Иоанн 7:30 - Од Соткс Новый Завет на мордовском-мокша языке 2016

³⁰ Синь мяльсноль кундамс Иисусть; но кивок ашезе кеподе лангозонза кяденц, сяс мес нинге ашезь са Сонь пингоц.

Иоанн 7:30 ပူးပေါင်းရင်းမြစ်များ

Матфей 12:14

Эста фарисейхне лиссть и кармасть арьсема, кода машфтомс Иисусть. Содамок тянь колга, Иисус тусь ся вастста.

Матфей 21:46

Синь ёразь кундамс Иисусонь, но пельсть ломаньда, сяс мес Сонь лувондозь прорококс.

Марк 11:18

Озксвятиень оцюнятне и койти тонафтыхне марязь тянь и кармасть арьсема, кода шавомс Иисусть. Синь пельсть эздонза, сяс мес ломаттне путнезь седиезост Сонь тонафтоманц.

Лука 20:19

Озксвятиень оцюнятне и койти тонафтыхне шарьхкодезь, тя валвеляфкссь синь колгаст, сяс ёрасть эстокиге кундамс Иисусонь, но пельсть ломаттнень эзда.

Лука 22:53

Мон эрь шиня улендень мархтонт Шкаень кудса, и тинь ашеде кепсе лангозон кятть. Но тяни тинне пингсь и азорондай шобдась».

Иоанн 10:31

Еврейхне тяса тага фатнесть кефт Сонь шавомс.

Иоанн 10:39

Эста тага ёразь кундамс Иисусть; но Сон ворьгодсь эздост.

Иоанн 11:57

Озксвятиень оцюнятне и фарисейхне Иисусть кундаманкса кошардозь ломаттнень: «Кда кие содасы, коса Иисус, катк азсы тейнек».

Иоанн 7:19

Моисей макссь тейнть кой, стане? И кивок ёткстонт аф тиенди коряванза. Мезенкса ёрасамасть шавомс?»

Иоанн 7:32

Фарисейхне марязь Иисусонь колга корхнематнень, и синь марса озксвятиень оцюнятнень мархта кучсть Шкаень кудонь ваныхть Сонь кундамонза.

Иоанн 7:6

Тянь каршес Иисус корхтась тейст: «Монь пингозе нинге ашезь са; а тейнть кодама повсь пингсь ладяй.

Иоанн 7:8

Тинь арда ся илать ётафтома, а Мон мзярс ся илати аф молян; сяс мес Монь пингозе нинге ашезь са».

Иоанн 8:20

Ня валхнень Иисус азозень ярмаконь кочкама арзять ваксса, мзярда Сон тонафтсь Шкаень кудса. И кивок ашезе кунда Сонь, сяс мес нинге ашезь са Сонь пингоц.

Иоанн 8:37

Содаса: тинь Авраамонь уноконь-уноконзотада; и сякокс ёрасамасть Монь шавомс, сяс мес Монь валозе ашезь сува эзонт.

Иоанн 8:59

Эста синь кочкасть кефт лангозонза ёрямс; но Иисус кяшсь, лиссь Шкаень кудста, ётась синь ётковаст и тусь сяда тов.

Иоанн 9:4

Тейне тиемат Кучиезень тевонза, мзярс нинге ашезь валга шись; сай весь, мзярда киндинге мезевок аф тиеви.