Иоанн 1:14 - Од Соткс Новый Завет на мордовском-мокша языке 2016

¹⁴ Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 1:14 ပူးပေါင်းရင်းမြစ်များ

Матфей 1:16

Иаков – Иосифонди, Мариянь мирденцты. Мария шачфтозе Иисусонь, конань кармасть лемнемонза Христоскс.

Лука 2:11

тячи Давидонь ошса шачсь тейнть Идись, Сон Христос Азорсь.

Лука 2:7

Сон шачфтозе Цёранц, васенценянц, ашкодозе Сонь нуласа и путозе жуватань андома кядьгос, сяс мес инжиень кудса тейст ашезь сата васта.

Лука 9:32

Пётр и сонь ялганза кемоста матодовсть, а сргоземстост няезь Иисусонь иневалдонц и кафта алятнень, конат ащесть мархтонза.

Иоанн 1:1

Ушетксса ульсь Валсь, Валсь Шкайть мархтоль, и Валсь ульсь Шкай.

Иоанн 11:40

Иисус корхтай тейнза: «Дяряй ашень мярьге Мон тейть: кда кармат кемама, няйсак Шкайть оцюшинц?»

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 14:9

Иисус мярьгсь тейнза: «Тняра пинге Мон мархтонтан, и тон аф содасамак, Филипп? Монь няиезе няезе Алязеньге. Кода ина тон корхтат: "Няфтьк тейнек Аляцень"?

Иоанн 17:22

И иневалдть, конань Тон максыть Тейне, Мон максыне тейст: улест фкя седиса-ваймоса, кода Минь Тонь мархтот фкя седисотама-ваймосотама.

Иоанн 17:24

Аляй! Монь мялезе: кинь Тон максыть Тейне, катк улихть мархтон тоса, косан Мон, катк няйсазь Монь иневалдозень, конань Тон максыть Тейне, сяс мес кельгомайть Монь менельть-масторть тиемда инголе.

Иоанн 18:37

Пилат мярьгсь Тейнза: «Лисенди, Тон Оцязорат?» Иисус каршезонза: «Тон корхтат: Мон Оцязоран. Мон шачень и сань масторлангти видешить колга азондома; сембе, кит видешить эзда, кулхцондсазь Монь вайгялезень».

Иоанн 2:11

Тяфта Иисус Галилеянь Кана ошса тиезе васень тяштьксонц и тянь вельде няфтезе Эсь оцюшинц, и тонафниенза кармасть кемама Тейнза.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Иоанн 3:18

Тейнза кемайсь аф судендави, а аф кемайсь судендаф ни, сяс мес ашезь кема Шкаень фкя-тяка Цёрати.

Иоанн 6:51

Мон менельста валкф эряфонь максы кшисян: тя кшида ярхцайсь кармай эряма пефтома. Кшись, конань Мон максса, – Монь ронгозе, конань Мон максса масторлангонь эряйхнень инкса».

Иоанн 8:32

И карматада содамонза видешить, и видешись нолдатядязь тинь воляс».

Апостолхнень тевсна 13:33

кода сёрматф омбоце псаломса: "Тон Монь Цёразят, тячи Мон шачфтыхтень Тонь".

Павелонь сёрмац Риму 8:3

Мезе ульсь аф вийс коре койти, кона лафчель минь колаф обуцяньконь сюнеда, сянь тиезе Шкайсь. Сон озксказнекс минь пеженьконь инкса кучезе масторлангти Эсь фкя-тяка Цёранц, конань ронгоц ульсь пежу ломаттнень ронгснон лаца. Тяфта Сон судендазе ломанень пежеть Христость ронгонц вельде.

Павелонь сёрмац Риму 9:5

Синнет ульсть кунардонь пингонь атянь-атятневок, и синь эздост ломанькс шачсь Христос, семботь лангса ащи Шкайсь, кона бславаф пефтома пингс! Аминь.

Павелонь васенце сёрмац Коринфу 15:47

Васенце ломанць ульсь мода лангста, тиф пульста, омбоце Ломанць – Азорсь менельста.

Павелонь омбоце сёрмац Коринфу 12:9

Но Сон мярьгсь тейне: «Тейть саты Монь пароказнедон. Монь виезе сембода лац няфневи лафчашиса». И сяс мон кенярдезь шнаян пря лафчашинень мархта, улеза-эряза эсон Христость виец.

Павелонь сёрмац Галатияв 4:4

Но мзярда сась ладяф пингсь, Шкайсь кучезе Эсь Цёранц. Сон шачсь ломанькс авань эзда и эрясь койть ала ва мес:

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Павелонь сёрмац Колоссав 1:19

Вдь Шкайть мялецоль: эряль-ащель Шкаень сембе пяшксешись Цёрать эса.

Павелонь сёрмац Колоссав 2:3

Сонь эзонза кяшфт сембе смузьшинь и содамошинь козяшитне.

Павелонь сёрмац Колоссав 2:9

Вдь Христость ронгсонза Шкайть сембе пяшксешиц.

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Еврейхненди сёрмась 1:3

Цёрась – Шкаень иневалдть вандолфоц и Сон Эсьсонза няфнесы афкукс кодама Шкайсь, и Сон семботь кирдьсы Эсь валонц виенц вельде. Сон аруяфтомазь минь пеженьконь эзда и тяда меле озась менельса инь оцю Шкайть озама вастонц види ширезонза.

Еврейхненди сёрмась 1:5

Вдь Шкайсь мзярдонга фкявок ангелти ашезь мярьге: «Тон Монь Цёразят, тячи Мон шачфтыхтень Тонь» али тяфта: «Мон улян Тейнза алякс, а Сон ули Тейне Цёракс».

Еврейхненди сёрмась 10:5

Сяс Христос, масторлангти самстонза, мярьгсь Шкайти: «Тейть ашесть эряв озксказнет и казнет, но Тон аноклать Тейне ронга.

Еврейхненди сёрмась 2:11

Вдь и Ся, кие иняруяфты и сят, конат иняруяфтовихть, синь сембонь фкя Алясна. Сяс Иисус аф визди лемнемс синь брадкс. Сон корхтай:

Еврейхненди сёрмась 5:5

Тяфта Христосовок аф Сонць Эстейнза сявозе иневалдть улемс озксвятиень оцюнякс, но Сонь путозе Ся, кие мярьгсь Тейнза: «Тон Монь Цёразят, тячи Мон шачфтыхтень Тонь».

Иоаннонь васенце сёрмац 4:14

Минь минць няеськ и аф сёпозь азонттама тянь колга: Шкай Аляньке кучезе Цёранц идемс масторлангть.

Иоаннонь васенце сёрмац 4:9

Шкайсь няфтезе Эсь кельгоманц тейнек тяфта: Сон кучезе масторть лангс Эсь фкя тяка Цёранц, сяс мес мялецоль Сонь вельденза максомс тейнек эряф.

Иоаннонь омбоце сёрмац 1:7

Вдь масторлангса эвондась лама васькафнида, конат аф кемайхть Иисус Христость ломанень ронгса саманцты. Тяфта корхтайхне – васькафни ломатть и антихристт.

Иоаннонди панчф няйфкс 19:13

Сон срхкафоль верса валф щамса и Сонь лемоц: «Шкаень Вал».

Иоаннонди панчф няйфкс 21:3

Мон кулень менельста кайги вайгяль, кона корхтась: «Ванода, Шкайть эряма вастоц ломаттнень ёткса. Сон кармай эряма синь мархтост. И синь арайхть Тейнза ломаньтналкс, и Сонць Шкайсь ули мархтост и кармай улема тейст Шкайкс.