Иоанн 16:33 - Од Соткс Новый Завет на мордовском-мокша языке 2016

³³ Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Иоанн 16:33 ပူးပေါင်းရင်းမြစ်များ

Матфей 9:2

И вов, Тейнза кандсть ацам лангса сяряди, кона колафоль параличса. Мзярда Иисус няезе кемамаснон, мярьгсь сярядити: «Тят пеле, цёрай, тонь пежетне нолдафт».

Лука 19:38

Синь корхнесть: «Бславаф Оцязорсь, кона сай Азорть лемса! Сетьмоши менельса и шнама Инь Вярдень Шкайти!»

Лука 2:14

«Шнама Шкайти вярдень менельса, и модать лангса сетьмоши ломаттненди, конатнень кельгсыне Шкайсь!»

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Иоанн 14:1

«Тяза ризна седиенте; кемада Шкайти, Тейневок кемада.

Иоанн 14:27

Кадан тейнть сетьмоши. Монцень сетьмошизень максса тейнть; максса аф стане, кода максси масторлангсь. Тяза коле и тяза пеле седиенте.

Иоанн 16:11

а судендамась тоса: тя масторлангть азороц судендаф ни.

Апостолхнень тевсна 14:22

Сембе вастова синь кемокснезь тонафнихнень ваймопожфснон, тонафтозь ванфтомс кемамаснон, корхтасть: «Лама маятама вельде тейнек сувама Шкаень Оцязорксшити».

Апостолхнень тевсна 23:11

Омбоце веня Азорсь эвондась Павелонди и мярьгсь: «Тят пеле! Кода тон няфтеть-азондоть Монь колган Иерусалимса, стане тейть эряви няфтемс-азондомс Римсонга».

Апостолхнень тевсна 27:22

Но тяни мон эняльдян тейнть, тясть ноля прянтень, сяс мес кивок ёткстонт аф юмай, минь юмафтсаськ аньцек оцю венчть.

Апостолхнень тевсна 27:25

Сяс тясть ноля прянтень, ялгат! Мон кеман Шкайти! Сембось ули стане, кода Сон мярьгсь тейне.

Апостолхнень тевсна 9:31

Тя ёткть Иудеянь, Галилеянь, Самариянь кемаень пуромксненди сась сетьме эряф. Кемаень пуромксне кемокснесть и эрясть Шкайда пелезь, и Иняру Ваймопожфть лездоманц вельде тонафнихнень лувкссна касондсь.

Павелонь омбоце сёрмац Коринфу 1:3

Улеза шнаф-бславаф Иисус Христос Азороньконь Аляц и Шкаец! Сон – минь кельгозь ужяльди Аляньке и сембоса ваймафты-кемокстафты Шкаеньке.

Павелонь омбоце сёрмац Коринфу 13:11

Меколи, кемай ялгат, мярьган: кеняртькшнеда, петнесть-ладясть эсь эряфонтень, ваймафтода-кемокстада фкя-фкянь, уледа сембе фкя мяльса, ладяда фкя-фкянь мархта – и Шкайсь, кельгомань и сетьмошинь лихтибрясь, ули мархтонт.

Павелонь омбоце сёрмац Коринфу 2:14

Сюконяма Шкайти, кона фалу вятьсамазь минь Христость мельге – Сонь сяськиень молемасонза, и эрь вастова пачфнесы минь вельденк Христость колга содамошить, кона танцти шине лаца.

Павелонь омбоце сёрмац Коринфу 4:7

Тяфтама питни козяшить минь каннесаськ эсьсонк, бта сёвонень кядьгоняса. Тянь вельде няеви: тя аф ункстави вийсь моли Шкайть эзда, а аф минь эздонк.

Павелонь омбоце сёрмац Коринфу 6:4

Меколанкт, минь сембоса няфнесаськ эсь пряньконь афкуксонь покодикс Шкайти: оцю кирдемшкаса и кемошиса кирттяма стакашит, ашушит, люпштамат,

Павелонь омбоце сёрмац Коринфу 7:4

Мон аф пелян корхтамс тейнть видеста, и монь лама туфталдон шнафтомс пря тинь мархтонт. Сембе минь ризфоньконь ёткса тинь ащетяда тейне ваймама-кемокстама вастокс и нежекс, и сяс мон пяшкотькшнян кенярдемаса.

Павелонь сёрмац Галатияв 1:4

Сон максозе Эсь прянц минь пеженьконь инкса, сяс мес Сонь мялец идемс минь кяжи вийть эзда, кона азорондай тяни масторлангса. Тя ульсь Шкайть, минь Аляньконь, мяленц коряс,

Павелонь сёрмац Галатияв 6:14

А монь аш мялезе шнамс эсь прязень мезьсовок, Иисус Христос Азороньконь крёздонза башка. Тя крёзть лангса масторлангсь эськотьф-кулоф тейне, и монцьке эськотьфан-кулофан тя масторлангти.

Павелонь сёрмац Филиппав 4:7

Эста Шкаень сетьмошись, кона сембе ломанень ёньда сяда оцю, ванфтсыне тинь седиентень и арьсемантень Христос Иисусса.

Павелонь сёрмац Колоссав 1:20

Тяфта жа Шкайть мялецоль Цёрать вельде мирендафтомс Эсь мархтонза семботь, и Сонь крёз лангса валф версонза кандомс сетьмоши семботи, мезе мода лангса и менельса.

Павелонь васенце сёрмац Фессалоникав 3:4

Вдь тяда инголевок, мзярда улеме ширесонт, минь корхнеме тейнть: минь учсамазь стакашит. Тяфта и лиссь, кода тейнть содаф.

Павелонь васенце сёрмац Фессалоникав 3:7

Кемай ялгат, сяс сембе стакашиньконь и маятаманьконь ёткса кулясь тинь кемамантень колга ваймафтомазь-кемокстамазь минь.

Павелонь омбоце сёрмац Фессалоникав 3:16

Катк Сонць Азорсь, сетьмошинь лихтибрясь, максы тейнть сетьмоши фалу и сембоса! Улеза Азорсь сембонь тинь мархтонт!

Павелонь омбоце сёрмац Тимофеенди 3:12

Виде, сембе, кит ёрайхть эрямс Шкайть мяленц коряс Христос Иисусса, кармайхть панцевома.

Еврейхненди сёрмась 11:25

Пежеть нюрьхкяня пингонь ламбамашинзон и тёждя эряфть вастс сон сяда цебярькс лувозе Шкаень ломаньтналть мархта маятамать.

Еврейхненди сёрмась 7:2

И Авраам максозе тейнза кемонце пяльксть тюремвастста сембе сявфть эзда. Васендакиге, Мелхиседек лемть смузец «видексшинь оцязор». Тяда башка, Мелхиседек ульсь Салимонь оцязоркс, лиякс, «сетьмошинь оцязоркс».

Пёторонь васенце сёрмац 5:9

Уледа кемот эсь кемамасонт и стяда идемэвозти каршек. Тинь содасасть: тяфтама маятамат кирдихть тинь кемай ялгантевок сембе масторга.

Иоаннонь васенце сёрмац 2:13

Сёрмадан тейнтьке, сирет, сяс мес тинь содасасть Сянь, кие ульсь ушетксстокиге. Сёрмадан тейнть, отт, сяс мес тинь сяськость Кальдявть. Сёрмадан тейнть, иднят, сяс мес тинь содасасть Алять.

Иоаннонь васенце сёрмац 4:4

Идне, тинь Шкайть эзда и тинь сяськость тона аф афкуксонь пророкнень. Вдь Ся, кона тинь эсонт, сяда оцю ся ваймопожфть коряс, кона эряй масторлангонь пежу ломаттнень эса.

Иоаннонь васенце сёрмац 5:4

Вдь эрь ломанць, кона шачсь Шкайть эзда, сяськсы тя пежу масторлангть. И тя вийсь, кона сяськозе масторлангть, – минь кемаманьке.

Иоаннонди панчф няйфкс 12:11

Синь сяськозь сонь Верозть верса и Шкаень валть пачфнемаса. Синь, нльне, эсь эряфснон аноктольхть максомс, аф пелемок куломать эзда.

Иоаннонди панчф няйфкс 3:21

Кие сяськи, сянди мярьган озамс Монь мархтон оцязоронь озама вастозон. Тяфта Монга, сяськомок, озань Алязень мархта оцязоронь озама вастозонза.

Иоаннонди панчф няйфкс 7:14

Мон мярьгонь тейнза: «Азор, тон тянь содасак». И сон азозе каршезон: «Нят сят, кит састь оцю маятамаста. Синь муськозь эсь щамснон и акшептозь синь Верозть верса.