Иоанн 11:27 - Од Соткс Новый Завет на мордовском-мокша языке 2016

²⁷ Марфа корхтай Тейнза: «Кеман, Азор! Мон кеман, Тон Христоссят, Шкайть Цёрацат, конанди сама масторлангти».

Иоанн 11:27 ပူးပေါင်းရင်းမြစ်များ

Матфей 11:3

«Тон Ся, кинди сама, али учемс тейнек киньге лиянь?»

Матфей 16:16

Симон Пётр мярьгсь: «Тон Христоссят, эряй Шкайть Цёрацат».

Матфей 16:20

Сяда меле Иисус кардазень Эсь тонафниензон, киндинге афолезь азонкшне: Сон – Иисус Христоссь.

Лука 2:11

тячи Давидонь ошса шачсь тейнть Идись, Сон Христос Азорсь.

Иоанн 1:49

Нафанаил пшкядсь Тейнза: «Равви! Тон – Шкайть Цёрацат, Тон – Израильть Оцязороцат».

Иоанн 4:42

А ся авати корхтасть: «Кематама ни аф тонь валхнень инкса; минць кулхцондоськ Иисусть и содасаськ: Сон афкукс масторлангть Идиец, Христоссь».

Иоанн 6:14

Мзярда ломаттне няезь Иисусть тя тиф тяштьксонц, мярьгсть: «Тя видекс ся пророксь, конанди сама масторть лангс».

Иоанн 6:69

И минь кармаме кемама и лац шарьхкодеськ: Тон Христоссят, эряй Шкайть Цёрацат».

Апостолхнень тевсна 8:36

Тя ёткть синь кисна прась ведь малас. Евнухсь мярьгсь: «Вов ведь, мезе тейне шоряй кстиндафтомс пря?»

Апостолхнень тевсна 8:37

Филипп мярьгсь тейнза: «Кда кемат сембе седиса, тя тиеви». Евнухсь каршезонза мярьгсь: «Кеман, Иисус Христоссь – Шкайть Цёрац».

Иоаннонь васенце сёрмац 5:1

Эрсь, кие кемай: Иисус – тя Христоссь, ся шачф Шкайть эзда. И кие кельгсы Алять, ся кельгсы Сонь эздонза Шачфтьке.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.