Иоанн 20:1 - Од Соткс Новый Завет на мордовском-мокша языке 2016

¹ Недляшиня, шобдавакиге, мзярда нинге ашезь варьхмоде, Магдалань Мария сась калмоть ваксс, и няезе: кевсь калму сувама вастста веляфтф.

Иоанн 20:1 ပူးပေါင်းရင်းမြစ်များ

Матфей 27:56

Ётксост ульсть Магдаласта Мария, Иаковонь и Иосиень Мария тядясна и Зеведеень цёранзон тядясна.

Матфей 27:60

и калмазе сонь эсь од калмозонза, конань аф кунара шувфтозе кевбандс. Калмос сувама вастти сон веляфтсь оцю кев и тусь.

Матфей 27:64

Сяс мярьк ванфтомс калмоть колмоце шить самс, афток сайхть веть Сонь тонафниенза и саласазь ловажать, и сяльде кармайхть корхтама ломаттненди: "Сон вельмась кулофста". И мекольце васькафнемась ули сядонга кальдявкс васенцеть коряс».

Матфей 27:66

Синь мольсть, путсть кевть лангс тяштькс, и кадсть калмоть ваксса ванфтыхть.

Матфей 28:1

Ваймамань шида меле, недляшиста шобдавакиге Магдаласта Мария и лия Мариясь састь калмоть ванома.

Матфей 28:2

Апак учсек, вииста шерьхкозевсь модась, сяс мес менельста валгсь Шкайть ангелоц. Сон маладсь калмоти, шашфтозе сувама вастста кевть и озась лангозонза.

Марк 15:46

Иосиф рамась иляназонь котф, валхтозе Иисусонь ловажанц крёзть лангста, ашкодозе котфса и путозе Сонь калму, кона шувфоль кевбандс; калмос сувама вастти веляфтсь кев.

Марк 16:9

Иисус вельмась варьхмодемшовор недляшиста. Васенда няфтсь пря Магдалань Мариянди, конань потмоста панць сисем кяжи ваймопожфт.

Иоанн 11:38

А Иисус тага ризназевсь, сась калмоть ваксс. Калмось карафоль кевбанда бокс, и сувама вастозонза путфоль оцю кев.

Иоанн 11:41

Веляфтозь калмоть ваксста кевть. Иисус кеподезе прянц вяри менели и мярьгсь: «Аляй! Сюконян Тейть сяс, мес марямайть Монь.

Иоанн 19:25

Иисусонь крёзонц ваксса ащесть Сонь тядяц, тядянц сазороц, Клеопань рьвац Мария и Магдаласта Мария.

Иоанн 20:26

Кафкса шида меле Иисусть тонафниенза тага пуромкшнесть марса, Фомавок мархтостоль. Кенкшне пякстафтольхть, но Иисус сувась, арась кучказост и мярьгсь: «Сетьмоши тейнть!»

Апостолхнень тевсна 20:7

Недялянь васенце шиня минь кочкавоме кшинь синдемас и марса ярхцамас. Павелонь мялецоль тумс омбоце шиня, сяс сон ламос корхнесь тонафнихнень мархта, и корхнемасна таргавсь пялевес.

Павелонь васенце сёрмац Коринфу 16:2

Недялять васенце шистонза катк эрсь тинь эздонт путни ярмак башка, мзяра путови, и ванфтсы самозон. Эста монь самстон, аф эряви ни кочксемс ярмакт.

Иоаннонди панчф няйфкс 1:10

Азорть шиста мон улень Ваймопожфть кядяла и фталон кулень кайги вайгяль, кона кайгсь торама лаца. Сон корхтась: «Мон Альфась и Омегась, Васенцесь и Мекольцесь.