Иоанн 7:1 - Од Соткс Новый Завет на мордовском-мокша языке 2016

¹ Тяда меле Иисус якась Галилеява. Иудеява якамс Сонь ашель мялец, сяс мес еврейхнень оцюнясна вешендезь Сонь шавомс.

Иоанн 7:1 ပူးပေါင်းရင်းမြစ်များ

Матфей 10:23

Мзярда кармайхть панцемонт фкя ошса, ворьгодеда лияс. Видеста корхтан тейнть: аф кенерьхтяда ётамс Израильть сембе ошензон, кода сай Ломанень Цёрась.

Матфей 21:38

Но виноградонь касфтыхне цёранц няемста мярьгсть фкя-фкянди: "Тя азорть юромонь поладыец, эрьда шавсаськ сонь, и тейнза аноклаф уликс-парось ляды тейнек".

Марк 11:18

Озксвятиень оцюнятне и койти тонафтыхне марязь тянь и кармасть арьсема, кода шавомс Иисусть. Синь пельсть эздонза, сяс мес ломаттне путнезь седиезост Сонь тонафтоманц.

Иоанн 1:19

Вов мезе азондсь Иоанн, мзярда еврейхнень оцюнясна кучезь Иерусалимста озксвятихнень и левиеннетнень сонь кизефтемонза: «Кият тон?»

Иоанн 4:3

Мзярда Иисус содазе, мезе кульсть колганза фарисейхне, Сон кадозе Иудеять и тусь меки Галилеяв.

Иоанн 4:54

Тя омбоце тяштьксть Иисус тиезе Иудеяста Галилеяв мрдамдонза меле.

Иоанн 6:1

Тяда меле Иисус тусь Галилеянь эрьхкть тона пяли, тя эрьхкть нинге лемнезь Тивериадань эрьхкокс.

Иоанн 7:11

Илань ётафтомста еврейхнень оцюнясна вешендезь Иисусть и корхтасть: «Коса Сон?»

Иоанн 7:13

Сембе сяка колганза кивок панжада ашезь корхта, пелендсть еврейхнень оцюняснон эзда.

Иоанн 7:19

Моисей макссь тейнть кой, стане? И кивок ёткстонт аф тиенди коряванза. Мезенкса ёрасамасть шавомс?»

Иоанн 7:25

Иерусалимонь кой-кона эряйхне корхтасть: «Тя афоли Ся, конань вешендьсазь шавомс?

Иоанн 7:35

Еврейхнень оцюнясна корхнесть эсь ётковаст: «Коза Сон срхкай, коста афи муви тейнек? Кали ули мялец молемс тоза, коса минь ломаненьке срафнефт грекнень ёткова, и тонафнемс грекнень?

Иоанн 8:37

Содаса: тинь Авраамонь уноконь-уноконзотада; и сякокс ёрасамасть Монь шавомс, сяс мес Монь валозе ашезь сува эзонт.

Иоанн 8:40

А тяни ёрасамасть шавомс Монь, Ломанть, кона азозе тейнть ся видешить, конань кулезе Шкайть кургста. Авраам лацонт афоль тие.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.