Иоанн 3:35 - Од Соткс Новый Завет на мордовском-мокша языке 2016

³⁵ Алясь кельгсы Цёранц и семботь путозе Сонь кядялонза.

Иоанн 3:35 ပူးပေါင်းရင်းမြစ်များ

Матфей 11:27

Алязе семботь максозе Монь кядялон. Кивок аф содасы Цёрать Аляда башка, и кивок аф содасы Алять Цёрада башка и сяда башка, кинди Цёрась ёрасы панжемс Сонь».

Матфей 17:5

Мзярда сон нинге корхтась, валдтонга валда ковол тавадозень синь. Коволста кулевсь вайгяль: «Тя Монь кельгома Цёразе, Монь кенярдема вастозе. Кулхцондость Сонь!»

Матфей 28:18

Иисус маладсь тейст и мярьгсь: «Тейне максф сембе азорксшись менельса и модать лангса.

Матфей 3:17

И менельста кулевсь вайгяль: «Тя Монь кельгома Цёразе, Монь кенярдема вастозе».

Лука 10:22

Иисус шарфтсь тонафниензонды и мярьгсь: Алязе семботь максозе Монь кядялон. Кие Цёрась, аф содасы кивок Аляда башка; и кие Алясь, аф содасы кивок Цёрада башка, и сяда башка, кинди Цёрась ёрасы панжемс Сонь».

Иоанн 13:3

Иисус содазе: Аляц семботь максозе Сонь кядялонза, и содазе: Сон сась Шкайть ширде и туй Шкайти.

Иоанн 15:9

Кода Алязе кельгсамань Монь, стане Монга кельктядязь тинь; уледа Монь кельгомасон.

Иоанн 17:2

Тон максоть Тейнза азорксши сембе ломаттнень лангса, вага мезенди: максоль Сон пефтома эряф сембонди сятненди, кинь Тон максыть Тейнза.

Иоанн 17:23

Мон синь эсостан, и Тон Монь эсонат. Катк синь марнек улихть фкя седиса-ваймоса. Эста масторлангсь шарьхкодьсы: Тон кучемайть Монь и кельгсайть синь, кода Монь кельгсамак.

Иоанн 17:26

И Мон панжине тейст Тонь лемцень, нинге панчса: улель седисост стама кельгома, кодамса Тон кельгсамак Монь, Монга улелень синь седисост».

Иоанн 5:20

Алясь кельгсы Цёранц и няфнесы Тейнза семботь, мезть тиендьсы Сонць. Сон няфти Тейнза нинге сяда оцю тефт, и тинь эздост дивас пратада.

Иоанн 5:22

Алясь киньге аф судендасы, но судендамань сембе тефнень максозень Цёранцты,

Павелонь васенце сёрмац Коринфу 15:27

Вдь Сёрматфксса азф: «Шкайсь семботь путозе Сонь пильгалонза». Ня валхне: «семботь путозе Сонь пильгалонза», содаф, азфт аф Шкайть колга, кона Сонць семботь максозе Христость кядялу.

Павелонь сёрмац Ефесу 1:22

И Шкайсь семботь путозе Сонь пильгонзон алу и ладязе Сонь семботь лангса Азоркс, кемаень пуромксонь прякс.

Еврейхненди сёрмась 1:2

А ня мекольдень шитнень Сон корхтась тейнек Эсь Цёранц вельде, конань вельде тиезень менельхнень-масторхнень и конанди Сон макссы семботь.

Пёторонь васенце сёрмац 3:22

Сон менели кеподемдонза меле ащи Шкайть види кяденц ширеса, и сембе ангелхне, азорксшитне и вийхне тиевсть Тейнза кулхцондыкс.