Иоанн 2:19 - Од Соткс Новый Завет на мордовском-мокша языке 2016

¹⁹ Иисус мярьгсь тейст: «Калафтость тя Шкаень кудть, и Мон колма шиста путса сонь меки».

Иоанн 2:19 ပူးပေါင်းရင်းမြစ်များ

Матфей 12:40

Кода Иона ульсь оцю калть потмоса колма шит и колма вет, стане Ломанень Цёраське ули модать потмоса колма шит и колма вет.

Матфей 16:21

Ся пингста сявомок Иисус апак сёпт кармась азондома тонафниензонды: Тейнза сави молемс Иерусалиму и кирдемс лама маятамада ломаньтналонь оцюнятнень, озксвятиень оцюнятнень и койти тонафтыхнень эзда, и Сон ули шавф, а колмоце шиня вельмай кулофста.

Матфей 27:40

«Эх, Шкаень кудонь срафты и колма шиста меки тии! Идек Эсь пряцень. Кда Тон Шкайть Цёрацат, валк крёзть лангста!»

Матфей 27:63

и мярьгсть: «Азор! Минь лятфтаськ, кода тя васькафнись нинге шиса улемстонза мярьгсь: "Колма шида меле Мон вельман".

Марк 14:58

«Минь кулеськ, кода Сон корхтась: "Мон срафтса тя Шкаень кудть, кона тиф ломанень кядьса, и колма шиста путан лия, аф ломанень кядьса тиф"».

Марк 15:29

Вакска ётнихне сялдозь Сонь и прянь шукиезь корхтасть: «Эх, Шкаень кудонь срафты и колма шиста меки путы!

Марк 8:31

Иисус ушедсь тонафтома эсост: «Ломанень Цёрати сави лама маятамс. Сонь эздонза потайхть ломаньтналонь оцюнятне, озксвятиень оцюнятне и койти тонафтыхне. Сонь шавсазь, но колмоце шиня Сон вельмай кулофста».

Иоанн 11:25

Иисус азозе тейнза: «Мон – вельмамась и эряфсь. Тейне кемайсь, кда и кулы, кармай эряма.

Иоанн 5:19

Тянь каршес Иисус мярьгсь: «Видеста корхтан тейнть: Цёрати мезевок аф тиеви Эсьстонза, кда аф няйсы, мезе тии Аляц. Вдь мезе тии Алясь, сянь тисы Цёрацка.

Апостолхнень тевсна 2:24

Но Шкайсь вельмафтозе Сонь кулофнень эзда и сязезень куломань уськнень, сяс мес куломати аф вийс коре ульсь Сонь кирдемс кядялонза.

Апостолхнень тевсна 2:32

Ся Иисусть вельмафтозе Шкайсь, а минь сембе тянь няеськ и тянь колга азонттама.

Апостолхнень тевсна 3:15

Тинь шавость Эряфонь Максыть. Но Шкайсь кеподезе Сонь кулофнень эзда, тянь минь няеськ эсь сельмосонк и тянь колга азонттама.

Апостолхнень тевсна 3:26

И мзярда Шкайсь вельмафтозе Эсь Цёранц, Сон васенда кучезе Сонь тейнть – бславамонт и кяжи тевда аерфтомонт».

Апостолхнень тевсна 6:14

Минь кулеськ, кода сон корхтась: ся Назаретонь Иисуссь срафтсы иняру Шкаень кудть и полафтсыне койхнень, конатнень максозень тейнек Моисей».

Павелонь сёрмац Риму 4:24

но миньге колганк. Шкайсь миньге лувсамазь видексшинь ломанькс, мзярда минь кематама Сянди, кие вельмафтозе кулофнень эзда Иисус Христость, минь Азороньконь,

Павелонь сёрмац Риму 6:4

Тяфта, кстиндамста минь куломе Сонь мархтонза и улеме калмафт мархтонза ва мес: кода Христос вельмафтфоль кулофста Алянц инь оцюшинц вийса, тяка лаца миньге карматама эряма од эряфса.

Павелонь сёрмац Риму 8:11

И кда эсонт эряй Сянь Ваймопожфоц, кие вельмафтозе Иисусонь кулофнень эзда, эста Иисус Христость Вельмафтыец вельмафтсыне тиньге кула ронгонтень Эсь Ваймопожфсонза, кона эряй тинь эсонт.

Павелонь васенце сёрмац Коринфу 15:12

Кда Христос вельмафтфоль кулофста, кода минь тейнть Сонь колганза пачфнетяма, мес эста конат-конат эздонт корхтайхть, кле, аш кулофнень эзда вельмама?

Павелонь сёрмац Колоссав 2:12

Тинь калмадязь Сонь мархтонза кстиндамаса и вельмафтодязь Сонь мархтонза, сяс мес тинь кемаде Шкайти, кона Эсь вийсонза вельмафтозе Христость кулофнень эзда.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,