Иоанн 1:17 - Од Соткс Новый Завет на мордовском-мокша языке 2016

¹⁷ Вдь койсь максф Моисеень вельде, а пароказнесь и видешись састь Иисус Христость вельде.

Иоанн 1:17 ပူးပေါင်းရင်းမြစ်များ

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 18:37

Пилат мярьгсь Тейнза: «Лисенди, Тон Оцязорат?» Иисус каршезонза: «Тон корхтат: Мон Оцязоран. Мон шачень и сань масторлангти видешить колга азондома; сембе, кит видешить эзда, кулхцондсазь Монь вайгялезень».

Иоанн 5:45

Тяда арьсе, бта Мон карман муворгофнемонт Алязень инголе; ули тинь муворгофтыенте – Моисей, конань лангс тинь надиятада.

Иоанн 7:19

Моисей макссь тейнть кой, стане? И кивок ёткстонт аф тиенди коряванза. Мезенкса ёрасамасть шавомс?»

Иоанн 8:32

И карматада содамонза видешить, и видешись нолдатядязь тинь воляс».

Иоанн 9:29

Минь содасаськ: Моисеень мархта корхтась Шкайсь; а тя ломанть аф содасаськ, костонь Сон».

Апостолхнень тевсна 28:23

Синь корхтасть Павелонь мархта, и ладяф шиня нинге сяда лама еврей пуромсь кудти, коса сон эрясь. Сенем валдонястокиге илядти самс Павел корхнесь мархтост, панчсезе Сёрматфксть смузенц, и сявомок Моисеень койста и пророкста няфнесь-азондсь тейст Шкаень Оцязорксшить колга. Тянь вельде сон ёрась вятемс синь Иисусти кемамати.

Апостолхнень тевсна 7:38

Тя Моисейсь, мзярда ломаньтналсь кочкафоль шавмодаса, пачфтезе минь аляньконди сянь, мезе азсь тейнза ангелсь Синай пандть пряса. Сон сявозень эряфонь канды валхнень и максозень тейнек.

Павелонь сёрмац Риму 6:14

Катк оду аф азорондай лангсонт пежесь, сяс мес тинь Шкаень пароказнеть алотада, а аф койть.

Павелонь омбоце сёрмац Коринфу 1:20

и мзяра надияфтомада афоль макса Шкайсь, эрсь эздост пяшкодевсь Христосса. Вов мес минь Христосса, Шкайть шнаманкса, корхтатама «аминь, тяфта ули!»

Павелонь сёрмац Галатияв 3:17

Тянь вельде мон ёран азомс: койсь, кона эвондась ниле сятт колмогемонь кизода меле, аф машты полафтомс сотксть, конань Шкайсь инголи кемокстазе Авраамонь мархта, и аф машты нардамс Шкайть эзда максф надияфтомать.

Еврейхненди сёрмась 9:22

Афкукс, койть коряс пцтай сембось аруяфтови верть вельде, и кда аш веронь валома, аш пежень нолдамавок.