Иоанн 7:19 - Од Соткс Новый Завет на мордовском-мокша языке 2016

¹⁹ Моисей макссь тейнть кой, стане? И кивок ёткстонт аф тиенди коряванза. Мезенкса ёрасамасть шавомс?»

Иоанн 7:19 ပူးပေါင်းရင်းမြစ်များ

Матфей 12:14

Эста фарисейхне лиссть и кармасть арьсема, кода машфтомс Иисусть. Содамок тянь колга, Иисус тусь ся вастста.

Матфей 21:38

Но виноградонь касфтыхне цёранц няемста мярьгсть фкя-фкянди: "Тя азорть юромонь поладыец, эрьда шавсаськ сонь, и тейнза аноклаф уликс-парось ляды тейнек".

Марк 11:18

Озксвятиень оцюнятне и койти тонафтыхне марязь тянь и кармасть арьсема, кода шавомс Иисусть. Синь пельсть эздонза, сяс мес ломаттне путнезь седиезост Сонь тонафтоманц.

Марк 3:4

А фарисейхнень кизефтезень: «Койть коряс, мезе тиема ваймамань шиня, цебярь али кальдяв тев? Идемс ломанень эряфть али юмафтомс сонь?» Синь кашт ашесть моле.

Марк 3:6

Фарисейхне лиссть и Иродонь ширенц кирдиензон мархта эстокиге кармасть арьсема, кода шавомс Иисусонь.

Иоанн 1:17

Вдь койсь максф Моисеень вельде, а пароказнесь и видешись састь Иисус Христость вельде.

Иоанн 10:39

Эста тага ёразь кундамс Иисусть; но Сон ворьгодсь эздост.

Иоанн 11:53

Тя шиста сявомок синь арьсекшнезь, кода Сонь шавомс.

Иоанн 5:16

Оцюнятне кармасть панцемонза Иисусонь, мяльсноль шавомс Сонь, сяс мес Сон тиендсь тяфтама тефт ваймамань шиня.

Иоанн 5:18

Эста еврейхнень оцюняснон нинге сяда пяк кемокснесь мяльсна шавомс Сонь, сяс мес Сон аф аньцек колсезе ваймамань шить, но и Шкайть лемнезе Эстейнза Алякс, тянь мархта латцезе Эсь прянц ряцок Шкайть мархта.

Иоанн 5:45

Тяда арьсе, бта Мон карман муворгофнемонт Алязень инголе; ули тинь муворгофтыенте – Моисей, конань лангс тинь надиятада.

Иоанн 7:1

Тяда меле Иисус якась Галилеява. Иудеява якамс Сонь ашель мялец, сяс мес еврейхнень оцюнясна вешендезь Сонь шавомс.

Иоанн 7:25

Иерусалимонь кой-кона эряйхне корхтасть: «Тя афоли Ся, конань вешендьсазь шавомс?

Апостолхнень тевсна 7:38

Тя Моисейсь, мзярда ломаньтналсь кочкафоль шавмодаса, пачфтезе минь аляньконди сянь, мезе азсь тейнза ангелсь Синай пандть пряса. Сон сявозень эряфонь канды валхнень и максозень тейнек.

Павелонь сёрмац Галатияв 3:19

Эста мезенди эряви койсь? Сон ладяфоль меле коень коламатнень сюнеда, и вийсонза ульсь ся пингс, мзярс ашезь са Авраамонь юромонь поладыец, конань колга максфоль надияфтомась. Койсь максфоль-ладяфоль ангелхнень вельде, а меле Моисей, Шкайть и ломаттнень ёткса тевонь якафтысь, максозе сонь евреень ломаньтналти.

Павелонь сёрмац Галатияв 6:13

Синь хуш керфт, но синць аф ванфтсазь койть. Синь мяльсна керфтомс тинь киськопентень, сяс мес тянь вельде ёрайхть шнафтомс эсь пряснон.