Иаковонь сёрмац 5:6 - Од Соткс Новый Завет на мордовском-мокша языке 2016

⁶ Тинь судендасть и шавость видексшиса эряйть, а сон ашезь уле каршек тейнть.

Иаковонь сёрмац 5:6 ပူးပေါင်းရင်းမြစ်များ

Матфей 21:38

Но виноградонь касфтыхне цёранц няемста мярьгсть фкя-фкянди: "Тя азорть юромонь поладыец, эрьда шавсаськ сонь, и тейнза аноклаф уликс-парось ляды тейнек".

Матфей 27:20

Но озксвятиень оцюнятне и ломаньтналонь оцюнятне корхтазь ломаттнень нолдафтфтомс Вараввать, а Иисусонь максфтомс шавомс.

Матфей 5:39

А Мон корхтан: кяж кяжса тят панда. Кда кивок лкштаттянза види щёка ланга, ладяк лкштадемс кержитьке.

Апостолхнень тевсна 22:14

Анания мярьгсь тейне: "Аляньконь Шкайсна инголькиге кочканзе тонь вага мес: содалить Сонь мяленц, няелить Видексшинь Тиить и кулелить Сонь вайгяленц,

Апостолхнень тевсна 7:52

Кинь пророкнень эзда ашезь панце тинь алянте? Синь шавозь сятнень, кит кунардонь пингть инголькиге азсть Видексшинь Тиить саманц колга, Сянь, конань тинь ня шитнень мисть и шавость!

Апостолхнень тевсна 8:32

Вов мезе сон лувсь Сёрматфксста: «Кода уча Сонь вятезь печкомас, и кода вероскясь нараензон инголе вайгяльфтома, тяфта Сон ашезе панчсе кургонц.

Еврейхненди сёрмась 10:38

Видексшинь ломанць кармай эряма кемамать вельде; а кда кие кармай пелема и сяс кадсы кемамать, ся аф туй Монь ваймозень мяльс».

Иаковонь сёрмац 2:6

А тинь мезькска аф лувсасть ашушиса эряйть. Дяряй аф козятне люпштайхть эсонт и вятнетядязь судга?

Иаковонь сёрмац 4:2

Тинь оцю мяленте кати-мезе сатомс, но тейнть аф сатови ся; тинь шавонттада и каятада сельме, но мяленте аф пяшкодевихть; тинь сялонттада и фкя-фкянь лангс врьгяткшнетяда и сяка мезентевок аш, сяс мес аф анатада.

Пёторонь васенце сёрмац 4:18

Кода сёрматф: «Кда видексшинь ломанти ули стака идевомс, сяльде мезе ули пежуфнень мархта и сятнень мархта, конат мезькска аф лувсазь Шкайть?»