Иоанн 4:11 - Од Соткс Новый Завет на мордовском-мокша языке 2016

¹¹ Авась корхтай Тейнза: «Пара ломань! Тейть аш мезьса амолдамска, а эшись крхка: коста Тейть таргави эряфонь максы ведсь?

Иоанн 4:11 ပူးပေါင်းရင်းမြစ်များ

Иоанн 3:4

Никодим корхтай Тейнза: «Кода сиредембяльхть ломанць одукс шачи? Дяряй меки сувави тядянц потмос и оду шачеви?»

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 7:37

Илань ётафтомань мекольдень и сембода оцю шиня Иисус стясь и вярьгак вайгяльхть корхтась: «Кинь сась симомац, катк сай ширезон и сими.

Апостолхнень тевсна 10:14

Но Пётр каршезонза мярьгсь: «Мон аф карман, Азор. Мон мзярдонга ашень ярхцсе мезьдонга туткоткста и аф аруда».

Павелонь васенце сёрмац Коринфу 2:14

Но кинь эса аш Ваймопожфсь, сянь аш виец сявомс сянь, мезе максови Шкаень Ваймопожфть эзда. Тяфтама ломанти ся ёньфтомаши: тейнза аф шарьхкодеви ся, мезть колга эряви судендамс аньцек Ваймопожфть вельде.

Иоаннонди панчф няйфкс 21:6

Сон тага мярьгсь тейне: «Ня валхне пяшкодсть! Мон Альфась и Омегась, Ушеткссь и Песь. Сянь, кинь сась симомац, Мон питнефтома симдьса эряфонь максы лихтибряста.

Иоаннонди панчф няйфкс 22:1

Ангелсь няфтезе тейне эряфонь ведть ару ляенц, конань пачканза няят, кода кристаллонь пачк. Сон ушеткшнезе шудеманц Шкайть и Верозть оцязоронь озама вастснон эзда.

Иоаннонди панчф няйфкс 22:17

Ваймопожфсь и рьвянясь корхтайхть: «Сак!» И эрсь, тянь кулиец, катк азсы: «Сак!» Кинь сась симомац, катк сай! И кинь мялец, катк сяви эряфонь ведь питнефтома!

Иоаннонди панчф няйфкс 7:17

сяс мес Верозсь, кона ащи оцязоронь озама вастть кучкаса, кармай ваномост синь и вятьсыне синь лихтибрятненди, конатнень эзда шуди эряфонь максы ведь. И Шкайсь нардасы синь сельмостост эрь сельмоведнять».