Иоанн 17:21 - Од Соткс Новый Завет на мордовском-мокша языке 2016

²¹ Эняльдян, синь сембе улельхть фкя седиса-ваймоса: кода Тон, Аляй, Монь эсонат, и Мон – Тонь эсотан, катк стане синьге улихть Минь эсонк фкя седиса-ваймоса. И масторлангсь кармай кемама: Тон кучемайть Монь.

Иоанн 17:21 ပူးပေါင်းရင်းမြစ်များ

Марк 3:24

Кда масторсь явови эсь эсьсонза, эста ся масторсь аф ванфтови;

Иоанн 10:16

Лия учаневок улихть, конат аф тя кардста; сятка Тейне эрявихть вятемс. Синьге кармайхть кулхцондома Монь вайгялезень, и тиеви фкя стада и фкя учань Ваны.

Иоанн 10:30

Мон и Алязе – тя фкя сякось».

Иоанн 10:38

А кда тиендьсайне, эста, кда ни Тейне аф кематада, кемада Монь тевненди. Тяфта содасасть и шарьхкодьсасть – Алязе Монь эсон, Монга Сонь эсонзан».

Иоанн 11:42

Мон стадонга содаса: Тон фалу марясамак Монь. Тянь азса тяса ащи ломаттнень инкса, кемальхть синь: Тон кучемайть Монь».

Иоанн 13:32

Кда Шкайть оцюшиц няфтевсь Сонь эсонза, эста Шкайське няфтьсы Эсьсонза Цёранц оцюшинц, и курок няфтьсы Сонь оцюшинц.

Иоанн 13:35

Улендяряй ётксонт фкя-фкянди кельгома, тянь коряс сембе кармайхть содамонт – тинь Монь тонафниене».

Иоанн 17:11

Мон ни аф масторлангсан, но синь масторлангсот, а Мон саян Тейть. Иняру Аляй! Ванфтыть синь Эсь лемсот, сятнень, конатнень Тон максыть Тейне: улест синь фкя седиса-ваймоса, кода Минь Тонь мархтот фкя седисотама-ваймосотама.

Иоанн 17:18

Кода Тон кучемайть Монь масторлангти, стане Монга кучине синь масторлангстотненди.

Иоанн 17:20

«Аф аньцек синь инксост эняльдян, но сятнень инксовок, конат Тейне кемайхть синь валснон коряс.

Иоанн 17:25

Видексшинь Аляй! Масторлангсь Тонь аф содатанза; а Мон содате Тонь, нятка кармасть содамонза: Тон кучемайть Монь.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Иоанн 17:8

Валхнень, конатнень Тон максыть Тейне, Мон тейст максыне, и синь сявозь, и афкукс шарьхкодезь: Мон сань Тонь ширдет, и кармасть кемама – Тон кучемайть Монь.

Иоанн 3:17

Шкайсь кучезе Эсь Цёранц масторлангти аф судендамс масторлангть, а Эсь Цёранц вельде идемс сонь.

Иоанн 5:23

сембе ванондолезь Цёрать мяленц, кода ванондсазь Алятьке мяленц. Кие аф ванцы Цёрать мяленц, ся аф ванцы Алятьке мяленц, кона Сонь кучезе.

Апостолхнень тевсна 2:46

Эрь шиня синь фкя ваймоса кочксевсть Шкаень кудса, и эсь кудгаваст кшинь синнезь, ярхцесть марса кеняртькс потмоса и панжада седиса,

Апостолхнень тевсна 4:32

Сембе кемайхнень ульсь фкя седисна и фкя ваймосна. Фкявок ломань эсь уликс-паронц эзда мезнятьке ашезе лемне сонценнекс, синь сембосна марстоннель.

Павелонь сёрмац Риму 12:5

тяфта миньге, мзяра эздонк тяза уле, Христость эса минь тиенттяма фкя ронга, а фкя-фкянди – минь тя ронгонь пялькстама.

Павелонь васенце сёрмац Коринфу 1:10

Мон эняльдян тейнть, кемай ялгат, Иисус Христос Азороньконь лемса: ладяда сембе эсь ётковант, афольхть уле ётксонт явомат, но улеледе сотфт фкя-фкянь мархта фкя ёньца-мяльса.

Павелонь васенце сёрмац Коринфу 12:12

Христость ронгоц, кода ломанень ронгське, ащи лама пяльксста. Хуш ронгсь тиф лама пяльксста, сон сембе сяка ляткшни фкя ронгокс.

Павелонь васенце сёрмац Коринфу 6:17

А ся, кие сотови Азорть мархта, тиеви фкя ваймопожфокс Сонь мархтонза.

Павелонь сёрмац Галатияв 3:28

И аш тяни аф еврей, аф лия тналонь ломань; аф уре, аф воляшистонь; аф аля, аф ава, сяс мес сембе тинь сотоводе фкя-фкянь мархта и тиеводе кода фкя ломань Христос Иисусонь эса.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Иоаннонь васенце сёрмац 1:3

Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.

Иоаннонь васенце сёрмац 5:7

Улихть колма кемокстайхть менельса: Алясь, Валсь и Иняру Ваймопожфсь; и ня колмотне кемокстайхть-корхтайхть фкянь колга.