Иоанн 15:19 - Од Соткс Новый Завет на мордовском-мокша языке 2016

¹⁹ Кда тинь улеледе тя масторлангонь ломаттнень лаца, тя масторлангсь кельголедязь тинь, кода эсензон. Но тинь ни аф синь лацостада – Мон тинь кочкадязь тя масторлангста, сяс масторлангсь прокс аф кельктядязь.

Иоанн 15:19 ပူးပေါင်းရင်းမြစ်များ

Матфей 10:22

Монь лемозень инкса кивок аф кармай кельгомонт, но кие кирди петь самс, ся идеви.

Матфей 24:9

Тинь фатятядязь, макстядязь маятамас и шафтядязь, и Монь лемозень инкса сембе ломаньтналхне кармайхть аф кельгомонт.

Лука 6:32

Кельгондярясасть тинцень кельгиентень, кодама шнама тейнть тянкса? Вдь пежуфневок эсь кельгиснон кельгсазь.

Иоанн 13:18

Ёткстонт аф сембонь колга корхтан; Мон содасайне, конатнень кочкайне. Аньцек пяшкодевоза Сёрматфкссь: "Мархтон кшида ярхцайсь кеподезе лангозон эсь кочкярянц".

Иоанн 15:16

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Иоанн 6:70

Иисус каршезост корхтась: «Дяряй аф Монць кочкадязь тинь, кемгафтувотнень? И сембе сяка, фкясь ёткстонт – идемэвозь».

Иаковонь сёрмац 4:4

Шкайти полафни ломатть! Дяряй аф содасасть: масторлангть мархта ялгафтомась – тя Шкайти каршек молема? Кинь мялец улемс ялгакс тя масторлангти, ся арси душманкс Шкайти.

Пёторонь васенце сёрмац 4:3

Ингольдень пингть тинь ни сатомшка эряде, кода Шкаень аф содай ломатть: тинь макссесть прянтень эрь кодама аф арушис, визькс мяльхненди (алятне аля мархта удомас, жувата мархта удомас, рдазу мяльс-арьсемас), тинь уледе симилакс, пекта вельф тетькикс и сюконякшнеде аф афкуксонь шкайхненди.

Иоаннонь васенце сёрмац 3:12

Тяда уле Каинонь лаца, кона ульсь Кальдявть эзда, и шавозе эсь брадонц. Мезенкса шавозе? Сянкса, мес сонцень тевонза ульсть кяжихть, а брадонц тевонза – видексшинь.

Иоаннонди панчф няйфкс 12:17

Драконть кяжец лаказевсь авать лангс, и сон тусь тюрема авать лия идензон мархта, конат ванфнесазь Шкайть кошардомвалонзон и конат кирдихть Иисус Христосонь эзда азф валти.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.