Иоанн 20:19 - Од Соткс Новый Завет на мордовском-мокша языке 2016

¹⁹ Сяка шиня, недляшиста илять Иисусонь тонафниенза пуромсть марс и еврейхнень эзда пелемада пякстазь кудгенкшнень. Апак учсек сась Иисус, арась кучказост и корхтай тейст: «Сетьмоши тейнть!»

Иоанн 20:19 ပူးပေါင်းရင်းမြစ်များ

Матфей 10:13

Кда тя кудса васьфттядязь цебярьста, катк тинь сетьмошинь арьсеманте сувайхть тоза, а кда васьфттядязь кальдявста, катк синь меки мрдайхть тейнть.

Матфей 18:20

Вдь коса кафттне али колмотне пуромфт марс Монь лемсон, тоса ётксост Мон улян».

Марк 16:14

Тяда меле Иисус няфтсь пря кефкие тонафнихненди, мзярда синь ярхцасть. Иисус апрякась эсост аф кемамаснон и калгода седиснон инкса, мес ашесть кема сятненди, кит няезь Сонь вельмафста.

Иоанн 14:27

Кадан тейнть сетьмоши. Монцень сетьмошизень максса тейнть; максса аф стане, кода максси масторлангсь. Тяза коле и тяза пеле седиенте.

Иоанн 16:22

Тяфта тиньге тяни ризнатада; но Мон тинь тага няйхтядязь, и эста кенярди тинь седиенте, и тинь кенярдеманте киндинге аф сявови.

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Иоанн 20:21

Иисус мярьгсь тейст омбоцеда: «Сетьмоши тейнть! Кода Алязе кучемань Монь, стане Монга кучтядязь тинь».

Иоанн 20:26

Кафкса шида меле Иисусть тонафниенза тага пуромкшнесть марса, Фомавок мархтостоль. Кенкшне пякстафтольхть, но Иисус сувась, арась кучказост и мярьгсь: «Сетьмоши тейнть!»

Иоанн 21:1

Тяда меле Иисус тага няфтсь пря Эсь тонафниензонды Тивериада эрьхкть маласа. Тя лиссь тяфта:

Иоанн 21:14

Тя колмоцеда ни Иисус няфтезе прянц Эсь тонафниензонды кулофнень эзда вельмамдонза меле.

Иоанн 7:13

Сембе сяка колганза кивок панжада ашезь корхта, пелендсть еврейхнень оцюняснон эзда.

Апостолхнень тевсна 1:3

Крёз лангса маятамдонза меле, Сон эвондазе тейст Эсь прянц и лама кемокстама вельде няфтезе – Сон шиса. Сон эвондакшнесь тейст нильгемонь шинь кувалма и азонкшнесь тейст Шкаень Оцязорксшить колга.

Павелонь сёрмац Риму 15:33

Улеза Шкайсь, сетьмошинь лихтибрясь, сембонь тинь мархтонт! Аминь.

Павелонь васенце сёрмац Коринфу 15:5

и эвондась Кифанди, сяльде кемгафтува апостолхненди.

Павелонь сёрмац Ефесу 2:14

Сон минь сетьмошиньке. Сон тись кафттнень эзда фкя и срафтозе ётксост ащи перяфксть ся пингста,

Павелонь сёрмац Ефесу 6:23

Шкай Алясь и Иисус Христос Азорсь катк максыхть тейнть, кемай ялгат, сетьмоши и кельгома мархта кемама!

Павелонь сёрмац Филиппав 1:2

Арьсян тейнть пароказне и сетьмоши Шкай Аляньконь и Иисус Христос Азорть эзда!

Павелонь омбоце сёрмац Фессалоникав 3:16

Катк Сонць Азорсь, сетьмошинь лихтибрясь, максы тейнть сетьмоши фалу и сембоса! Улеза Азорсь сембонь тинь мархтонт!

Еврейхненди сёрмась 7:2

И Авраам максозе тейнза кемонце пяльксть тюремвастста сембе сявфть эзда. Васендакиге, Мелхиседек лемть смузец «видексшинь оцязор». Тяда башка, Мелхиседек ульсь Салимонь оцязоркс, лиякс, «сетьмошинь оцязоркс».

Иоаннонь колмоце сёрмац 1:14

Мон надиян курок няемс тонь, и эста минь корхтатама сельмода-сельмос.

Иоаннонди панчф няйфкс 1:4

Иоанн сёрмады Римонь Асияса сисем кемаень пуромксненди: пароказне тейнть и сетьмоши Сянь эзда, кие фалу ули, ульсь и сай, и сисем ваймопожфнень эзда, конат Сонь озама вастонц инголет,