Иоанн 18:12 - Од Соткс Новый Завет на мордовском-мокша языке 2016

¹² Эста Римонь ушматтне оцюняснон мархта и Шкаень кудонь ваныхнень мархта сявозь Иисусонь и сотнезь Сонь.

Иоанн 18:12 ပူးပေါင်းရင်းမြစ်များ

Матфей 26:57

Иисусонь фатяенза вятезь Сонь Каиафа озксвятиень оцюняти. Тоза пуромсть ни койти тонафтыхне и ломаньтналонь оцюнятне.

Матфей 27:2

Синь сотнезь Сонь, лихтезь тоста и максозь Римонь оцюняти Понтий Пилатонди.

Матфей 27:27

Тяда меле Пилатонь ушманонза вятезь Иисусонь оцюнять кудс и пуроптозь перьфканза сембе ушман ялгаснон.

Марк 14:53

Иисусонь вятезь озксвятиень оцюняти; и тов кочкавсть сембе озксвятиень оцюнятне, ломаньтналонь оцюнятне и койти тонафтыхне.

Марк 15:1

Шобдавакиге озксвятиень оцюнятне ётафтсть пуромкс ломаньтналонь оцюнятнень, койти тонафтыхнень и марнек Оцю пуромксть мархта. Синь сотнезь Иисусонь, лихтезь тоста и максозь Пилатонди.

Лука 22:54

Синь сявозь Иисусонь и вятезь озксвятиень оцюнять кудс. Пётр ичкозьге мольсь мельгаст.

Иоанн 18:3

И вага Иуда сась тов, мархтонза вятсь Римонь ушматт и Шкаень кудонь ваныхть, конатнень кучезь озксвятиень оцюнятне и фарисейхне. Сембонь кядьса ульсть тюрембяльхть и валдоптомат-месть.

Апостолхнень тевсна 10:1

Кесарияса эрясь ломань, лемоцоль Корнилий. Сон ульсь сядонь оцюнякс полкса, кона лемневсь Италияннекс.

Апостолхнень тевсна 21:31

Мзярда синь ёразь шавомс Павелонь, ся ёткть тёжянь ушманонь оцюняти пачфтсть куля, кле, марнек Иерусалимть сявозе таколдома.

Апостолхнень тевсна 21:37

Ушманкуду сувафтомстонза Павел пшкядсь тёжянень оцюняти: «Мярьгат тейне кой-мезе азомс тейть?» Ся дивандазевсь: «Тон корхтат грекокс?

Апостолхнень тевсна 23:10

Пялькстомасна оржамсь сяшкава, нльне тёжянень оцюнясь пелезевсь, афолезь сязенде Павелонь, сяс кошардозень ушматтнень сявомс Павелонь пуромксть ёткста и ильхтемс сонь ушманкуду.