Иоанн 8:19 - Од Соткс Новый Завет на мордовском-мокша языке 2016

¹⁹ Эста мярьгсть Тейнза: «Коса Аляце?» Иисус каршезост мярьгсь: «Аф Монь, аф Алязень тинь аф содасасть; содалемасть Монь, эста содалесть Монь Алязеньге».

Иоанн 8:19 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Иоанн 1:10

Валдсь масторлангсоль, и масторлангсь Сонь вельденза тиевсь, аньцек масторлангстотне ашезь сода Сонь.

Иоанн 1:18

Шкайть кивок мзярдовок ашезе няе. Фкя-тяка Шкай Цёрац, кона Эсь Алянц маласа, панжезе Сонь тейнек.

Иоанн 15:21

Сембонь тянь тисазь тейнть Монь лемозень инкса, сяс мес аф содасазь Монь Кучиезень.

Иоанн 16:3

Тяфта кармайхть тиендема, сяс мес ашезь сода аф Алязень, аф Монь.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Иоанн 7:28

Иисус Шкаень кудса тонафтомста корхтась вярьгак вайгяльхть: «Тинь содасамасть Монь, и коста сань содасасть. Мон сань аф Эсь эздон, но Монь кучемань Ся, кона виде. Аньцек тинь аф содасасть Сонь.

Павелонь васенце сёрмац Коринфу 15:34

Сргозеда видешинь эряфти и лоткада пежень тиендемда. Вдь тинь ётксонт улихть стапт, конат аф содасазь Шкайть. Кода тейнть аф визькс!

Павелонь сёрмац Галатияв 4:9

Ина тяни, мзярда тинь содасть Шкайть, сяда лац азомс, мзярда Шкайсь содадязь тинь, кали тинь меки ёратада мрдамс ня лафча и асуфтома вийхненди? Кали меки ёратада арамс тейст урекс?

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь сёрмац Колоссав 1:15

Христос Эсь эсьсонза няфнесы аф няеви Шкайть. Сон васень Цёрась, кона ащи Шкайть сембе тифонц лангса.

Еврейхненди сёрмась 1:3

Цёрась – Шкаень иневалдть вандолфоц и Сон Эсьсонза няфнесы афкукс кодама Шкайсь, и Сон семботь кирдьсы Эсь валонц виенц вельде. Сон аруяфтомазь минь пеженьконь эзда и тяда меле озась менельса инь оцю Шкайть озама вастонц види ширезонза.

Иоаннонь васенце сёрмац 2:23

Кие корхни: «Мон аф кеман Цёрати», – сянь аш Аляцка. А кие аф сёпозь корхни: «Мон кеман Цёрати», – сянь ули Аляцка.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.

Иоаннонь омбоце сёрмац 1:9

Эрсь, кие шарфты Христость тонафтоманц эзда и туй лия киге, ся Шкайфтома. А ся, кие эряй Христость тонафтоманц коряс, сянь эса ули Шкай Алясь и Сонь Цёрац.