Иоанн 1:12 - Од Соткс Новый Завет на мордовском-мокша языке 2016

¹² А конат васьфтезь и кемасть Тейнза, сятненди макссь вий арамс Шкаень идькс,

Иоанн 1:12 ပူးပေါင်းရင်းမြစ်များ

Матфей 10:40

Кие тинь васьфнетядязь, ся Монь васьфнесамань, а кие Монь васьфнесамань, ся васьфнесы Монь Кучиезень.

Матфей 12:21

И Сон кармай улема надияма вастокс сембе ломаньтналхненди».

Матфей 18:5

И ся, кие сявсы фкя тяфтама идть Монь лемсон, ся Монь сявсамань.

Иоанн 1:11

Валдсь сась Эсь масторозонза, но Эсь ломаненза ашезь васьфте Сонь.

Иоанн 1:7

Сон сась кулянь пачфтема, Валдть колга азондома, тянь вельде сембе кемальхть.

Иоанн 11:52

и аф аньцек Израилень ломаньтналть инкса, но Шкайть срафнеф идензон марс пуроптомаснон инксовок.

Иоанн 2:23

Мзярда Иисус Очижинь ёткова ульсь Иерусалимса, ламотне кемасть Тейнза тиф тяштьксонзон няемста.

Иоанн 20:31

А мезсь сёрматф, сёрматф вага мезенди – кемаледе: Иисус – тя Христоссь, Шкайть Цёрац, и Тейнза кемазь, тейнть ули максф эряф Сонь вельденза.

Иоанн 3:18

Тейнза кемайсь аф судендави, а аф кемайсь судендаф ни, сяс мес ашезь кема Шкаень фкя-тяка Цёрати.

Апостолхнень тевсна 3:16

Иисусонь лемоц и Тейнза кемамась кемокстазе тя ломанть, конань тинь няйсасть и содасасть. Иисусонди кемамась пчкафтозе алять сельминголент.

Павелонь сёрмац Риму 8:14

Сембе сят, конатнень вятьсыне Шкаень Ваймопожфсь – сембе синь Шкаень итть.

Павелонь сёрмац Риму 8:16

Сонць тя Ваймопожфсь кемокстасы минь ваймопожфоньконь: минь Шкаень иттяма.

Павелонь сёрмац Риму 8:19

Марнек тифсь аф азовомшка пяк учи, мзярда Шкайсь эвондасыне-панчсыне Эсь идензон.

Павелонь сёрмац Галатияв 3:26

Тяфта, сембе тинь араде Шкаень идькс Христос Иисусонди кемамать вельде.

Павелонь сёрмац Галатияв 4:6

Тяни ни тиньге Шкаень иттяда. Тянь няфтеманкса Шкайсь кучезе тинь седиезонт Эсь Цёранц Ваймопожфонц, кона тердьсы Шкайть: «Авва! Аляй!»

Павелонь сёрмац Колоссав 2:6

Тинь куледе Христос Иисус Азорть колга и нолдасть Сонь эсь седиезонт, сяс эряда мархтонза марса.

Пёторонь омбоце сёрмац 1:4

Синь вельдест Сон макссь тейнек оцюдонга оцю и питнидонга питни надияфтомат. Ня надияфтоматне лездыхть тейнть сотовомс Шкайть коронц мархта и ворьгодевомс юмаф-араф эряфть эзда, кона аф пара мяльхнень сюнеда азорондай масторлангса.

Иоаннонь васенце сёрмац 3:1

Ваность, конашкава Аляньке кельгсамазь минь: Сон лемнесамазь минь Шкаень идькс! И минь афкукс Сонь иденза! Масторлангонь ломаттне аф содасамазь минь, сяс мес ашезь сода минь Аляньконь.

Иоаннонь васенце сёрмац 3:10

Шкаень иттне и идемэвозень иттне вага кода содавихть: кие аф тиенди видексшить коряс, ся аф Шкайть эзда, кода и сявок, кие аф кельгсы эсь кемай ялганц.

Иоаннонь васенце сёрмац 3:2

Кельгома ялгат! Минь тяни Шкаень иттяма, но кодамкс ульхтяма сай пингть – нинге ашезь панжев. Аньцек содаф: мзярда сай Христоссь, минь тиефтяма Сонь лацонза, сяс мес няйсаськ Сонь тяфтамкс, кодама Сон афкукс ули.

Иоаннонь васенце сёрмац 3:23

А Шкайть кошардомац тяфтама: тейнек эряви кемамс Сонь Цёранцты, Иисус Христосонди, и кельгомс фкя-фкянь, кода Сон кошардомазь.