Иоанн 6:64 - Од Соткс Новый Завет на мордовском-мокша языке 2016

⁶⁴ Но ётксонт ули мзярошка аф кемайда». Вдь Иисус ушетксстокиге содазень, кит аф кемайхть и кие Сонь мисы.

Иоанн 6:64 ပူးပေါင်းရင်းမြစ်များ

Матфей 10:4

Симон Кананит и Иуда Искариот, кона и мизе Иисусонь.

Иоанн 10:26

Но тинь Тейне аф кематада; сяс мес тинь аф Монь учанень ёткста.

Иоанн 18:4

А Иисус содазе семботь, мезе тиеви мархтонза, лиссь и мярьгсь тейст: «Кинь вешенттяда?»

Иоанн 5:42

Содатядязь тинь: потмосонт аш Шкайти кельгома.

Иоанн 6:36

Но кода Мон азыне тейнть: няемасть Монь и аф кематада.

Иоанн 6:60

Тянь марямок, тонафниензон эзда ламотне корхнесть: «Кодама стака тонафтомац! Кие кармай Сонь кулхцондомонза?»

Иоанн 6:61

Но Иисус Эсь потмосонза марязе тонафниензон пеняцямаснон и мярьгсь тейст: «Кали тянь эзда керовсь седиенте?

Иоанн 6:66

Тяда меле тонафниензон ёткста ламотне тусть ваксстонза и лоткасть мархтонза якамда.

Иоанн 8:23

Иисус мярьгсь тейст: «Тинь тяста, алдоннетнень эзда, а Мон вярденнетнень; тинь тя масторлангста, Мон аф тя масторлангонь.

Иоанн 8:55

И тинь ашесть сода Сонь; а Мон Сонь содаса; и кда мярьган: "Аф содаса Сонь", эста аран тинь лацонт кяльготникс. Но Мон содаса Сонь и тиендян Сонь валонц коряс.

Апостолхнень тевсна 15:18

Ушедомок пефтома пингста Шкайти содафт сембе Эсь тевонза".

Павелонь сёрмац Риму 8:29

Нят сят, конатнень Шкайсь инголькиге содазень, мзярда синь нинге ашельхть, и ладязень улемс Сонь Цёранц лаца. Тяфта Сонь Цёрац кармай улема васенцекс ламоц сазорхнень-браттнень ёткса.

Павелонь омбоце сёрмац Тимофеенди 2:19

Но юрсь, конань путозе Шкайсь, ащи кемоста и сонь лангсонза сёрматф: «Азорсь содасыне Эсензон»; и: «Катк туй кальдявть эзда эрсь, кие кунцесы Азорть лемонц».

Еврейхненди сёрмась 4:13

Шкайть эзда мезевок аф кяшеви. Сонь сельмонзон инголе сембось штада и панжада, Сон – Судьяньке и Сонь инголенза тейнек сави корхтамс сембе тевоньконь колга.