Иоанн 4:10 - Од Соткс Новый Завет на мордовском-мокша языке 2016

¹⁰ Иисус каршезонза мярьгсь: «Содандярялить Шкайть казненц и Кие корхтай тейть: "Макст Тейне симомс", эста тон тонць аналеть кядьстонза, и Сон максоль тейть эряфонь максы ведь».

Иоанн 4:10 ပူးပေါင်းရင်းမြစ်များ

Лука 11:13

Тяфта, кда тинь, кяжи ломатть, машттада идентенди макссемс цебярь казнет, эста сядонга Менелень Алясь максы Иняру Ваймопожф сятненди, кит анайхть Сонь кядьстонза!»

Иоанн 16:3

Тяфта кармайхть тиендема, сяс мес ашезь сода аф Алязень, аф Монь.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 6:35

А Иисус тейст мярьгсь: «Мон – эряфонь максы кшисян; Тейне сашендысь аф ули вачеда, и Тейне кемайть мзярдовок аф сай симомац.

Иоанн 6:51

Мон менельста валкф эряфонь максы кшисян: тя кшида ярхцайсь кармай эряма пефтома. Кшись, конань Мон максса, – Монь ронгозе, конань Мон максса масторлангонь эряйхнень инкса».

Апостолхнень тевсна 9:11

Азорсь мярьгсь тейнза: «Срхкак и мольхть курняв, конань лемнесазь Виде курнякс. Иудань кудста кизефтьсак Тарсонь эряйть, лемоц Савл; сон тяни озонды.

Павелонь сёрмац Риму 8:32

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Павелонь васенце сёрмац Коринфу 10:4

И сембе синь симсть ваймопожфонь фкя-сяка симомбяльда, симсть ваймопожфонь кевбандста, кона ашезень кадонда синь. Тя кевбандсь ульсь Христос.

Павелонь омбоце сёрмац Коринфу 9:15

Сюконяма Шкайти аф азовомшка казненц инкса!

Павелонь сёрмац Ефесу 2:8

Сяс пароказнеса тинь идефтяда, кемамать вельде. Тя аф тинцень вельдент, тя Шкайть казнец.

Еврейхненди сёрмась 6:4

Аш кода меки путомс виде ки лангс сятнень, кит прокс тусть-потасть Христости кемамать эзда. Вдь синь весть ни ульсть валдошисонза, варчсезь менелень казнеть таньфонц и тейст минь мархтонк марса максфоль Иняру Ваймопожфсь.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.

Иоаннонди панчф няйфкс 21:6

Сон тага мярьгсь тейне: «Ня валхне пяшкодсть! Мон Альфась и Омегась, Ушеткссь и Песь. Сянь, кинь сась симомац, Мон питнефтома симдьса эряфонь максы лихтибряста.

Иоаннонди панчф няйфкс 22:17

Ваймопожфсь и рьвянясь корхтайхть: «Сак!» И эрсь, тянь кулиец, катк азсы: «Сак!» Кинь сась симомац, катк сай! И кинь мялец, катк сяви эряфонь ведь питнефтома!

Иоаннонди панчф няйфкс 7:17

сяс мес Верозсь, кона ащи оцязоронь озама вастть кучкаса, кармай ваномост синь и вятьсыне синь лихтибрятненди, конатнень эзда шуди эряфонь максы ведь. И Шкайсь нардасы синь сельмостост эрь сельмоведнять».