Иоанн 10:12 - Од Соткс Новый Завет на мордовском-мокша языке 2016

¹² А мзярда сивотьф ванысь, конань учанза аф сонценнет, няйсы малады врьгазть, сон кадсыне учатнень и ворьгоди. Врьгазсь салсесыне учатнень и срафнесыне синь.

Иоанн 10:12 ပူးပေါင်းရင်းမြစ်များ

Матфей 10:16

Вага, Мон кучтядязь тинь, кода учатнень врьгаснень ёткс: уледа куй лаца смузюкс и гуляня лаца сятявкс.

Матфей 7:15

«Пеледа прорококс прянь тиендида, конат сашендыхть тейнть учань кедьса, а потмоваст синь – пяляз врьгаст.

Иоанн 10:13

Сивотьф ванысь ворьгоди, сяс мес сон сивотьф и аф лажнай учатнень инкса.

Иоанн 10:2

А кенкшева сувсись – учань ваны.

Иоанн 10:3

Ортань ванысь панчсы тейнза кенкшть. Учатне кулхцондсазь сонь вайгяленц, и сон тердьсыне эсь учанзон лемсост и лихнесыне.

Апостолхнень тевсна 20:29

Вдь содаса, монь тумдон меле тейнть сайхть кяжи врьгаст и аф ужяльдьсазь стадать.

Павелонь васенце сёрмац Тимофеенди 3:3

аф симикс, аф тюрикс, аф изгордыкс, аньцек эстейнза паронь аф вешендикс, но сетьмокс, лиянь мархта ладяйкс, ярмаконь мельге аф панцикс.

Павелонь васенце сёрмац Тимофеенди 3:8

И пуромксонь лездыхненди тяконь лаца эряви улемс пара лувксса, аф улемс кафта шама мархта, а меколанкт, тейст улема виде ваймокс, винати аф прафтыкс и ярмакнень мельге аф панцикс.

Павелонь омбоце сёрмац Тимофеенди 4:10

Сяс мес Димассь, конанди кельговсь тя пингонь эряфсь, кадомань монь и тусь Фессалонику. Крискентсь тусь Галатияв, Титсь – Далматияв. Мархтон илядсь аньцек ськамонза Лука.

Павелонь сёрмац Титонди 1:7

Вдь кемаень пуромксть мельге ваныти, кода Шкаень кудть тевонзон вятиенцты, эряви улемс аф муворукс, прянь вярьге аф кепсикс, вишкста кяжс аф сувайкс, аф симикс, аф тюрикс и ярмакнень мельге аф панцикс.

Пёторонь васенце сёрмац 5:2

ванода Шкайть стаданц мельге, кона максф тейнть. Ванода сонь мельганза седи ваксста, оцю мяльса, кода кельгсы Шкайсь, но аф сянкса, мес тинь кошардодязь тянди, и аф казненкса.

Пёторонь омбоце сёрмац 2:3

Ня топафксонь аф содай ломаттне, васькафнемок тинь ёжу валса-корхтамаса, кармайхть козякодома тинь вельдент. Но Шкаень судсь аноклаф ни тейст, и юмамась-арамась учи эсост.