей 26:63

Но Иисус ащесь апак каштортт. Тага озксвятиень оцюнясь пшкядсь Тейнза: «Мярьган Тейть: эряй Шкайть лемса варазь азк тейнек – Тон Христоссят, Шкайть Цёрацат?»

Марк 10:2

Састь ваксозонза фарисейхть и, ёрамок кундамс Иисусонь валса, кизефтезь: «Койть коряс мярьгондеви мирдти кадомс рьванц али аф?»

Марк 12:15

Но Иисус содазе, синь – шамафксонь каннихть, сяс мярьгсь тейст: «Мезенди варчсесамасть Монь кизефксонтень вельде? Кандода Тейне динарий, ванца».

Марк 3:2

Фарисейхне вешендсть туфтал Иисусть муворгофтомс, сяс ванцть Сонь мельганза, пчкафтсы-аф тя ломанть ваймамань шиня.

Марк 8:11

Састь фарисейхть и срхкафтсть Иисусонь мархта пялькстома. Синь вешсть Сонь кядьстонза тяштькс менельста, тяфта варчсезь Сонь виенц.

Лука 10:25

Вов, стясь койти фкя тонафтысь и ёрамок кундамс Иисусонь валса, мярьгсь: «Тонафты! Мезе тейне тиема пефтома эряфонь сатоманкса?»

Лука 11:16

Лиятне, варчсемок Иисусонь виенц, анасть-вешсть кядьстонза менельста тяштькс.

Иоанн 8:2

Шобдава тага сась Шкаень куду, и сембе мольсть Тейнза. Сон озась и кармась тонафтома эсост.

Павелонь васенце сёрмац Коринфу 10:9

Аф карматама варчсемонза Христость куватьс кирдемшканц, кода тиендсть ёткстост конат-конат: синь кулсесть куень пупамада.