Иоанн 6:53 - Од Соткс Новый Завет на мордовском-мокша языке 2016

⁵³ Иисус мярьгсь тейст: «Видеста корхтан тейнть: кда аф ярхцатада Ломанень Цёрать ронгтонза и аф сиптяда Сонь вердонза, эста аф ули тинь эсонт эряф.

Иоанн 6:53 ပူးပေါင်းရင်းမြစ်များ

Матфей 18:3

«Видеста корхтан тейнть, кда аф шарфттада Шкайти и аф аратада иттнень лаца, аф сувафтада Менелень Оцязорксшити.

Матфей 5:18

Видеста корхтан тейнть: мзярс менельсь и модась аф юмайхть, фкявок буквась и фкявок китькскясь койста аф юмай, мзярс сон педа-пес аф пяшкодеви.

Матфей 8:20

Иисус корхтай тейнза: «Келаснень улихть варясна, менелень нармоттнень – пизосна, а Ломанень Цёрати аш коза путомс прянц».

Лука 13:3

Аф, корхтан тейнть. Но аф шарфтондярятада Шкайти, сембе юматада, кода синь.

Лука 13:5

Аф, корхтан тейнть. Но аф шарфтондярятада Шкайти, сембе юматада, кода синь».

Иоанн 13:8

Пётр корхтай Тейнза: «Мзярдонга Тон аф штасайть монь пильгонень». Иисус каршезонза мярьгсь: «Кда аф штасайне, эста аф улят Моннекс».

Иоанн 15:4

Уледа Монь эсон, Монга улян тинь эсонт. Кода тараткясь почкфтома сонць аф канды имошт, стане тиньге аф канттада имошт, кда аф ульхтяда Монь эсон.

Иоанн 3:3

Иисус каршезонза пшкядсь: «Видеста корхтан тейть: кие аф шачи одукс, вярде, сянди аф няеви Шкаень Оцязорксшись».

Иоанн 3:36

Кие кемай Цёрати, сянь ули пефтома эряфоц; а Цёрати аф кулхцондысь аф няйсы эряфть, но Шкайть кяжец кадови сонь лангсонза».

Иоанн 3:5

Иисус азозе: «Видеста корхтан тейть: кие аф шачи ведьста и Ваймопожфть эзда, ся аф сувави Шкаень Оцязорксшити.

Иоанн 6:47

Видеста корхтан тейнть: Тейне кемайть ули пефтома эряфоц.

Иоанн 6:51

Мон менельста валкф эряфонь максы кшисян: тя кшида ярхцайсь кармай эряма пефтома. Кшись, конань Мон максса, – Монь ронгозе, конань Мон максса масторлангонь эряйхнень инкса».

Иоанн 6:55

Вдь Монь ронгозе – афкуксонь ярхцамбяль, и Монь верозе – афкуксонь симомбяль.

Иоанн 6:62

Мезе ина улель мархтонт, кда няендярялесть Ломанень Цёрать кеподеманц тоза, коса ульсь тяда инголе?

Иоаннонь васенце сёрмац 5:12

Кинь ули Шкаень Цёрац, сянь ули эряфоц, а кинь аш Шкаень Цёрац, сянь аш эряфоц.

Иоаннонди панчф няйфкс 2:17

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс салавашинь маннада и максан акша кевня, конань лангса ули сёрматф од лем. Тя лемть кивок аф содасы, ся ломаньда башка, кинди максови кевнясь"».

Иоаннонди панчф няйфкс 2:7

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс иможда эряфонь шуфтть эзда, кона касы Шкайть райсонза"».