Иоанн 16:20 - Од Соткс Новый Завет на мордовском-мокша языке 2016

²⁰ Видеста корхтан тейнть: тинь карматада авардема и явсема, а масторлангсь кенярди; тинь пратада ризфс, но тинь ризфонте шары кенярдемакс.

Иоанн 16:20 ပူးပေါင်းရင်းမြစ်များ

Матфей 21:38

Но виноградонь касфтыхне цёранц няемста мярьгсть фкя-фкянди: "Тя азорть юромонь поладыец, эрьда шавсаськ сонь, и тейнза аноклаф уликс-парось ляды тейнек".

Матфей 5:4

Павазуфт ризнайхне, сяс мес Шкайсь синь кеняртьфтсыне.

Марк 14:72

Эста атёкшсь моразевсь омбоцеда. И Пёторонь мяльс лядсть Иисусонь валонза: «Атёкшсь омбоцеда аф кенери моразевомс, кода тон колмоксть потат Монь эздон». И аварьгодсь.

Марк 16:10

Мария мольсь и азондозе сятненди, конат инголи яксесть Иисусонь мархта, а тяни авардсть и пичедсть инксонза.

Лука 22:45

Озондомда меле Иисус стясь и мольсь тонафниензонды. Сон сатозень синь удозь, сяс мес синь матодовсть пичедемать эзда.

Лука 22:62

Пётр лиссь тоста и ризфта пяшксе седиса аварьгодсь.

Лука 23:27

Иисусонь мельге мольсь ламодонга лама ломань, ётксост ульсть аватка, конат авардсть и явсесть инксонза.

Лука 24:17

Иисус пшкядсь тейст: «Мезень колга тинь молембачк корхтатада и мес тинь шаманте тяшкава пичефксуфт?»

Лука 24:21

Ина минь надиякшнеме, Сон вчёк Ся, кона идесы Израильть. Аньцек тя нинге аф сембе. Вов ни колмоце шись тусь, кода тя лиссь,

Лука 6:21

Павазуфтада тинь, тяни вачедотне, сяс мес топоттяда. Павазуфтада тинь, тяни авардихне, сяс мес кенярттяда и рахатада.

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Иоанн 16:6

Но сянь эзда, мезе Мон азонь тейнть, седиенте пяшкодсь ризфта.

Иоанн 20:20

Сяльде няфтезень тейст Эсь кядензон, пильгонзон и ирдезонзон. Тонафниенза кенярдсть Иисусть няемста.

Апостолхнень тевсна 5:41

Апостолхне тусть Оцю пуромксста кеняртькшнезь, сяс мес тейст максовсь тя наругамась Иисус Азорть лемонц инкса.

Павелонь сёрмац Риму 5:11

И тя аф сембось, тяда башка минь нинге шнафттама пря Шкайса, кона ладямазь минь Эсь мархтонза Иисус Христос Азороньконь вельде.

Павелонь омбоце сёрмац Коринфу 6:10

минь пичефтьсамазь, а минь фалу кеняртькшнетяма; минь ашуфтама, но ламотнень козякофнесаськ; минь мезеньковок аш, но сембось кядялонк.

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь васенце сёрмац Фессалоникав 1:6

И тинь, ваномок минь лангозонк и Азорть лангс, ушедоде тиендема минь лацонк и Азорть лаца. Люпштаматнень ёткса тинь сявость седиезонт Кулять кеняртькс мархта, конань тейнть максозе Иняру Ваймопожфсь.

Иаковонь сёрмац 1:2

Кемай ялгане, мзярда лангозонт прашендыхть эрь кодама сталмот-варчсемат, кенярдеда тянди.

Иудань сёрмац 1:24

Но Шкайть ули виец ванфтомс тинь кальдявс прамада и путомс тинь кенярдемаса афсатыксфтомокс Эсь иневалдонц инголи.

Иоаннонди панчф няйфкс 11:10

Кафта пророкнень куломасна арай кенярдемакс масторлангса эряйхненди, сяс мес ня кафттне синь маятафтозь. Масторлангонь эряйхнень сявсыне кеняртькшнема, синь кармайхть ётафнема илат и кучсема фкя-фкянди казнет.

Иоаннонди панчф няйфкс 18:7

Мзяра сон шнафнезе прянц и эрясь козяшиса, сняра максода тейнза маятамада и ризфта. Вдь сон корхтай эсь седисонза: "Озадан оцязорава лаца, мон аф удаван и мон аф няян ризф".