Иоанн 14:28 - Од Соткс Новый Завет на мордовском-мокша языке 2016

²⁸ Тинь кулесть, мезе Мон азонь тейнть: "Туян эздонт и мрдан ширезонт". Кельгондярялемасть Монь, эста ни кенярделеде, мес Мон мярьгонь: "Молян Алязти"; сяс мес Алязе Мондедон оцю.

Иоанн 14:28 ပူးပေါင်းရင်းမြစ်များ

Матфей 12:18

«Вага Монь Покодиезе, конань кочкайне, конань Мон кельгса, кона Монь кенярдема вастозе. Тейнза максса Ваймопожфозень, и Сон пачфтсы сембе ломаньтналхненди Монь виде судозень.

Иоанн 10:38

А кда тиендьсайне, эста, кда ни Тейне аф кематада, кемада Монь тевненди. Тяфта содасасть и шарьхкодьсасть – Алязе Монь эсон, Монга Сонь эсонзан».

Иоанн 13:16

Видеста корхтан тейнть: покодись аф сяда оцю азоронц коряс, кучфське аф сяда оцю кучиенц коряс.

Иоанн 14:12

Видеста корхтан тейнть: Тейне кемайсь кармай тиендема ся тефнень эса, конатнень тиендьсайне Мон, и тии корязост сяда оцю тефт; сяс мес Мон туян Алязти.

Иоанн 14:18

Мон аф каттядязь тинь урозкс; мрдан тейнть.

Иоанн 16:7

Но Мон видеть корхтаса тейнть: Монь тумазе тейнть ули цебяренди. Вдь кда аф туян, Лездысь аф сай тейнть; а кда туян, эста кучса Сонь тейнть.

Иоанн 20:17

Иисус корхтай тейнза: «Тямак токсе Монь, сяс мес Мон нинге ашень кеподев вяри Алязти. Архт, азонтк мала ялганенди: "Туян меки Алязти, кона тиньге Алянте, Монь Шкаезти, кона тиньге Шкаенте"».

Иоанн 20:21

Иисус мярьгсь тейст омбоцеда: «Сетьмоши тейнть! Кода Алязе кучемань Монь, стане Монга кучтядязь тинь».

Иоанн 5:18

Эста еврейхнень оцюняснон нинге сяда пяк кемокснесь мяльсна шавомс Сонь, сяс мес Сон аф аньцек колсезе ваймамань шить, но и Шкайть лемнезе Эстейнза Алякс, тянь мархта латцезе Эсь прянц ряцок Шкайть мархта.

Иоанн 7:33

Но Иисус мярьгсь тейст: «Нинге аф лама пинге лядонды Тейне улемс мархтонт, и туян Эсь Кучиезти.

Павелонь васенце сёрмац Коринфу 11:3

Монь мялезе: содалесть тинь: эрь аляти прякс ащи Христос, авати – мирдец, а Христосонди прякс ащи Шкайсь.

Пёторонь васенце сёрмац 1:8

Тинь кельгсасть Сонь, хуш и ашесть няенде. Сон тянивок аф няеви тейнть, но сембе сяка тинь кематада Тейнза и кеняртькшнетяда оцю и валда кенярдемаса,

Иоаннонди панчф няйфкс 1:11

Сянь, мезе няят, сёрматк книгас и кучк Асиянь сисем кемаень пуромксненди: Ефесу, Смирнав, Пергаму, Фиатирав, Сардису, Филадельфияв и Лаодикияв».