Иоанн 4:48 - Од Соткс Новый Завет на мордовском-мокша языке 2016

⁴⁸ Иисус мярьгсь тейнза: «Тинь аф кематада, кда аф няйхтяда тяштькст и дивань тефт».

Иоанн 4:48 ပူးပေါင်းရင်းမြစ်များ

Матфей 16:1

Иисусонь малас састь фарисейхть и саддукейхть, и варчсезь Сонь виенц – вешсть кядьстонза тяштькс менельста.

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Матфей 27:42

«Лиятнень идекшнезень, а Эсь пряц аф идеви! Кда Сон Израилень Оцязорсь, катк тяни валги крёзть лангста и эста минь Тейнза кематама.

Марк 13:22

Сяс мес сайхть аф афкуксонь христост и аф афкуксонь пророкт, конат кармайхть тиендема тяштькст и дивань тефт кочкафнень васькафтоманкса, кда васькафтовольхть.

Лука 10:18

Сон мярьгсь тейст: «Мон няине Сатанать ёндолкс менельста праманц.

Лука 16:31

Авраам каршезонза мярьгсь: "Кда аф кулхцондсазь Моисеень и пророкнень, эста кда кие кулофстонга вельмаль – аф кемайхть"».

Иоанн 12:37

Тняра тяштькс Сон тись инголест; и синь сембе сяка ашесть кема Тейнза.

Иоанн 15:24

Кда ингольдест афолень тие тефт, кодапт кивок лия ашезь тиенде, эста афоль уле пежесна; а тяни няезь тевнень, и сяка прокс афолемазь няе Монь и Монь Алязень.

Иоанн 2:18

Тянь каршес еврейхне мярьгсть: «Кодама тяштьксса Тон няфтьсак тейнек, ули али аш азорксшице тяфта тиендемс?»

Иоанн 20:29

Иисус корхтай тейнза: «Тон кемать, мес няемайть Монь. Павазуфт сят, конат апак няйхть кемайхть».

Иоанн 4:49

Оцюнясь корхтай Иисусти: «Азор! Сак, мзярс нинге ашезь кула цёразе».

Апостолхнень тевсна 14:3

Павел и Варнава сяка ламос ляткшнесть тоса. Синь апак пельхть азондсть Азорть колга, и Азорсь кемокснезе Эсь пароказненц колга валть тяштьксса и дивань тевса, конат тиендевсть апостолхнень кядьснон вельде.

Апостолхнень тевсна 15:12

Эста сембе пуромфне сетьмость и кармасть кулхцондомост Варнавань и Павелонь, конат азондозь, кодама тяштькст и дивань тефт синь вельдест тись Шкайсь лия тналонь ломаттнень ёткса.

Апостолхнень тевсна 2:19

Няфтян дивань тефт вяре менельса и тяштькст алува, мода лангса: вер, тол и туста качам.

Апостолхнень тевсна 2:22

Израилень ломатть! Кулхцондость монь валнень. Назаретонь Иисуссь ульсь Ломань, конань кучезе тейнть Шкайсь. Шкайсь тянь няфтезе-кемокстазе вии тевса, дивань тевса и тяштьксса, конатнень Сон тиендезень Иисусонь вельде. Тинь тинць содасасть тянь, сяс мес сембось тя тифоль тинь ётксонт.

Апостолхнень тевсна 2:43

Эрь ваймоса ульсь пелема, сяс мес лама дивань тевда и тяштькста тифоль апостолхнень вельде Иерусалимса.

Апостолхнень тевсна 4:30

Венептьк Эсь кядцень, пчказаст сярядихне и катк тиевихть дивань тефт и тяштькст Иняру покодицень Иисусть лемса».

Апостолхнень тевсна 5:12

Кемайхне пуромкшнесть сембе марс Соломононь вельхтяф пирьфсонза. Ширде кивок ашезь сменда шоворемс ёткозост, но сембе ломаттне пяк шназь синь. Азорти кемайхнень лувкссна касондсь: алятненьге, аватненьге. Апостолхнень вельде тиендевсь ломаттнень ёткса лама дивань тевда и тяштькста. Ломаттне нльне лихнезь сярядихнень ульцяв и путнезь кандомка и ацам лангс – малаваст ётамста праза лангозост хуш Пёторонь цильфоц.

Апостолхнень тевсна 6:8

Стефан, кона пяшкотьфоль кемамада и вийда, тиендсь пяк оцю дивань тефт и тяштькст ломаттнень ёткса.

Апостолхнень тевсна 7:36

Тя сон лихтезень синь и тиендсь дивань тефт и тяштькст Египетонь масторса, Якстерь оцюведьса и шавмодаса нильгемонь кизонь кувалмос.

Павелонь сёрмац Риму 15:19

тяштькснень и дивань тефнень вийса, и Шкаень Ваймопожфть вийса. Иерусалимста сявомок Иллирикти молемс мон азондыне Христость колга Пара кулять.

Павелонь васенце сёрмац Коринфу 1:22

Еврейхне вешихть дивань тяштькст, а грекне вешендихть смузьши,

Павелонь омбоце сёрмац Коринфу 12:12

Мон куватьс кирдемшка мархта тиень тинь ширесонт лама тяштькста, дивань и вии тевда, конат няфтьсазь: мон афкуксонь апостолан.

Павелонь омбоце сёрмац Фессалоникав 2:9

Койфтомошинь ломанть самац – тя Сатанань тев, и сон сай эрь кодама вийса, васькафнемань тяштьксса и дивань тевса.

Еврейхненди сёрмась 2:4

Сонцьке Шкайсь синь мархтост марса кемокстазе тя валть тяштькснень, дивань тефнень и эрь кодама вии тефнень вельде, и Иняру Ваймопожфть казнензон вельде, конатнень Сон явондсыне Эсь мяленц коряс.