Иоанн 4:38 - Од Соткс Новый Завет на мордовском-мокша языке 2016

³⁸ Мон кучедязь тинь сёронь урядама ся паксять лангста, конань тинь ашесть сока: лиятне покодсть, а тинь кочкасасть сёроснон».

Иоанн 4:38 ပူးပေါင်းရင်းမြစ်များ

Матфей 4:23

Иисус якась сембе Галилеява, тонафтсь синагогава, пачфнесь Пара куля Шкаень Оцязорксшить колга и пчкафнезень ломаттнень эрь кодама урмада и сярятьфта.

Иоанн 1:7

Сон сась кулянь пачфтема, Валдть колга азондома, тянь вельде сембе кемальхть.

Иоанн 17:18

Кода Тон кучемайть Монь масторлангти, стане Монга кучине синь масторлангстотненди.

Иоанн 4:37

Тяса ладяй азомс тяфтама валмуворкс: "Фкясь види, омбоцесь нуй".

Иоанн 4:39

И ся ошста лама Самариянь ломань кармась кемама Иисусти авать валонзон инкса, кона мярьгсь: «Сон азозе семботь, мезе мон тиендень».

Апостолхнень тевсна 2:41

Сят, кит мяльс сявозь сонь валонц, кстиндафтсть пря, и ся шиня кемайхнень лувкссна кассь нинге колмошка тёжянц.

Апостолхнень тевсна 4:32

Сембе кемайхнень ульсь фкя седисна и фкя ваймосна. Фкявок ломань эсь уликс-паронц эзда мезнятьке ашезе лемне сонценнекс, синь сембосна марстоннель.

Апостолхнень тевсна 4:4

Но ламотне, кит кулхцондозь Кулять, кемасть; и кемайхнень лувкссна кассь вете тёжянц, тя авада и шабада башка.

Апостолхнень тевсна 6:7

Шкаень валсь срадсь-келемсь, и тонафнихнень лувкссна Иерусалимса пяк кассь. Озксвятихненьге эзда пяк ламотне кармасть кемама.

Павелонь омбоце сёрмац Коринфу 10:15

Минь аф шнатама пря ункстамада вельф, сяс мес минь шнатама пря эсь покодеманьконь мархта, а аф лиятнень покодемаснон мархта. Но минь надиятама: тинь кемаманте кармай касома и тянь вельде кармай келемома минь покодеманьке тинь ётксонт.