Иоанн 21:19 - Од Соткс Новый Завет на мордовском-мокша языке 2016

¹⁹ Ня валонзон вельде Сон макссь шарьхкодемс, кодама куломаса Пётр шнафтсы Шкайть. И тяфта мярьгомда меле Иисус корхтай тейнза: «Мольхть мельган».

Иоанн 21:19 ပူးပေါင်းရင်းမြစ်များ

Матфей 10:38

И кие аф сявсы эсь крёзонц и Монь мельган аф моли, ся аф кондясти Тейне.

Матфей 19:28

«Видеста корхтан тейнть, – мярьгсь Иисус, – мзярда одкстоми марнек масторлангсь и Ломанень Цёрась озай оцязоронь иневалда вастозонза, эста тиньге, кит туде Монь мельган, озатада оцязоронь кемгафтува васттненди судендамс Израильть кемгафтува юромонзон.

Матфей 8:22

Но Иисус мярьгсь тейнза: «Мольхть мельган, и катк кулофне калмосесазь эсь кулофснон».

Иоанн 12:26

Кинь мялец Тейне покодемс, молеза мельган. Косан Мон, тоса улеза покодиезевок. И кие Тейне покоди, сянь шнасы Монь Алязе».

Иоанн 12:33

Ня валхнень вельде Сон макссь тейст содамс, кодама куломаса Сон кулы.

Иоанн 18:32

Тя лиссь, сяс мес эрявсь пяшкодевомс Иисусть валонзонды, конатнень вельде Сон шарьхкотьфтезе, кодама куломаса кулы.

Иоанн 21:18

Видеста корхтан тейть: мзярда улеть од, эста карксцень сотнекшнелить тонць и якать, ков мяльце. А мзярда сиредят, эста кеподьсайть вяри кяттнень, и лиясь карксатанза, и вяттянза, ков аш мяльце».

Иоанн 21:22

Иисус корхтай тейнза: «Кда Мон ёран, кадоволь сон эряфса меки мрдамозон, тонь кодама тевце? Тон мольхть мельган».

Павелонь сёрмац Филиппав 1:20

Мон сембе седиса учан и надиян: тейне мезенксонга аф сави якстерьготкшнемс визьксть эзда. Меколанкт, мон тянивок, кода и фалу, мезьдонга аф пелезь карман оцюлгофнемонза Христость эсь ронгсон эрямать вельде, али куломать вельде.

Пёторонь омбоце сёрмац 1:14

Мон содаса: тейне курок сави кадомс тя ронгть – тянь тейне панжезе Иисус Христос Азороньке.