Иоанн 3:15 - Од Соткс Новый Завет на мордовском-мокша языке 2016

¹⁵ эрсь, кие кемай Тейнза, афоль юма-ара, а сатолезе пефтома пингонь эряфть.

Иоанн 3:15 ပူးပေါင်းရင်းမြစ်များ

Матфей 18:10

«Ванода, киньге ня ёмлатнень эзда тясть лува аф питникс. Корхтан тейнть, синь ангелсна менельса фалу няйсазь Монь Менелень Алязень шаманц.

Матфей 25:46

И синь туйхть пефтома пингонь маятамас, а видексшинь ломаттне – пефтома пингонь эряфс».

Марк 16:16

Кие кемай и кстиндафты пря, ся идеви; а кие аф кемай, ся ули судендаф.

Лука 19:10

Ломанень Цёрась сась юмафнень вешемост и идемост».

Иоанн 1:12

А конат васьфтезь и кемасть Тейнза, сятненди макссь вий арамс Шкаень идькс,

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Иоанн 20:31

А мезсь сёрматф, сёрматф вага мезенди – кемаледе: Иисус – тя Христоссь, Шкайть Цёрац, и Тейнза кемазь, тейнть ули максф эряф Сонь вельденза.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Иоанн 3:36

Кие кемай Цёрати, сянь ули пефтома эряфоц; а Цёрати аф кулхцондысь аф няйсы эряфть, но Шкайть кяжец кадови сонь лангсонза».

Иоанн 5:24

Видеста корхтан тейнть: кие кулхцондсы Монь валозень и кемай Монь Кучиезти, сянь ули пефтома эряфоц. Сон аф ули судендаф, сон ни ётась куломать эзда эряфти.

Иоанн 6:27

Прафтода аф ся ярхцамбяльти, кона коли, а ся ярхцамбяльти, кона аф коли и максы пефтома эряф. Тянь казьсы тейнть Ломанень Цёрась; вдь Алясь, Шкайсь, путозе Эсь тяштьксонц Ломанень Цёрать лангс».

Иоанн 6:40

Кучиезень мялец тяфтама: эрть, кие няйсы Цёрать и кемай Тейнза, сянь ули пефтома эряфоц; и Мон вельмафтса сонь мекольце шиня».

Иоанн 6:47

Видеста корхтан тейнть: Тейне кемайть ули пефтома эряфоц.

Апостолхнень тевсна 13:41

"Ванода, низелкшнихть, дивандада и юмада! Сяс мес Мон тиян тяни, пингстонт, тяфтама тев, конанди тинь афоледе кема, кда кивок азондолезе тейнть"».

Апостолхнень тевсна 8:36

Тя ёткть синь кисна прась ведь малас. Евнухсь мярьгсь: «Вов ведь, мезе тейне шоряй кстиндафтомс пря?»

Павелонь сёрмац Риму 5:21

И сяс, кода инголи азорондась пежесь и вятсь куломас, тяфта тяни Шкаень пароказнесь кармай азорондама видексшить вельде и вятьсамазь минь пефтома пингонь эряфти Иисус Христос Азороньконь вельде.

Павелонь васенце сёрмац Коринфу 1:18

Крёз лангса Кулофть колга кулясь – тя ёньфтомаши сятненди, кит молихть юмамань киге аду, а тейнек, идемань киге молихненди, – тя Шкаень вий.

Павелонь омбоце сёрмац Коринфу 4:3

Кда Пара кулясь, конань минь пачфнесаськ, кяшф вельхтердаса, сон кяшф аньцек сятнень эзда, кит молихть юмамань киге аду.

Павелонь сёрмац Галатияв 2:16

Но минь содасаськ: ломанць Шкайть инголе лувови видексшинь ломанькс аньцек Иисус Христости кемамать вельде, а аф Моисеень койть коряс тиф тефнень вельде. Сяс миньге кемаме Иисус Христости вага мес: мяленьке арамс видексшинь ломанькс Христости кемамать вельде, а аф тефнень вельде, конат тифт койть коряс. Вдь тиендемок койть кошардоманзон коряс, кивок аф лувови видексшинь ломанькс Шкайть инголе.

Павелонь сёрмац Галатияв 2:20

и эрян ни аф монць, а Христоссь эряй эсон. И мзярс мон эрян тя ронгса, мон эрян кемазь Шкаень Цёрати, кона кельгомань монь и максозе Эсь эряфонц монь инксон.

Еврейхненди сёрмась 10:39

Но минь аф сятнень ёткста, конат пелеманкса кадозь эсь кемамаснон и повихть аду. Минь сятнень ёткста, конат кемайхть и сяс идефтяма.

Еврейхненди сёрмась 7:25

Сяс Сонь ули виец фалу идемс сятнень, кит вельденза сашендыхть Шкайти. Вдь Иисус эряй пефтома пингс и озонды синь инксост.

Иоаннонь васенце сёрмац 2:25

И вага мезе тейнек надияфтсь максомс Христоссь – пефтома эряфть.

Иоаннонь васенце сёрмац 5:1

Эрсь, кие кемай: Иисус – тя Христоссь, ся шачф Шкайть эзда. И кие кельгсы Алять, ся кельгсы Сонь эздонза Шачфтьке.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.