Иоанн 14:20 - Од Соткс Новый Завет на мордовском-мокша языке 2016

²⁰ Ся шиня тинь карматада содамонза: Мон Алязень эсан, тиньге Монь эсонотада, Монга эсонтан.

Иоанн 14:20 ပူးပေါင်းရင်းမြစ်များ

Иоанн 10:38

А кда тиендьсайне, эста, кда ни Тейне аф кематада, кемада Монь тевненди. Тяфта содасасть и шарьхкодьсасть – Алязе Монь эсон, Монга Сонь эсонзан».

Иоанн 14:10

Дяряй тон аф кемат, Мон Алязень эсан и Алязе Монь эсон? Валхнень, конатнень Мон корхтасайне тейнть, корхтасайне аф Эсь эздон – тя Алязе, кона Монь эсон, тиендьсыне тевонзон.

Иоанн 14:11

Кемада Тейне – Мон Алязень эсан, Алязевок Монь эсон. А кда аф кематада валненди, кемада Тейне тевнень коряс.

Иоанн 16:23

И ся шиня тинь аф кизефтьсамасть мезень колгавок. Видеста корхтан тейнть: мезе аф анатада Алязень кядьста Монь лемсон, макссы тейнть.

Иоанн 16:26

Ся шиня тинь карматада анама Сонь кядьстонза Монь лемсон, и эста Мон ни аф мярьган тейнть: Мон анан Алязень кядьста тинь инксонт;

Иоанн 17:11

Мон ни аф масторлангсан, но синь масторлангсот, а Мон саян Тейть. Иняру Аляй! Ванфтыть синь Эсь лемсот, сятнень, конатнень Тон максыть Тейне: улест синь фкя седиса-ваймоса, кода Минь Тонь мархтот фкя седисотама-ваймосотама.

Иоанн 17:26

И Мон панжине тейст Тонь лемцень, нинге панчса: улель седисост стама кельгома, кодамса Тон кельгсамак Монь, Монга улелень синь седисост».

Иоанн 17:7

Тяни синь шарьхкодсть: сембось, мезть Тон максыть Тейне, Тонь эздот.

Иоанн 6:56

Монь ронгтон ярхцайсь и вердон симись ащи Монь эсон, и Монга эсонзан.

Павелонь сёрмац Риму 16:7

Пара вал Андрониконди и Юниянди, монцень масторстон ломаттненди, конат мархтон ульсть пякстамгудса и конат лац содафт апостолхнень ёткса, и конат мондедон инголе кармасть кемама Христости.

Павелонь сёрмац Риму 8:1

Тяни аш кодамонга судендама сятненди, конат Иисус Христость эса эряйхть аф колаф обуцять, а Ваймопожфть коряс,

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Павелонь омбоце сёрмац Коринфу 12:2

Содан Христости кемай ломань, кона кемнилие кизода инголи кепотьфоль инь вяри, мянь колмоце менельть самс. Кодамкс сон тоза повсь: ронгса али ронгфтома – аф содаса, Шкайсь тянь содасы.

Павелонь омбоце сёрмац Коринфу 13:5

Кизефтесть эсь прянтень: тинь афкукс эрятада кемамать коряс? Варжасть эсь прянтень. Кали тинь аф содасасть: тинь эсонт эряй Иисус Христос. Но кда Сон аш эсонт, эста тейнть ашезь кирдев варчсемась.

Павелонь омбоце сёрмац Коринфу 5:17

Ся, кие Христость эса, ся – од тифкс; сембе таштсь ётась, и тяни, вов, сась одсь!

Павелонь омбоце сёрмац Коринфу 5:19

Лиякс азомс, Шкайсь Сонць Христость вельде ладязень Эсь мархтонза масторлангонь ломаттнень, аф лувомок тейст муворшикс синь коень коламаснон, и макссь тейнек тев: пачфнемс кулять тя ладямать колга.

Павелонь сёрмац Галатияв 2:20

и эрян ни аф монць, а Христоссь эряй эсон. И мзярс мон эрян тя ронгса, мон эрян кемазь Шкаень Цёрати, кона кельгомань монь и максозе Эсь эряфонц монь инксон.

Павелонь сёрмац Ефесу 2:10

Сяс мес минь Шкайть тифонза, Сон тиемазь минь Иисус Христосса цебярь тевонди, конатнень инголькиге ладязень тиемс тейнек.

Павелонь сёрмац Колоссав 1:19

Вдь Шкайть мялецоль: эряль-ащель Шкаень сембе пяшксешись Цёрать эса.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь сёрмац Колоссав 2:9

Вдь Христость ронгсонза Шкайть сембе пяшксешиц.

Иоаннонь васенце сёрмац 4:12

Шкайть кивок мзярдовок ашезе няенде. Но кда минь фкя-фкянь кельктяма, эста эсонк эряй Шкайсь, и Сонь кельгомац афкукс пяшкодемазь минь.