Иоанн 10:28 - Од Соткс Новый Завет на мордовском-мокша языке 2016

²⁸ Мон максан тейст пефтома эряф, и синь мзярдонга аф юмайхть; и киндинге аф салавихть Монь кядьстон.

Иоанн 10:28 ပူးပေါင်းရင်းမြစ်များ

Марк 13:22

Сяс мес сайхть аф афкуксонь христост и аф афкуксонь пророкт, конат кармайхть тиендема тяштькст и дивань тефт кочкафнень васькафтоманкса, кда васькафтовольхть.

Лука 23:46

Иисус вярьгак вайгяльхть ювадсь: «Аляй! Тонь кядезт максса ваймозень!» Ня валхнень азомда меле ваймоц лиссь.

Иоанн 10:29

Монь Алязе, кона максозень синь Тейне, сембодонга оцю; и киндинге аф салавихть синь Алязень кядьста.

Иоанн 11:25

Иисус азозе тейнза: «Мон – вельмамась и эряфсь. Тейне кемайсь, кда и кулы, кармай эряма.

Иоанн 14:19

Ётай аф лама пинге, и масторлангсь ни аф няйсамань Монь; а тинь Монь няйсамасть, сяс мес Мон эрян, тиньге карматада эряма.

Иоанн 17:2

Тон максоть Тейнза азорксши сембе ломаттнень лангса, вага мезенди: максоль Сон пефтома эряф сембонди сятненди, кинь Тон максыть Тейнза.

Иоанн 18:9

Сон мярьгсь тяфта, сяс мес эрявсь пяшкодевомс Сонь валонзонды: «Сятнень ёткста, конатнень Тон максыть Тейне, Мон киньге ашине юмафта».

Иоанн 3:36

Кие кемай Цёрати, сянь ули пефтома эряфоц; а Цёрати аф кулхцондысь аф няйсы эряфть, но Шкайть кяжец кадови сонь лангсонза».

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 5:24

Видеста корхтан тейнть: кие кулхцондсы Монь валозень и кемай Монь Кучиезти, сянь ули пефтома эряфоц. Сон аф ули судендаф, сон ни ётась куломать эзда эряфти.

Иоанн 6:27

Прафтода аф ся ярхцамбяльти, кона коли, а ся ярхцамбяльти, кона аф коли и максы пефтома эряф. Тянь казьсы тейнть Ломанень Цёрась; вдь Алясь, Шкайсь, путозе Эсь тяштьксонц Ломанень Цёрать лангс».

Иоанн 6:37

Сембе, кинь Алязе макссесыне Тейне, сайхть Тейне; и Тейне сайть аф панца.

Иоанн 6:47

Видеста корхтан тейнть: Тейне кемайть ули пефтома эряфоц.

Иоанн 6:68

Симон Пётрсь мярьгсь каршезонза: «Азор! Кинди минь мольхтяма? Тонь кядьсот валхне, конат максыхть пефтома эряф.

Апостолхнень тевсна 7:59

Стефанонь эса шавсть кевса. Стефан тердезе Шкайть и мярьгсь: «Иисус Азор! Сявк ваймозень».

Павелонь сёрмац Риму 5:17

Вдь кда фкя зияну тевть инкса, конань тиезе фкя ломань, кармась азорондама куломась, эста сядонга пяк фкя Ломанть, Иисус Христость вельде кармайхть эряма и азорондама сят, кинди максовсть Шкайть козя пароказнец и видексшиц.

Павелонь сёрмац Риму 5:2

Тя Сон вятемазь минь кемамать вельде ся пароказнети, конаса минь тяни эрятама-ащетяма. Тяни минь кенярдезь и надиязь учсаськ сянь, мзярда суватама Шкайть мархта Сонь иневалдозонза.

Павелонь сёрмац Риму 5:21

И сяс, кода инголи азорондась пежесь и вятсь куломас, тяфта тяни Шкаень пароказнесь кармай азорондама видексшить вельде и вятьсамазь минь пефтома пингонь эряфти Иисус Христос Азороньконь вельде.

Павелонь сёрмац Риму 5:9

Сяс сядонга пяк тяни, мзярда Шкайсь лувомазь минь видексшинь ломанькс Христость веронц вельде, минь ульхтяма идефт Шкайть кяженц эзда.

Павелонь сёрмац Риму 6:23

Питнесь, кона пантфтови пежень тиеманкса, – кулома, а Шкаень казнесь – пефтома эряма Иисус Христос Азороньконь мархта.

Павелонь сёрмац Риму 8:1

Тяни аш кодамонга судендама сятненди, конат Иисус Христость эса эряйхть аф колаф обуцять, а Ваймопожфть коряс,

Павелонь сёрмац Риму 8:29

Нят сят, конатнень Шкайсь инголькиге содазень, мзярда синь нинге ашельхть, и ладязень улемс Сонь Цёранц лаца. Тяфта Сонь Цёрац кармай улема васенцекс ламоц сазорхнень-браттнень ёткса.

Павелонь сёрмац Филиппав 1:6

И мон кемоста содаса: Ся, кие ушедозе эсонт тя цебярь тевть, шумордасы сонь Христос Иисусть сама шинцты.

Павелонь омбоце сёрмац Фессалоникав 2:13

Кемай ялгане, конатнень кельгсыне Шкайсь, тейнек фалу азонкшнема сюконяма тинь инксонт Шкайти, сяс мес Сон ушетксстокиге, Ваймопожфса иняруяфтомать вельде и видешити кемамать вельде, кочкадязь тинь идемати.

Павелонь васенце сёрмац Тимофеенди 1:16

Но монь, сембодонга пежуть, Шкайсь кельгозь ужяльдемань, сяс мес Сон ёрась няфтемс Эсь куватьс кирдемшканц. И тиемань монь кепотьксокс сятненди, кит кармайхть кемама Тейнза и сувайхть пефтома пингонь эряфти.

Павелонь омбоце сёрмац Тимофеенди 1:12

Тянкса мон и кирдьсайне ня сталмотнень, но прокс аф виздьсайне, сяс мес содаса кинди кеман. И кемоста содаса: Сон машты ванфтомс семботь, мезе путф лангозон ся мекольдень шить самс.

Еврейхненди сёрмась 7:25

Сяс Сонь ули виец фалу идемс сятнень, кит вельденза сашендыхть Шкайти. Вдь Иисус эряй пефтома пингс и озонды синь инксост.

Пёторонь васенце сёрмац 1:5

А тинь, кемамантень вельде, ванфнетядязь Шкаень вийсь, кона вяттядязь идемас. Тя идемась анок ни и панжеви пингть мекольдень шистонза.

Иоаннонь васенце сёрмац 1:2

Тя эряфсь панжевсь тейнек и минь няеськ сонь. И сяс корхтатама кода няихне-содайхне и пачфнесаськ тейнть тя пефтома эряфть, кона ульсь Алять мархта и тяни панжевсь тейнек.

Иоаннонь васенце сёрмац 2:19

Синь лиссть минь ёткстонк, аньцек мзярдонга афкуксста ашельхть миннекс. Кда синь улельхть миннекс, эста минь мархтонк и кадовольхть. Но синь тусть ёткстонк, и тяфта няевсь: синь сембе аф миннет.

Иоаннонь васенце сёрмац 2:25

И вага мезе тейнек надияфтсь максомс Христоссь – пефтома эряфть.

Иоаннонь васенце сёрмац 5:11

Вага тя кемокстафты валсь: Шкайсь макссь тейнек пефтома эряф, и тя эряфсь Сонь Цёрасонза.

Иудань сёрмац 1:1

Иуда, Иисус Христосонь покодиец и Иаковонь брадоц, кучи пара вал тертьфненди, конатнень иняруяфтозень Шкай Алясь и ванфтозень Иисус Христос.

Иудань сёрмац 1:21

Ванфнесть прянтень Шкаень кельгомаса, учеда, мзярда минь Азороньке Иисус Христоссь Эсь кельгозь ужяльдеманц коряс максы тейнть пефтома эряф.

Иудань сёрмац 1:24

Но Шкайть ули виец ванфтомс тинь кальдявс прамада и путомс тинь кенярдемаса афсатыксфтомокс Эсь иневалдонц инголи.