Иоанн 8:34 - Од Соткс Новый Завет на мордовском-мокша языке 2016

³⁴ Иисус азозе: «Видеста корхтан тейнть: эрь пежень тиись – пежети уре.

Иоанн 8:34 ပူးပေါင်းရင်းမြစ်များ

Матфей 5:18

Видеста корхтан тейнть: мзярс менельсь и модась аф юмайхть, фкявок буквась и фкявок китькскясь койста аф юмай, мзярс сон педа-пес аф пяшкодеви.

Иоанн 3:3

Иисус каршезонза пшкядсь: «Видеста корхтан тейть: кие аф шачи одукс, вярде, сянди аф няеви Шкаень Оцязорксшись».

Апостолхнень тевсна 8:23

Вдь мон няйса, тонь потмоце пяшксе сяпта и марнек сотнефат пежеса».

Павелонь сёрмац Риму 6:12

Сяс катк пежесь аф азорондай куломанди максф ронгонтень лангса, и тясть кулхцонда сонь визькс мялензон.

Павелонь сёрмац Риму 6:16

Кали аф содасасть: кда тинь макссасть эсь прянтень киньге кядялу урексшис, эста тинь афкукс кармаде улема сянди урекс, кинь кулхцондсасть? Тинь али пежети уретяда, мезсь вяти куломас, али Шкаень кулхцонды уретяда, мезсь вяти Шкайть мархта ладямати.

Павелонь сёрмац Риму 6:6

вдь минь содасаськ: ташта ломаненьке эськотьф Христость мархта крёз лангс минь пежу обуцяньконь виенц юмафтоманкса, афолеме уле пежети урекс.

Павелонь сёрмац Риму 7:14

Вдь минь содасаськ, койсь Ваймопожфонь. А мон ломанян ронгонек-пондонек и мифан урексшис пежети.

Павелонь сёрмац Риму 7:25

Сюконян Шкаезти – Сон мянтьфтемань монь Иисус Христос Азороньконь вельде! Лисенди тяфта, эсь потмован мон покодян Шкайть коенцты, а эсь колаф обуцязень коряс – пежень койти.

Павелонь сёрмац Риму 8:21

сонга ули нолдаф воляшис юмамань-наксадомань урексшиста и сувай Шкаень иттнень иневалдозост.

Павелонь сёрмац Ефесу 2:2

Синь эсост тинь эряде тя масторлангонь кяжи обуцятнень коряс, максседе пря менель алдонь азорти, ваймопожфти, кона тянивок азорондай сятнень лангса, кие аф кулхцондсы Шкайть.

Павелонь сёрмац Титонди 3:3

Вдь минь минцьке мзярда-бди ашеме шарьхкоде, ашеме кулхцонда, минь улеме васькафтфт-эрьготьфт, улеме урекс эрь кодама пежу таколдоматненди и синь топафтомаснонды. Минь эряме кяжса и сельмонь каязь, улеме нильготьксокс и прокс афолеме няе фкя-фкянь.

Пёторонь омбоце сёрмац 2:19

Ня аф виде тонафтыхне надияфтыхть тейст воляши, хуш синць урет сянди, мезсь вяти юмамати-арамати. Вдь эрь ломанць уре сянди, кие сонь сяськозе.