Иоанн 1:44 - Од Соткс Новый Завет на мордовском-мокша языке 2016

⁴⁴ А Филипп ульсь Вифсаидаста, сяка ошста, костоннетольхть Андрей и Пётр.

Иоанн 1:44 ပူးပေါင်းရင်းမြစ်များ

Матфей 10:3

Филипп и Варфоломей, Фома и каяфксонь кочкайсь Матфей, Алфеень цёрац Иаков и Леввей, кона лемневсь Фаддейкс,

Матфей 11:21

«Кальдяв тейть, Хоразин ош! Кальдяв тейть, Вифсаида ош! Кда ся вии тефне, конат няфтьфтольхть тинь ётксонт, улельхть няфтьфт Тирса и Сидонца, ся ошэряйхне ризнамань щамса и кулуса почетфста кунаркиге ни шарфтольхть эсь пежеснон эзда.

Марк 3:18

Андрей, Филипп, Варфоломей, Матфей, Фома, Алфеень цёрац Иаков, Фаддей, Симон Кананит

Марк 6:45

Тяда меле Иисус мярьгсь тонафниензонды озамс венчти и Сондедонза инголи ётамс эрьхкть тона пяли, Вифсаидав, а Сонць мзярс ляды тозк ломаттнень нолдама.

Марк 8:22

Иисус и Сонь тонафниенза састь Вифсаидав. Вятсть Иисусти сокор ломань и эняльдсть, токафтолезе сянди кяденц.

Лука 10:13

«Кальдяв тейть, Хоразин ош! Кальдяв тейть, Вифсаида ош! Кда ня вии тефне, конат няфтьфтольхть тинь ётксонт, улельхть няфтьфт Тирса и Сидонца, ня ошэряйхне ризнамань щамса и кулуса почетфста кунаркиге шарфтольхть эсь пежеснон эзда.

Лука 6:14

Симон, конанди путсь Пётр лем, Андрей – Симононь брадоц,

Лука 9:10

Мзярда апостолхне мрдасть, синь азондозь Иисусонди семботь, мезе тисть. Иисус сявозень синь Эсь мархтонза и тусь Вифсаида ошть ала сетьме вастс.

Иоанн 1:43

Омбоце шиня Иисус срхкась Галилеяв. Сон музе Филиппонь и корхтай тейнза: «Мольхть мельган».

Иоанн 1:45

Филипп музе Нафанаилонь и корхтай тейнза: «Минь муськ Сянь, конань колга Моисей сёрмадсь койса и конань колга сёрмадсть пророкневок, – Назарет ошста Иисусть, Иосифонь цёранц».

Иоанн 1:46

Нафанаил кизефтезе: «Дяряй Назаретста мзярдовок лисендсь кодамовок пара?» Филипп корхтай тейнза: «Сак и ванк».

Иоанн 1:48

Нафанаил корхтай Тейнза: «Коста Тон содасамак?» Иисус мярьгсь каршезонза: «Филиппонь тердемда инголе Мон няихтень ни тонь смоква шуфтть ала».

Иоанн 12:21

Синь састь Филиппонь ваксс, кона ульсь Галилеянь Вифсаидаста, и эняльдсть тейнза: «Пара ломань! Минь мяленьке няемс Иисусонь».

Иоанн 12:22

Филипп мольсь и азозе тянь Андреенди, и сяльде Андрей и Филипп тянь азозь Иисусти.

Иоанн 6:5

Иисус кеподезе сельмованфонц и няезе: ширезонза сай пяк лама ломань. Сон корхтай Филиппонди: «Коста раматама кши ня ломаттнень андомс?»

Иоанн 6:7

Филипп мярьгсь каршезонза: «Кда и рамалеме кафта сятт динарийда кши, сянь эздовок пакшкяньге афоль сата эрь ломанти».

Апостолхнень тевсна 1:13

Ошу самста тонафнихне кеподсть вярдень кудбяльксти, коса синь фалу пуромкшнесть. Нят ульсть Пётр и Иаков, Иоанн и Андрей, Филипп и Фома, Варфоломей и Матфей, Алфеень цёрац Иаков, Симон Зилот и Иаковонь цёрац Иуда.