Иоанн 1:45 - Од Соткс Новый Завет на мордовском-мокша языке 2016

⁴⁵ Филипп музе Нафанаилонь и корхтай тейнза: «Минь муськ Сянь, конань колга Моисей сёрмадсь койса и конань колга сёрмадсть пророкневок, – Назарет ошста Иисусть, Иосифонь цёранц».

Иоанн 1:45 ပူးပေါင်းရင်းမြစ်များ

Матфей 10:3

Филипп и Варфоломей, Фома и каяфксонь кочкайсь Матфей, Алфеень цёрац Иаков и Леввей, кона лемневсь Фаддейкс,

Матфей 13:55

Дяряй Сон аф узерьса шапить цёрац? Дяряй Сонь тядянц лемоц аф Мария, и Сонь брадонза аф Иаков, Иосий, Симон и Иуда?

Матфей 2:23

Сон сась тоза и лоткась эряма ошс, конань лемоцоль Назарет. Тяфта тиевсь ся, мезе азфоль пророкнень вельде: Назаретонь эряйкс Сонь кармайхть лемнемонза.

Матфей 21:11

Каршезост корхтасть: «Тя Иисус, Галилеянь Назаретста пророксь».

Марк 14:67

Сон, няемок Пёторонь, кона эжендсь тоса, оржаста ванць лангозонза и мярьгсь: «Тонга улеть Назаретонь ломанть, Иисусть мархта».

Марк 6:3

Дяряй Сон аф узерьса шапись, Мариянь цёрац, Иаковонь, Иосиянь, Иудань и Симононь брадсна? Афоли сазоронзовок тяса ётксонк?» И ашель мяльсна кулхцондомс Сонь и кемамс Тейнза.

Лука 18:37

Тейнза азозь: «Тя моли Назаретонь Иисуссь».

Лука 2:4

Иосифовок тусь Галилеянь Назарет ошста Иудеяв, Давидонь шачема ошезонза, кона лемневсь Вифлеем; сяс мес Иосиф шачемас коре ульсь Давидонь юромста.

Лука 2:48

Мзярда тядянза-алянза няезь Сонь, дивандасть. Тядяц мярьгсь Тейнза: «Цёрай! Мезенкса тяфта тиеть мархтонк? Вов аляцень мархта палы седихть вешендеме эсот».

Лука 24:27

И Сон ёфнезень тейст сембе васттнень Сёрматфксста, коса корхтави Сонь колганза, сявомок Моисейста и сембе пророкнень эзда.

Лука 24:44

Иисус мярьгсь тейст: «Вага кодама смузьсна ся валхнень, конатнень Мон азондыне тейнть нинге мархтонт улемста. Пяшкодевома семботи, мезе тяштьф колган Моисеень койса, пророкнень книгасост и Псалтирьса».

Лука 3:23

Иисусти Эсь покодеманц ушедомста колмогемоньшка кизоль, и Сон ульсь, кода ламотне арьсесть, Иосифонь Цёрац, кона ульсь цёракс Илиянди.

Лука 4:22

Сембе ломаттне тянь кемокстазь и дивандакшнесть ся пара валхненди, конат лиссть Иисусонь кургста, и корхтасть: «Кали тя аф Иосифонь цёрац?!»

Иоанн 1:44

А Филипп ульсь Вифсаидаста, сяка ошста, костоннетольхть Андрей и Пётр.

Иоанн 12:21

Синь састь Филиппонь ваксс, кона ульсь Галилеянь Вифсаидаста, и эняльдсть тейнза: «Пара ломань! Минь мяленьке няемс Иисусонь».

Иоанн 14:8

Филипп пшкядсь Тейнза: «Азор! Няфтьк тейнек Аляцень, и саты тейнек».

Иоанн 18:5

Азозь Тейнза: «Назаретонь Иисусть». Иисус корхтай тейст: «Тя – Монан». Ётксост ульсь Иудавок, Сонь мииец.

Иоанн 18:7

Иисус тага кизефтезень синь: «Кинь вешенттяда?» Сят мярьгсть: «Назаретонь Иисусть».

Иоанн 19:19

Пилат мярьгсь крёзть лангс повфтамс сёрматфкс: «Назаретонь Иисуссь, Еврейхнень Оцязорсна».

Иоанн 21:2

ульсть марса Симон Пётр, Фома, конанди мярьгондсть Кафтась, Галилеянь Кана ошста Нафанаил, Зеведеень цёранза и кафта лия тонафниенза.

Иоанн 6:42

Синь корхтасть: «Дяряй тя аф Иисуссь, Иосифонь цёрац, конань алянц и тядянц минь содасаськ? Кода стане Сон корхтай: Мон валгонь менельста?»

Иоанн 6:5

Иисус кеподезе сельмованфонц и няезе: ширезонза сай пяк лама ломань. Сон корхтай Филиппонди: «Коста раматама кши ня ломаттнень андомс?»

Иоанн 6:7

Филипп мярьгсь каршезонза: «Кда и рамалеме кафта сятт динарийда кши, сянь эздовок пакшкяньге афоль сата эрь ломанти».

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Апостолхнень тевсна 2:22

Израилень ломатть! Кулхцондость монь валнень. Назаретонь Иисуссь ульсь Ломань, конань кучезе тейнть Шкайсь. Шкайсь тянь няфтезе-кемокстазе вии тевса, дивань тевса и тяштьксса, конатнень Сон тиендезень Иисусонь вельде. Тинь тинць содасасть тянь, сяс мес сембось тя тифоль тинь ётксонт.

Апостолхнень тевсна 22:8

"Кият Тон, Азор?" – кизефтине мон. "Мон Назаретонь Иисуссь, конань тон панцесак", – мярьгсь Сон тейне.

Апостолхнень тевсна 26:9

Виде, инголи монга тяфта арьсень: тейне эряви сембе вийса тюремс Назаретонь Иисусть лемонц каршес.

Апостолхнень тевсна 3:6

Эста Пётр мярьгсь тейнза: «Аф сиязе, аф зрнязе аш. Но мезезе ули, сянь максса тейть. Назаретонь Иисус Христость лемса – стяк и якак».