Иоанн 15:5 - Од Соткс Новый Завет на мордовском-мокша языке 2016

⁵ Мон – виноградонь почксь, а тинь – тараткятне. Кие Монь эсон и Монга эсонзан, ся максы лама иможда. Моньфтомон тейнть мезевок аф тиеви.

Иоанн 15:5 ပူးပေါင်းရင်းမြစ်များ

Матфей 13:21

но сонь аш кеме юроц, сяс сонь кемамац аф лама пингс. И мзярда валть инкса кармайхть люпштамонза и панцемонза, сон эстокиге потай кемамада.

Иоанн 12:24

Видеста корхтан тейнть: кда тозеронь видьмось модати прамста аф кулы, эста ляды ськамонза; а кда кулы, эста канды лама видьмода.

Иоанн 15:16

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Иоанн 5:19

Тянь каршес Иисус мярьгсь: «Видеста корхтан тейнть: Цёрати мезевок аф тиеви Эсьстонза, кда аф няйсы, мезе тии Аляц. Вдь мезе тии Алясь, сянь тисы Цёрацка.

Иоанн 9:33

Кда Сон улель аф Шкайть эзда, Тейнза мезевок афоль тиев».

Апостолхнень тевсна 4:12

Апак макст ломаттненди лия лем менельть ала, конань вельде минь идеволеме».

Павелонь сёрмац Риму 12:5

тяфта миньге, мзяра эздонк тяза уле, Христость эса минь тиенттяма фкя ронга, а фкя-фкянди – минь тя ронгонь пялькстама.

Павелонь сёрмац Риму 6:22

Но тяни, мзярда тинь нолдафтада воляшис пежеть эзда и араде Шкайти урекс, тинь сяводе аруши, конань песта тейнть максови пефтома пингонь эряфсь.

Павелонь сёрмац Риму 7:4

Тякось тиньге мархтонт, кемай ялгане: Христость куломста тиньге, кода Сонь ронгонь пяльксонза, кулоде койти. Тяфта тинь Лияти максфтада, Сянди, кие ульсь вельмафтф кулофнень эзда. И тяфта тейнек ули кода покодемс Шкайти.

Павелонь васенце сёрмац Коринфу 10:16

Дяряй бславамань кядьгось, конанкса астама сюконяма Шкайти, минь аф сотсамазь Христость веронцты? Кшиське, конань минь синнесаськ, дяряй аф сотсамазь Христость ронгонцты?

Павелонь васенце сёрмац Коринфу 12:12

Христость ронгоц, кода ломанень ронгське, ащи лама пяльксста. Хуш ронгсь тиф лама пяльксста, сон сембе сяка ляткшни фкя ронгокс.

Павелонь васенце сёрмац Коринфу 12:27

Сембе марса тинь Христость ронгоц, а башка, эрсь тинь эздонт Сонь ронгонц пяльксоц.

Павелонь омбоце сёрмац Коринфу 13:8

Вдь минь мезевок аф машттама тиемс видешить каршес, меколанкт, семботь тиендьсаськ видешить инкса.

Павелонь омбоце сёрмац Коринфу 9:10

Шкайсь, кона максси видьмот видити и кшиса аннесы ломанть, тейнтьке максы видьмот, ламолгофтсы сянь, мезе озафттада, и касфтсыне эсонт видексшинь тефнень.

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Ефесу 5:9

Ваймопожфсь шачфты-канды эрь кодама пароши, видексши и видеши.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 4:13

Семботь маштса Сянь вельде, кие максы тейне вий.

Павелонь сёрмац Филиппав 4:17

Мон тянь колга корхтан аф эстейне анамать инкса. Монь мялезе фкя: тя лездомантень вельде кочкаледе эстейнть сяда лама пара сай пингти.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь сёрмац Колоссав 1:6

кона тяни пачкодсь тейнть. Тя кулясь келеми и канды цебярь имошт сембе масторга. Сон тинь ётксонтка касы и канды имошт ушедомок ся шиста, мзярда тинь кулесть сонь и шарьхкодесть Шкаень пароказнеть тяфтамкс, кодама сон афкукс ули.

Иаковонь сёрмац 1:17

Эрь кодама цебярь максомась и эрь кодама афсатыксфтома казнесь максовихть вярде, Шкай Алять эзда, кона тиезень сембе менелень валдоптоматнень. Сон мзярдовок аф полафни менелень валдоптоматнень цильфснон лаца, и Сонь валдоц мзярдовок аф тиеви шобдакс.

Пёторонь васенце сёрмац 2:4

Сада Тейнза. Сон эряфонь максы кев, конань ломаттне ёрдазь, но конань Шкайсь кочказе и лувозе питникс.

Пёторонь омбоце сёрмац 3:18

Но, меколанкт, касода-кемокстада, сяда крхкаста содасть Азороньконь и Идиеньконь Иисус Христость и Сонь пароказненц. Улеза Тейнза шнама кода тяни, стане и пефтома пингс! Аминь.