6 Ломаньцта шачфсь – ломань; Ваймопожфста шачфсь – ваймопожф.
конат шачсть аф вер эзда, афи ронга, афи мирдень мяльста-арьсемаста, а Шкайть эзда.
Тят диванда сянди, мезе Мон мярьгонь тейть: тейнть шачема одукс, вярде.
Мон содаса: монь эсон, лиякс мярьгомс, колаф обуцясон, аш мезевок цебярь. Монь мялезе тиемс пара, но сон тейне аф тиеви.
Сюконян Шкаезти – Сон мянтьфтемань монь Иисус Христос Азороньконь вельде! Лисенди тяфта, эсь потмован мон покодян Шкайть коенцты, а эсь колаф обуцязень коряс – пежень койти.
Мзярда минь эряме колаф обуцяньконь коряс, эста пежу мяльхнень, конатнень крьвяснезень койсь, ульсть вийсна ронгоньконь лангса, и синь покодсть аньцек куломати.
Вдь кда тинь карматада эряма сонь коряванза, эста кулотада. А кда тинь Ваймопожфса кулофтсасть пежу тефнень, карматада эряма.
А ся, кие сотови Азорть мархта, тиеви фкя ваймопожфокс Сонь мархтонза.
Ся, кие Христость эса, ся – од тифкс; сембе таштсь ётась, и тяни, вов, сась одсь!
Сят, конат Христосонь ломатть, крёз лангс эськодезь ломанень пежу обуцять сембе визьксонь и кальдяв мялензон мархта.
Синь ётксост сембе миньге инголи эряме эсь ронгонь пежу мяленьконь-арьсеманьконь коряс, топафнемок ронгоньконь и мяленьконь. Сяс миньге, тя обуцяньконь инкса, улеме сембонь лаца Шкайть кяженц ала.
Сонь эсонза тинь керфтада, аньцек аф ломанень кядьса тиф киськопень керомаса, а Христость керомаса, конань вельде ломанть лангста валхтови пежеть виец.
Кие шачф Шкайть эзда, ся аф тиенди пеже, вдь сонь эсонза эряй-ащи Шкаень видьмось. Сон афи сувави пежес, сяс мес сон шачф Шкайть эзда.