Иоанн 17:23 - Од Соткс Новый Завет на мордовском-мокша языке 2016

²³ Мон синь эсостан, и Тон Монь эсонат. Катк синь марнек улихть фкя седиса-ваймоса. Эста масторлангсь шарьхкодьсы: Тон кучемайть Монь и кельгсайть синь, кода Монь кельгсамак.

Иоанн 17:23 ပူးပေါင်းရင်းမြစ်များ

Иоанн 10:38

А кда тиендьсайне, эста, кда ни Тейне аф кематада, кемада Монь тевненди. Тяфта содасасть и шарьхкодьсасть – Алязе Монь эсон, Монга Сонь эсонзан».

Иоанн 13:35

Улендяряй ётксонт фкя-фкянди кельгома, тянь коряс сембе кармайхть содамонт – тинь Монь тонафниене».

Иоанн 14:10

Дяряй тон аф кемат, Мон Алязень эсан и Алязе Монь эсон? Валхнень, конатнень Мон корхтасайне тейнть, корхтасайне аф Эсь эздон – тя Алязе, кона Монь эсон, тиендьсыне тевонзон.

Иоанн 14:23

Иисус каршезонза мярьгсь: «Кие Монь кельгсамань, ся тиенди Монь валнень коряс; Алязе кармай кельгомонза сонь, и Минь сатама тейнза и ульхтяма мархтонза.

Иоанн 15:9

Кода Алязе кельгсамань Монь, стане Монга кельктядязь тинь; уледа Монь кельгомасон.

Иоанн 16:27

Сонць Алязе кельктядязь тинь, сяс мес тинь кельгомасть Монь и кармаде кемама: Мон сань Шкайть ширеста.

Иоанн 17:11

Мон ни аф масторлангсан, но синь масторлангсот, а Мон саян Тейть. Иняру Аляй! Ванфтыть синь Эсь лемсот, сятнень, конатнень Тон максыть Тейне: улест синь фкя седиса-ваймоса, кода Минь Тонь мархтот фкя седисотама-ваймосотама.

Иоанн 17:21

Эняльдян, синь сембе улельхть фкя седиса-ваймоса: кода Тон, Аляй, Монь эсонат, и Мон – Тонь эсотан, катк стане синьге улихть Минь эсонк фкя седиса-ваймоса. И масторлангсь кармай кемама: Тон кучемайть Монь.

Иоанн 17:24

Аляй! Монь мялезе: кинь Тон максыть Тейне, катк улихть мархтон тоса, косан Мон, катк няйсазь Монь иневалдозень, конань Тон максыть Тейне, сяс мес кельгомайть Монь менельть-масторть тиемда инголе.

Иоанн 17:26

И Мон панжине тейст Тонь лемцень, нинге панчса: улель седисост стама кельгома, кодамса Тон кельгсамак Монь, Монга улелень синь седисост».

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Иоанн 17:8

Валхнень, конатнень Тон максыть Тейне, Мон тейст максыне, и синь сявозь, и афкукс шарьхкодезь: Мон сань Тонь ширдет, и кармасть кемама – Тон кучемайть Монь.

Иоанн 3:17

Шкайсь кучезе Эсь Цёранц масторлангти аф судендамс масторлангть, а Эсь Цёранц вельде идемс сонь.

Иоанн 6:56

Монь ронгтон ярхцайсь и вердон симись ащи Монь эсон, и Монга эсонзан.

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Павелонь омбоце сёрмац Коринфу 5:21

Шкайсь путозе муворшить сембе минь пеженьконь инкса Христость лангс, конань прокс ашельхть пеженза. Тянь вельде Христосса минь араме видексшинь ломанькс Шкайть инголе.

Павелонь сёрмац Галатияв 3:28

И аш тяни аф еврей, аф лия тналонь ломань; аф уре, аф воляшистонь; аф аля, аф ава, сяс мес сембе тинь сотоводе фкя-фкянь мархта и тиеводе кода фкя ломань Христос Иисусонь эса.

Павелонь сёрмац Филиппав 3:15

Сяс тейнек, кемамаса кенерьф ломаттненди, эряви тянь лаца арьсемс. А кда мезьса лиякс арьсетяда, сяньге панчсы тейнть Шкайсь.

Павелонь сёрмац Колоссав 1:28

Минь пачфнесаськ Христость колга Кулять, путнетяма ёньц и тонафттама эрь ломанть эса. Минь нолясаськ тевс сембе смузьшить, сяс мес надиятама тиемс эрть афсатыксфтомокс Христос Иисусса.

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Павелонь сёрмац Колоссав 3:14

А сембодонга пяк уледа кельгикс, сяс мес кельгомась семботь сотсы марса и семботь тисы афсатыксфтомокс.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Иоаннонь васенце сёрмац 1:3

Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.

Иоаннонь васенце сёрмац 3:1

Ваность, конашкава Аляньке кельгсамазь минь: Сон лемнесамазь минь Шкаень идькс! И минь афкукс Сонь иденза! Масторлангонь ломаттне аф содасамазь минь, сяс мес ашезь сода минь Аляньконь.

Иоаннонь васенце сёрмац 4:19

Минь кельгсаськ Шкайть, сяс мес васенда Шкайсь кельгомазь минь.

Иоаннонди панчф няйфкс 3:9

Мон макссайне тейть Сатанать пуромксста сятнень, кит лемнесазь пряснон еврейкс, но синь прокс аф сят, кикс лемнесазь пряснон, синь васькафнихть. Мон вятьфтсайне синь тейть и комафтсайне пильгозт. Эста синь содасазь – Мон кельгте тонь.