Иоанн 6:11 - Од Соткс Новый Завет на мордовском-мокша языке 2016

¹¹ Иисус сявозень кшитнень, сюконясь Шкайти, и явозень тонафниензонды, а тонафниенза ломаттненди. Тяфта тись калхнень мархтовок. И ломаттне сявондсть кинь мзяра мялец.

Иоанн 6:11 ပူးပေါင်းရင်းမြစ်များ

Матфей 15:36

Сявозень сисем кшитнень и калхнень, азсь Шкайти сюконяма, синнезень синь и максозень Эсь тонафниензонды, а тонафниенза – ломаттненди.

Лука 24:30

И мзярда мархтост ащесь шрать ваксса, Сон сявозе кшить, бславазе, синдезе и максозе тейст.

Иоанн 21:10

Иисус корхтай тейст: «Кандость калхнень, конатнень тяни кундасть».

Иоанн 21:13

Иисус нежедсь, сявозе кшить и явозе тейст, стане калхненьге.

Иоанн 21:9

А мзярда лиссть модать лангс, няйсть седень толмар, конань лангса ряставсть калхт, и вакссонза кши.

Иоанн 6:23

Ся пингоня састь Тивериадаста лия венчт ся вастть малас, коса ломаттне ярхцасть кшида Азорть бславамдонза меле.

Иоанн 6:9

«Тяса фкя цёранять улихть шужень вете кшинза и кафта калонза; аньцек тя мезе тняра ломанти?»

Апостолхнень тевсна 27:35

Тяда меле сон сявсь кядезонза кши, сембонь ингольде азсь сюконяма Шкайти, синдезе и ушедсь ярхцама.

Павелонь сёрмац Риму 14:6

Ся, кона башка луви кодамонга ши, Азорть инкса тянь тисы, а кие сембе шитнень фкакс лувсыне, тяка лаца Азорть инкса тянь тисы. Сявок, кие ярхцай, ярхцай Азорть лувомга, сяс мес сюконяй Азорти ярхцамбяленкса. А кие аф ярхцай, ся аф ярхцай Азорть лувомга, и тяка лаца азы сюконяма Шкайти.

Павелонь васенце сёрмац Коринфу 10:31

Эрь вов мезе: ярхцатада али сиптяда, семботь мезе тиенттяда, тиендесть Шкайть шнаманкса.

Павелонь васенце сёрмац Фессалоникав 5:18

сембонкса сюконяда, сяс мес тяфтама Шкайть мялец тейнть, Иисус Христости кемайхненди.