Иоанн 17:1 - Од Соткс Новый Завет на мордовском-мокша языке 2016

¹ Ня валда меле Иисус кеподезе сельмованфонц вяри менели и мярьгсь: «Аляй! Пингсь сась, няфтьк Эсь Цёрацень иневалдонц, Цёрацевок няфтелезе Тонь иневалдцень.

Иоанн 17:1 ပူးပေါင်းရင်းမြစ်များ

Марк 14:41

Колмоцеда самдонза меле Иисус корхтай тейст: «Тинь нинге удотада и ваймосетяда? Саты утцемс! Сась пингсь: вага, Ломанень Цёрась максови пежуфнень кядьс.

Лука 18:13

А каяфксонь кочкайсь ащесь ширеняса, нльне сельмонзонга пельсь кеподемс вяри; аньцек эрьхнезе мяштенц и корхтась: "Шкай! Ужяльдемак монь, пежу ломанть!"

Лука 22:53

Мон эрь шиня улендень мархтонт Шкаень кудса, и тинь ашеде кепсе лангозон кятть. Но тяни тинне пингсь и азорондай шобдась».

Иоанн 11:4

Иисус марязень ня валхнень, мярьгсь: «Тя сярядемась аф куломанди, а Шкайть оцюшинц няфтеманди, тянь вельде шнаволь-оцюлгофтоволь Шкаень Цёрась».

Иоанн 11:41

Веляфтозь калмоть ваксста кевть. Иисус кеподезе прянц вяри менели и мярьгсь: «Аляй! Сюконян Тейть сяс, мес марямайть Монь.

Иоанн 12:23

Но Иисус мярьгсь каршезост: «Сась пингсь, мзярда Шкайсь няфтьсы Ломанень Цёрать афкуксонь оцюшинц.

Иоанн 13:1

Очижинь карша шиня Иисус ни содазе: сась Сонь пингоц кадомс тя масторлангть и меки мрдамс Алянцты. Сон кельгозень Эсь ломанензон, конат эрясть тя масторлангса, кельгозень синь педа-пес.

Иоанн 16:32

Но вов сай пинге, и сась ни: тинь сраттада эсь вастовант и кадсамасть Монь ськамон, но Мон аф ськамонан, Монь мархтон Алязе.

Иоанн 7:30

Синь мяльсноль кундамс Иисусть; но кивок ашезе кеподе лангозонза кяденц, сяс мес нинге ашезь са Сонь пингоц.

Иоанн 7:39

Тяфта Иисус мярьгсь Ваймопожфть колга, кона максови Иисусти кемайхненди. Аньцек Иняру Ваймопожфсь нинге апак макстоль, сяс мес Иисус нинге апак кепоттель Шкайть иневалдозонза.

Иоанн 8:20

Ня валхнень Иисус азозень ярмаконь кочкама арзять ваксса, мзярда Сон тонафтсь Шкаень кудса. И кивок ашезе кунда Сонь, сяс мес нинге ашезь са Сонь пингоц.

Апостолхнень тевсна 3:13

Авраамонь, Исааконь, Иаковонь Шкайсна, минь атянь-атяньконь Шкайсна кеподезе-шназе Эсь Цёранц Иисусонь. Тинь мисть Сонь и потаде эздонза Пилатонь инголе, мзярда ся мярьгондсь нолдамс Сонь.

Пёторонь васенце сёрмац 1:21

Христость вельде тинь кармаде кемама Шкайти, кона вельмафтозе Сонь кулофнень эзда и макссь Тейнза оцюши. Сяс тяни тиньге кематада и надиятада Шкайть лангс.