Иоанн 5:19 - Од Соткс Новый Завет на мордовском-мокша языке 2016

¹⁹ Тянь каршес Иисус мярьгсь: «Видеста корхтан тейнть: Цёрати мезевок аф тиеви Эсьстонза, кда аф няйсы, мезе тии Аляц. Вдь мезе тии Алясь, сянь тисы Цёрацка.

Иоанн 5:19 ပူးပေါင်းရင်းမြစ်များ

Матфей 26:39

Иисус аердсь аф ламода шири, прась модать лангс и ушедсь озондома: «Аляй! Кда ули кода, ётафтк маятамань кядьготь Монь вакскан. Аньцек улеза аф Монь, а Тонь мяльцень коряс».

Лука 21:15

Мон максан тейнть валхт и смузьши, конатнень каршес кивок, тейнть каршек ащихнень эзда, мезевок аф азови и каршек аф молеви.

Иоанн 10:18

Эряфозе киндинге аф нельгови кядьстон; но Мон Монць макссеса сонь. Ули азорксшизе максомс сонь, и ули азорксшизе меки сявомс сонь. Тя кошардомать Тейне максозе Алязе».

Иоанн 12:49

Вдь Мон аф Эсь эздон корхтань, а Кучиезе, Монь Алязе, Сон мярьгсь Тейне, мезе азомс и мезе корхтамс.

Иоанн 12:50

И Мон содаса, Сонь кошардомвалоц – тя пефтома эряфсь. И Мон корхтан аньцек сянь, мезе мярьгсь корхтамда Алязе».

Иоанн 14:10

Дяряй тон аф кемат, Мон Алязень эсан и Алязе Монь эсон? Валхнень, конатнень Мон корхтасайне тейнть, корхтасайне аф Эсь эздон – тя Алязе, кона Монь эсон, тиендьсыне тевонзон.

Иоанн 2:19

Иисус мярьгсь тейст: «Калафтость тя Шкаень кудть, и Мон колма шиста путса сонь меки».

Иоанн 3:3

Иисус каршезонза пшкядсь: «Видеста корхтан тейть: кие аф шачи одукс, вярде, сянди аф няеви Шкаень Оцязорксшись».

Иоанн 5:21

Вдь кода Алясь вельмафнесыне кулофнень и максы тейст эряф, стане Цёрацка максы эряф сянди, кинди ули мялец максомс.

Иоанн 6:38

Мон валгонь менельста аф Эсь мялезень, а Монь Кучиезень, Алязень мяленц тиема.

Иоанн 8:28

Сяс Иисус мярьгсь тейст: «Мзярда кеподьсасть Ломанень Цёрать, эста карматада содамонза: тя Монан и мезевок аф тиендян Эсь эздон. Но кода тонафтомань Алязе, стане и корхтан.

Иоанн 9:4

Тейне тиемат Кучиезень тевонза, мзярс нинге ашезь валга шись; сай весь, мзярда киндинге мезевок аф тиеви.

Апостолхнень тевсна 2:24

Но Шкайсь вельмафтозе Сонь кулофнень эзда и сязезень куломань уськнень, сяс мес куломати аф вийс коре ульсь Сонь кирдемс кядялонза.

Павелонь сёрмац Риму 6:4

Тяфта, кстиндамста минь куломе Сонь мархтонза и улеме калмафт мархтонза ва мес: кода Христос вельмафтфоль кулофста Алянц инь оцюшинц вийса, тяка лаца миньге карматама эряма од эряфса.

Павелонь сёрмац Риму 8:11

И кда эсонт эряй Сянь Ваймопожфоц, кие вельмафтозе Иисусонь кулофнень эзда, эста Иисус Христость Вельмафтыец вельмафтсыне тиньге кула ронгонтень Эсь Ваймопожфсонза, кона эряй тинь эсонт.

Павелонь васенце сёрмац Коринфу 15:12

Кда Христос вельмафтфоль кулофста, кода минь тейнть Сонь колганза пачфнетяма, мес эста конат-конат эздонт корхтайхть, кле, аш кулофнень эзда вельмама?

Павелонь омбоце сёрмац Коринфу 4:14

Вдь минь содасаськ: ся Шкайсь, кона вельмафтозе Иисус Азороньконь, миньге вельмафтсамазь Сонь мархтонза и тинь мархтонт марса стяфтсамазь Эсь инголенза.

Павелонь омбоце сёрмац Коринфу 5:10

Вдь тейнек сембонди сави арамс Христость судонц инголе, и эрти максови сембонкса сянкса, мезе сон тись ронгса эрямстонза: цебярь али кальдяв.

Павелонь сёрмац Ефесу 2:5

и минь, коень коламать инкса кулофнень, эреклафтомазь Христость мархта. Сонь пароказненц вельде тинь идефтяда.

Павелонь сёрмац Ефесу 3:16

Мон эняльдян, катк Сон Эсь Иняру Ваймопожфонц вельде и козя иневалдонц коряс кемокстасыне вийса тинь седиентень,

Павелонь сёрмац Филиппав 3:21

Сон Эсь вийсонза полафтсыне минь кулы и лафча ронгоньконь, и синь арайхть Сонь иневалдонь ронгонц лаца. Тя вийть вельде Сон машты путомс семботь Эсь кядялонза.

Павелонь сёрмац Филиппав 4:13

Семботь маштса Сянь вельде, кие максы тейне вий.

Павелонь сёрмац Колоссав 1:11

Катк Сонь иневалдонь виец и сембомаштомац кемокстатядязь тинь, максы тейнть куватьс кирдемшка и вийхть ётамс сембе стакашитнень.

Павелонь сёрмац Колоссав 1:16

Сонь вельденза тиф сембось, мезе менельса и мода лангса, мезе няеви и мезе аф няеви, лиякс мярьгомс, сембе аф няеви ваймопожфонь оцязорхнень и оцязоронь озама васттнень, оцюнятнень и вийхнень – сембось Сонь вельденза и Тейнза тиф.

Павелонь васенце сёрмац Фессалоникав 4:14

Вдь кда минь кематама тянди: Иисус кулось и вельмась кулофнень эзда, эста минь кематама тяндинге: сятнень, кит кулость Иисусти кемазь, Шкайсь мрдафтсыне эряфти Иисусонь мархта.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Иоаннонди панчф няйфкс 2:23

Сонь мельганза молихненьге кулофтсайне. Эста содасазь сембе кемаень пуромксне: Мон Ся, кие содасыне ломаттнень кяшф мяльснон-арьсемаснон. И ёткстонт эрти Мон максан тевонзон коряс.