Иоанн 10:32 - Од Соткс Новый Завет на мордовском-мокша языке 2016

³² Иисус пшкядсь: «Лама цебярь тевда няфтень тейнть Алязень эзда. Ёткстост конань инкса мяленте шавомс Монь кевса?»

Иоанн 10:32 ပူးပေါင်းရင်းမြစ်များ

Матфей 11:5

сокорхне няихть и шаморхне якайхть, наксафты урмаса сярядихне аруякшнихть и пяряфне кулихть, кулофнень вельмафнесазь и ашуфненди пачфневи Пара кулясь.

Иоанн 10:25

Иисус каршезост мярьгсь: «Мон азыне тейнть, но тинь аф кематада Тейне. Колган азондыхть ся тефне, конатнень Мон тиендьсайне Алязень лемса.

Иоанн 10:31

Еврейхне тяса тага фатнесть кефт Сонь шавомс.

Иоанн 10:33

Каршезонза еврейхне мярьгсть: «Мяленьке шавомс Тонь кевса аф цебярь тевонкса, а Шкайть сялдоманкса и сянкса, мес Тонць ломанят, а Эсь пряцень тиендьсак Шкайкс».

Иоанн 10:37

Кда аф тиендьсайне Алязень тевонзон, тяда кема Тейне.

Иоанн 5:36

Но Монь ули лия няфтемазе-азондомазе, кона сяда оцю Иоанноннеть коряс: ся тефне, конатнень путозень лангозон Алязе и конатнень Мон тиендьсайне. Ня тефне няфнесазь – Монь кучемань Алязе.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Апостолхнень тевсна 2:22

Израилень ломатть! Кулхцондость монь валнень. Назаретонь Иисуссь ульсь Ломань, конань кучезе тейнть Шкайсь. Шкайсь тянь няфтезе-кемокстазе вии тевса, дивань тевса и тяштьксса, конатнень Сон тиендезень Иисусонь вельде. Тинь тинць содасасть тянь, сяс мес сембось тя тифоль тинь ётксонт.

Иоаннонь васенце сёрмац 3:12

Тяда уле Каинонь лаца, кона ульсь Кальдявть эзда, и шавозе эсь брадонц. Мезенкса шавозе? Сянкса, мес сонцень тевонза ульсть кяжихть, а брадонц тевонза – видексшинь.