Иоанн 11:44 - Од Соткс Новый Завет на мордовском-мокша языке 2016

⁴⁴ И кулофсь лиссь, сон кяднек-пильгонек ашкотфоль кулыень котфса, шамацка вельхтяфоль котфкаса. Иисус корхтай ломаттненди: «Юкссесть-калафнесть нуланзон, катк якай».

Иоанн 11:44 ပူးပေါင်းရင်းမြစ်များ

Марк 5:43

Иисус кемоста мярьгсь: киндинге аф азонкшнемс тянь колга и кошардозень максомс стирняти кодамовок ярхцамбяль.

Лука 19:20

Сась колмоцесь и мярьгсь: "Азор, вов тонь ярмакце, мон ванфтыне сонь руцяня потмоса.

Лука 7:15

Кулофсь озась и кармась корхтама; Иисус мрдафтозе сонь тядянцты.

Иоанн 10:30

Мон и Алязе – тя фкя сякось».

Иоанн 11:39

Иисус мярьгсь: «Веляфтость кевть». Кулофть сазороц, Марфа, корхтай Тейнза: «Азор! Тусь ни шине; вдь ниле шит ни сон ащи лазксса».

Иоанн 11:43

Тянь азомда меле Сон кайгиста серьгядсь: «Лазарь! Листь тоста!»

Иоанн 19:40

Синь сявозь Иисусонь ловажанц и ашкодозь иляназонь котфса танцти шине шоряфкс мархта, кода тиендихть еврейхне калмамста.

Иоанн 20:5

Сон комась и няйсы: иляназонь котфсь тосоль. Но калму ашезь сува.

Иоанн 20:7

и ся котфкять, конань мархта ашкотфоль Иисусть пряц. Аньцек ся котфкясь аф марсоль иляназонь котфть мархта, а тапардафста путфоль башка.

Иоанн 5:21

Вдь кода Алясь вельмафнесыне кулофнень и максы тейст эряф, стане Цёрацка максы эряф сянди, кинди ули мялец максомс.

Иоанн 5:25

Видеста корхтан тейнть: сашенды пингсь, и сась ни, мзярда кулофне марясазь Шкаень Цёрать вайгяленц, и кит марясазь вайгяленц, сят кармайхть эряма.

Павелонь сёрмац Филиппав 3:21

Сон Эсь вийсонза полафтсыне минь кулы и лафча ронгоньконь, и синь арайхть Сонь иневалдонь ронгонц лаца. Тя вийть вельде Сон машты путомс семботь Эсь кядялонза.

Иоаннонди панчф няйфкс 1:18

Мон – эряфонь канды лихтибрян. Мон улень кулоф, и тяни шисан и карман эряма пефтома пингс. Монь кядьсон адонь и куломань панжематне.