Иоанн 19:4 - Од Соткс Новый Завет на мордовском-мокша языке 2016

⁴ Пилат тага лиссь и мярьгсь еврейхненди: «Вага, мон лихтьса Сонь тейнть, содалесть: мон кодамовок туфтал аф мушендан Сонь муворгофтомс».

Иоанн 19:4 ပူးပေါင်းရင်းမြစ်များ

Матфей 27:19

Мзярда Пилат озафоль судендама вастозонза, сонь рьвац кучсь тейнза вал: «Мезевок тят тие тя Видексшинь Ломанти, сяс мес тячи онстон мон лама сталма кирдень Сонь инксонза».

Матфей 27:24

Пилат няйсы: мезевок тейнза аф тиеви, аньцек сядонга пяк кепси ломанень кяжсь. Сон кантфтсь ведь, ломаттнень ингольде штазень кядензон и мярьгсь: «Мон аф муворуван тя Видексшинь Ломанть куломаса. Ваность тинць».

Матфей 27:4

и мярьгсь: «Мон сувань пежес, мийне аф муворуть». Но синь тейнза корхтайхть: «Кодама минь тевоньке? Тя тевсь тонне».

Матфей 27:54

Мзярда сядонь оцюнясь и сят, кит мархтонза ванфтозь Иисусонь, няезь модать шерьхкоманц и сембонь, мезе лиссь, синь пяк эводсть и мярьгсть: «Тя Ломанць афкукс ульсь Шкайть Цёрац!»

Лука 23:4

Пилат мярьгсь озксвятиень оцюнятненди и пуромфненди: «Мон аф мушендан кодамовок муворши тя ломаньца».

Лука 23:41

Минь судендафтама видешис коре, эсь тевоньконь инкса сатоськ тянь, а Сон мезеньге кальдяв ашезь тие».

Лука 23:47

Сядонь оцюнясь тянь няемста, Шкаень шназь, мярьгсь: «Афкукс тя ломанць ульсь видексшинь ломань!»

Иоанн 18:33

Эста Пилат тага сувась азоргуду, тердезе Иисусонь и кизефтезе Сонь: «Тон еврейхнень Оцязорснат?»

Иоанн 18:38

Пилат мярьгсь каршезонза: «Мезсь видеши?» Кизефтемок тянь, тага лиссь еврейхненди, мярьгсь тейст: «Сонь муворгофтомс мон кодамовок туфтал аф мушендан.

Иоанн 19:6

Но мзярда озксвятиень оцюнятне и Шкаень кудонь ваныхне няезь Иисусонь, синь кармасть юватькшнема: «Эськотьк, эськотьк Сонь крёзти!» Пилат корхтай тейст: «Тинць сявость Сонь и эськодесть крёзти; вдь мон кодамовок туфтал аф мушендан Сонь муворгофтомс».

Павелонь омбоце сёрмац Коринфу 5:21

Шкайсь путозе муворшить сембе минь пеженьконь инкса Христость лангс, конань прокс ашельхть пеженза. Тянь вельде Христосса минь араме видексшинь ломанькс Шкайть инголе.

Еврейхненди сёрмась 7:26

Самай тяфтама Озксвятиень оцюня тейнек и эрявсь: иняру, аф мувору и ару. Сонь явфтозь пежуфнень эзда и кеподезь менельда вяри.

Пёторонь васенце сёрмац 1:19

а Христосонь, афсатыксфтома и ару Верозть, питнидонга питни версонза.

Пёторонь васенце сёрмац 2:22

«Сон ашезь тие кодамовок пеже, и Сонь кургстонза ашезь лисе фкявок васькафнемань вал».

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Иоаннонь васенце сёрмац 3:5

Но кода тинь содасасть, Христоссь сась минь пеженьконь сявома; а Сонцень эсонза аш кодамовок пеже.