Иоанн 14:27 - Од Соткс Новый Завет на мордовском-мокша языке 2016

²⁷ Кадан тейнть сетьмоши. Монцень сетьмошизень максса тейнть; максса аф стане, кода максси масторлангсь. Тяза коле и тяза пеле седиенте.

Иоанн 14:27 ပူးပေါင်းရင်းမြစ်များ

Матфей 10:26

«Тяда пеле эздост, вдь сембось, мезсь кяшф, лиси лангти, и сембе салаваннеське арай содафокс.

Лука 1:79

кона валдоптсыне шобдаса и куломань цильфса ащихнень и кона ладясыне минь пильгоньконь сетьмошинь ки лангс».

Лука 10:5

Мзярда суватада киньге кудс, васенда арьседа кудстотненди сетьмоши.

Лука 12:4

Корхтан тейнть, Эсь ялганенди: тяда пеле ронгонь машфтыда, конатненди тяда меле лия мезевок аф тиеви.

Лука 2:14

«Шнама Шкайти вярдень менельса, и модать лангса сетьмоши ломаттненди, конатнень кельгсыне Шкайсь!»

Иоанн 14:1

«Тяза ризна седиенте; кемада Шкайти, Тейневок кемада.

Иоанн 16:33

Тянь Мон азыне тейнть, муледе сетьмоши Монь эсон. Масторлангса тинь кармайхть улема пичефксонте; но кирдеда: Мон сяськине масторлангть».

Иоанн 20:19

Сяка шиня, недляшиста илять Иисусонь тонафниенза пуромсть марс и еврейхнень эзда пелемада пякстазь кудгенкшнень. Апак учсек сась Иисус, арась кучказост и корхтай тейст: «Сетьмоши тейнть!»

Иоанн 20:21

Иисус мярьгсь тейст омбоцеда: «Сетьмоши тейнть! Кода Алязе кучемань Монь, стане Монга кучтядязь тинь».

Иоанн 20:26

Кафкса шида меле Иисусть тонафниенза тага пуромкшнесть марса, Фомавок мархтостоль. Кенкшне пякстафтольхть, но Иисус сувась, арась кучказост и мярьгсь: «Сетьмоши тейнть!»

Апостолхнень тевсна 10:36

Шкайсь кучсь Израилень ломаттненди вал, пачфтезе Пара кулять сетьмошить колга, кона максови Иисус Христость вельде, тя Сон сембе ломаттнень Азорсна.

Апостолхнень тевсна 18:9

Фкя веня Павел няйсь няйфкс – эвондась Азорсь и мярьгсь: «Тят пеле, корхтак, тят лотксе.

Павелонь сёрмац Риму 1:7

Мон кучан пара вал сембе ся римэряйхненди, конатнень кельгсыне Шкайсь и конатнень Сон тердезень улемс иняру ломанькс. Мон арьсян тейнть пароказне и сетьмоши Шкай Аляньконь и Иисус Христос Азороньконь эзда.

Павелонь сёрмац Риму 15:13

Катк Шкайсь, надиямань лихтибрясь, пяшкоттядязь тинь кемамантень вельде оцю кенярдемаса и максы тейнть сетьмоши. Эста тинь надияманте апак лотксек касы-оцюлгоды Шкаень Ваймопожфть виенц вельде.

Павелонь сёрмац Риму 5:1

Тяни минь лувфтама кемамать инкса видексшинь ломанькс, и сяс ладязь эрятама Шкайть мархта Иисус Христос Азороньконь вельде.

Павелонь сёрмац Риму 5:10

Вдь нинге ся пинкнень, мзярда минь улеме каршект Шкайти, Сон минь ладямазь Эсь мархтонза Цёранц куломанц вельде, сяс тяни, мзярда минь ни ладяме Сонь мархтонза, сяда пяк идефтяма Шкаень Цёрать эряманц вельде.

Павелонь сёрмац Риму 8:6

Колаф обуцянь мяльхне вятихть куломати, а Ваймопожфонь мяльхне – эряфти и сетьмошити,

Павелонь васенце сёрмац Коринфу 1:3

Арьсетяма тейнть пароказне и сетьмоши Шкай Аляньконь и Иисус Христос Азорть эзда!

Павелонь сёрмац Галатияв 1:3

Арьсян тейнть пароказне и сетьмоши Шкай Алять эзда и Иисус Христос Азороньконь эзда.

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Галатияв 6:16

Сетьмоши и кельгозь ужяльдема сембонди, кит ванфтсазь тя ладяфксть, и Шкаень Израильти.

Павелонь сёрмац Филиппав 4:7

Эста Шкаень сетьмошись, кона сембе ломанень ёньда сяда оцю, ванфтсыне тинь седиентень и арьсемантень Христос Иисусса.

Павелонь сёрмац Колоссав 1:2

кучихть пара вал Колоссынь иняру ломаттненди, минь кемай ялганьконди, конат ванфнесазь эсь кемамаснон Иисус Христости.

Павелонь сёрмац Колоссав 1:20

Тяфта жа Шкайть мялецоль Цёрать вельде мирендафтомс Эсь мархтонза семботь, и Сонь крёз лангса валф версонза кандомс сетьмоши семботи, мезе мода лангса и менельса.

Павелонь сёрмац Колоссав 3:15

И катк азорондай тинь седисонт Шкаень сетьмошись, конанди тинь уледе тертьфт кода фкя ронгонь пялькст. Эрь пингста уледа сюконяйкс!

Павелонь омбоце сёрмац Фессалоникав 1:2

Арьсетяма тейнть пароказне и сетьмоши Шкай Аляньконь и Иисус Христос Азороньконь эзда!

Павелонь омбоце сёрмац Фессалоникав 3:16

Катк Сонць Азорсь, сетьмошинь лихтибрясь, максы тейнть сетьмоши фалу и сембоса! Улеза Азорсь сембонь тинь мархтонт!

Павелонь омбоце сёрмац Тимофеенди 1:7

Сяс мес Шкайсь ашезь макса тейнек пелемань ваймопожф, а макссь виень, кельгомань и шумбра-ару мялень ваймопожф.

Еврейхненди сёрмась 13:20

Сетьмошинь Шкайсь, кона вельмафтозе кулофнень эзда минь Азороньконь Иисусть (Христость), учань инь оцю Ваныть, и Сонь веронц вельде кемокстазе пефтома пингонь сотксть,

Еврейхненди сёрмась 7:2

И Авраам максозе тейнза кемонце пяльксть тюремвастста сембе сявфть эзда. Васендакиге, Мелхиседек лемть смузец «видексшинь оцязор». Тяда башка, Мелхиседек ульсь Салимонь оцязоркс, лиякс, «сетьмошинь оцязоркс».

Иоаннонди панчф няйфкс 1:4

Иоанн сёрмады Римонь Асияса сисем кемаень пуромксненди: пароказне тейнть и сетьмоши Сянь эзда, кие фалу ули, ульсь и сай, и сисем ваймопожфнень эзда, конат Сонь озама вастонц инголет,

Иоаннонди панчф няйфкс 2:10

Тят пеле сянь эзда, мезе тейть сави кирдемс. Ламотнень эздонт идемэвозсь ёрдасыне пякстамгуду. Тя ули тейнть кемамань варжамакс. Кемонь шит кармайхть люпштама эсонт, но сяка, тяк кадонда кемамацень, кда мянь сави куломс. И эста, кода сяськити, Мон максса тейть эряфонь каштазть.

Иоаннонди панчф няйфкс 21:8

А пелихнень, кемамать эзда потайхнень, сембе туткоткснень, ломанень шавихнень, усксевихнень, колдувайхнень, аф афкуксонь шкайхненди сюконяйхнень и сембе васькафнихнень вастсна эрьхкса, кона палы толса и палыкандорса. Тя омбоце куломась».