Иоанн 5:18 - Од Соткс Новый Завет на мордовском-мокша языке 2016

¹⁸ Эста еврейхнень оцюняснон нинге сяда пяк кемокснесь мяльсна шавомс Сонь, сяс мес Сон аф аньцек колсезе ваймамань шить, но и Шкайть лемнезе Эстейнза Алякс, тянь мархта латцезе Эсь прянц ряцок Шкайть мархта.

Иоанн 5:18 ပူးပေါင်းရင်းမြစ်များ

Матфей 12:5

Али ашесть лувонда тинь Моисеень койста, кода озксвятихне Шкаень кудса покайхть ваймамань шиня, аньцек аф муворгофневихть тянкса?

Иоанн 1:19

Вов мезе азондсь Иоанн, мзярда еврейхнень оцюнясна кучезь Иерусалимста озксвятихнень и левиеннетнень сонь кизефтемонза: «Кият тон?»

Иоанн 10:30

Мон и Алязе – тя фкя сякось».

Иоанн 10:33

Каршезонза еврейхне мярьгсть: «Мяленьке шавомс Тонь кевса аф цебярь тевонкса, а Шкайть сялдоманкса и сянкса, мес Тонць ломанят, а Эсь пряцень тиендьсак Шкайкс».

Иоанн 14:23

Иисус каршезонза мярьгсь: «Кие Монь кельгсамань, ся тиенди Монь валнень коряс; Алязе кармай кельгомонза сонь, и Минь сатама тейнза и ульхтяма мархтонза.

Иоанн 14:9

Иисус мярьгсь тейнза: «Тняра пинге Мон мархтонтан, и тон аф содасамак, Филипп? Монь няиезе няезе Алязеньге. Кода ина тон корхтат: "Няфтьк тейнек Аляцень"?

Иоанн 19:7

Каршезонза еврейхне мярьгсть: «Минь ули коеньке, и минь коеньконь коряс Тейнза кулома, сяс мес Эсь прянц лемдезе Шкайти Цёракс».

Иоанн 5:15

Ся ломанць тусь и пачфтезе еврейхнень оцюняснонды: сонь пчкафтыец – Иисус.

Иоанн 5:16

Оцюнятне кармасть панцемонза Иисусонь, мяльсноль шавомс Сонь, сяс мес Сон тиендсь тяфтама тефт ваймамань шиня.

Иоанн 5:17

Но Иисус корхтась тейст: «Алязе фалу тевса, стане Монга тевсан».

Иоанн 5:23

сембе ванондолезь Цёрать мяленц, кода ванондсазь Алятьке мяленц. Кие аф ванцы Цёрать мяленц, ся аф ванцы Алятьке мяленц, кона Сонь кучезе.

Иоанн 7:1

Тяда меле Иисус якась Галилеява. Иудеява якамс Сонь ашель мялец, сяс мес еврейхнень оцюнясна вешендезь Сонь шавомс.

Иоанн 7:19

Моисей макссь тейнть кой, стане? И кивок ёткстонт аф тиенди коряванза. Мезенкса ёрасамасть шавомс?»

Иоанн 8:54

Иисус каршезост: «Кда Мон Монць шнаса-оцюлгофнеса Эсь прязень, эста Монь шнамазе-оцюлгофтомазе мезевок аш. Монь эсон шнай-оцюлгофты Алязе, конань колга тинь корхтатада: "Сон минь Шкаеньке".

Иоанн 8:58

Иисус мярьгсь тейст: «Видеста корхтан тейнть: Авраамонь шачемдонза инголе Мон ни улень и улян».

Павелонь сёрмац Филиппав 2:6

Сон фалу Шкай, и Сон сембе ширде кода Шкай, но ашезе кирде Эсь прянц Шкайть мархта фкаксшиса,

Иоаннонди панчф няйфкс 22:1

Ангелсь няфтезе тейне эряфонь ведть ару ляенц, конань пачканза няят, кода кристаллонь пачк. Сон ушеткшнезе шудеманц Шкайть и Верозть оцязоронь озама вастснон эзда.

Иоаннонди панчф няйфкс 22:3

И мезевок сюдомань тяса ни аф ули. Тя ошса кармай ащема Шкайть и Верозть оцязоронь озама вастсна, и Сонь покодиенза кармайхть покодема Тейнза.